الخرطوم: سعاد الخضر
طالب رئيس الجمهورية المشير عمر البشير، الشباب بتجهيز أنفسهم وتوحيد صفوفهم وتنظيفها لتسليمهم السلطة، وتوعد في الوقت ذاته بحسم من اطلق عليهم مخربي ممتلكات الشعب.
وقال البشير لدى مخاطبته حشد التأييد الذي نظمته احزاب الحوار الوطني بالساحة الخضراء أمس، (من يخرب الممتلكات نحنا بنحسموا).
ووجه رئيس الجمهورية رسالة للشباب، وأضاف (نقول لشبابنا وحدوا صفكم ونظفوه وجهزوا نفسكم وقووا عزيمتكم ونحنا جاهزين ندي انتباه ونسلم السلطة)، واتهم البشير جهات – لم يسمها- بالتآمر على البلاد، وقال مخاطبا المحتشدين: (الناس البتآمروا على البلاد ما عاجبهم وفاقع مراراتهم ان بلادهم تدمرت وانتو واقفين وحنظل واقفين زي النخلة لو رميتا بي حجر تديك بلح ما بتموت الا واقفة).
واتهم البشير جهات خارجية بمحاربة البلاد، وذكر: (حاربونا اقتصادياً حتى يركعوا السودان، ولن يركع لغير الله)، وكشف عن تقديم جهات خارجية – لم يسمها- عروضاً للحكومة لمساعدتها للخروج من أزمتها الحالية، وأردف (عايزين يركعونا ويكسروا نفسنا عايزين يذلونا بي شوية دولارات وقمح وبترول وقالوا لينا الحكاية بسيطة في شروط واحد اثنين ثلاثة لو عملتوها المشاكل بتتحلا)، وتابع (نحنا عزتنا أغلى من أي شيء، وكرامتنا أغلى من أي دولار ونحنا ناس مؤمنين بأن الأرزاق بيد الله).
وتوجه البشير بسؤال للمحتشدين وخاطبهم قائلاً (في سبب تاني بخلينا نمد أيدنا لي زول وربنا عندو خزائن السموات والأرض)، وأثنى على دور اصدقاء السودان الذين دعموا الحكومة وحددهم في (الصين، روسيا والامارات)، فصاح محتشدون (قطر قطر) ورد عليهم الرئيس (وقطر).
وجدد البشير دعوته للقوى السياسية وحملة السلاح للانضمام للسلام والحوار.
الجريدة
زول أهبل
الله ياخذه
العايزين خراب البلد مندسين في حكومتك وليس الشارع يا شيخ اتعظ من التاريخ انت ساير علي نهج حكام الربيع العربي مايغشك علي عثمان ولا عوض الجاز
البشير بيقصد الحُكْم لما يقول الممتلكات!!
انت عندما استلمت السلطة كنت جاهز لها؟؟ اطمئن ان الشباب جااااااهزو انت عااااارف ان الشباب جاااااهز و جاهزيته انت رأيتها بعينيك اللتين سيأكلهما الدود و لكنلانك كذاب لذا انك تتميز بذاكرة ذبابية فأريد ان اذكرك بجاهزية الشباب و التى تتمثل فى العفة ، النزاهة ، الصدق ، الرحمة ، علاوة على ذلك الشجاعة و الحرص على مقدرات الشعب هذه صفات الشباب الجااااهز الآن و التى تفتقدها انت و من معك لان هذه الفضائل لا تكتسب و لكنها وراثة تجرى فى الجينات منذ مرحلة الزايجوت فى أرحام الأمهات و وين وين وين تلقوا زى دا يا البشير و ناسك