أخبار مختارة

مخرجات الاجتماع المشترك للجنة السياسية والاعلامية للمؤتمر الوطني والدعم السريع وجبهه الميثاق ب ،اردول عسكوري

مخرجات الاجتماع المشترك للجنه السياسيه والاعلاميه للمؤتمر الوطني والدعم السريع وجبهه الميثاق ب ،اردول عسكوري،، وتم اعتذار التوم هجو

🔴مقتطفات من اللقاء:

⭕مندوب الدعم السريع : اها افرجنا ليكم بتوجيهات من القائد حميدتي للمحكمه بالافراج فورا عن غندور ومن معه في قضيه عقوبتها الاعدام واتحدينا فيها القضاء والجيش وطلعناهم بره السجن وعلي حسب الاتفاق حيشتغلو معانا يعني بالعربي الواضح المؤتمر الوطني بقي جزء من الدعم السريع اكرر الدعم السريع فماتتكلمو في جرائد ولا تلفزيون كلامكم الكتير البغطس حجركم تاني !نحن البنقول تعملو شنو ومتين.

براكم لاحظتو التغيير في وسائل التواصل لانو نحن دفعنا قروش وبعلاقاتنا جبنا خبراء روس بتاعين اعلام وشغالين وسط الاعلاميين وشغلم واضح ليكم.

لانو لولا شغلهم ده ما كان الناس اتقبلت مرقتكم دي من السجن من دون محاكمه علشان كده الفريق الاعلامي ده هو البرتب الاحداث وردة الفعل فما تعملو حاجه من راسكم وتعقدو لينا الامور لانو اترتب بعد صعوبات والشباب الفي الشارع ديل الشغل معاهم صعب وانتو عارفين لانهم سقطوكم بالكواريك ساي :: اسي الدول الواقفه معانا بقت تزيد لانو مصالحا في السودان ما بتتم الا عن طريقنا: ماعاوز اطول عليكم وكلامي واضح علي ما اظن وحنتلاقي مره كل اسبوع في نفس المكان :ده واحد لابس عميد في الدعم السريع ::::

 

⭕اردول بدأ بالسلام وشكر الدعم السريع افراد وقياده على الافراج عن متعلمين ومثقفين وقاده الموتمر الوطني الاجلاء وانو الوطن منتظر كل الناس تبنيهو وعلى رأسهم المؤتمر الوطني لأنه عضو مهم بس يبعد اشخاص معينين لانهم مكروهين من الشارع السوداني :::

واشكر روسيا الصامدة في حربها ضد الغرب لانو زي ما ذكر اخونا العميد انو لولا دعم روسيا ما كان قدرنا نعمل الحركه التصحيحية دي في ٢٥ اكتوبر ونشكر الدعم الاتقدم عبر خبراء اعلاميين روس اشتغلو شغل موفق شديد في السوشال ميديا ودفعو قروش كتيره لدعمنا من بدايه الاعتصام في القصر الى ان تم التحرر من اربعه طويله والثوار المغيبين عن الحقيقه والناس الخارشين وسكرانيين :

ونحن كشركه سودانية حنرد الجميل لروسيا عبر الشركتين الاسهمو معانا ماديا ومعنويا في اعتصامنا وتصحيح المسار شركه كوش وميروقولد ونقول ليهم جميلكم محفوظ في تحرير البلد من اربعه طويله *

واقول لاخوانا في الموتمر الوطني انو نشتغل في تناغم علشان ننهض بالبلد دي وشكرا ليكم على الاستماع ::

 

⭕عسكوري اخد الفرصه وقال : الشعب السوداني ما حيسكت على خروج اعضاء المؤتمر الوطني بالسهوله دي من السجون والناس تجهز للهبه القادمة من بدري لانو الثوار ديل نفسهم طويل ولازم نستعد ليهم بكل الخطط ..

انا عن نفسي اول مره اعرف انو روسيا دفعت قروش الاعتصام عبر شركات التعدين بتاعتها في السودان وبرضو اول مره اعرف انو في خبراء اعلام روس ماسكين دفه الاعلام واحسن الناس ماتجيب سيرة “ميروقولد” شركه الدهب دي لانو بتفتح علينا ابواب عالميه لشغل “فاغنر” ونحن ماناقصين مشاكل وما حاطول عليكم واقول نتلاقي اكتر من مره في الاسبوع لانو الاحداث سريعه بقت ::::

 

⭕جاء دور مندوب الموتمر الوطني لابس كمامه ورفض يقلعها ولابس نظاره كبيره وقال الحمد لله على اطلاق سراح جزء من المسجونين ظلما وفي انتظار اطلاق سراح كل الاخوان البقيه ::

نحن كموتمر وطني كنا شغالين ومتواصلين كل الفتره الفاتت دي وبنجهز في السيناريوهات الممكن يحصل شنو والما ممكن شنو … لانو الاعلام بقي يلعب دور اكتر من البندقيه نحن استنفرنا عضويتنا في الاحياء لمهاجمه شباب الاحزاب ديل وانو نشكل هجمات اعلاميه في القروبات وفي الاحياء والجوامع علشان نرجع نمسك كل اللجان الشعبيه والرياضيه والحمد لله مازلنا الى الآن ماسكين الجوامع لانها بيوتنا نحن المسلمين وكل الأئمه واقفين معانا وطالبناهم ما يتكلمو في البيحصل لحدي ما تتم كل الامور المتفق عليها لانو العمل علشان ينجح لازم تسيطر على اللجنه الشعبيه واي خدمات في الحي من غاز لزكاه لرغيف لكيس صايم وافطار صايم ونركز على سلعتي والرياضه ::

 

بالعربي الواضح الامور تحت السيطره في الاحياء والله اكبر وحننتقم من كل الشباب الفاسدين ديل وحنرفع الرايه تاني وما حتنزل الا نموت .. الله اكبر ياجماعه يعني السياسيين والاعلاميين الروس اجتمعوا معانا وناقشنا كل تواريخ اطلاق سراح اخواننا الفي السجون علشان ننتهي من التواريخ بتاعت الاعداء ونقيف مع روسيا في خندق واحد ضد الامريكان والغرب الفاجر ::

انا شايف نكوِّن لجان تلتقي كل يوم وتنظم العمل لانو المرحله حساسه شديد ما حاطول عليكم لانو مواعيد الافطار قربت ونتلاقي في اقرب موعد يتحدد::

 

⭕مسك المكرفون العميد بتاع الدعم السريع وقال ياجماعه كل ماتسمعه هنا او تراه هنا تتركه هنا ما عاوزين اي كلام يطلع وشغلنا ده الهدف منو انو السودان ينهض ونساعد المواطن المسكين ده ضد عملاء السفارات والغرب وامريكا وسلام عليكم ورحمه الله وبركاته
…….،،،،،،……،،،….

🔴الخطوط العريضه للكلام الخطير ده !!!!
📌١/ اردول وعسكوري من اول يوم للثوره تم شراءهم من الدعم السريع وكانو غواصات للدعم وللموتمر الوطني.

📌٢/ الروس عبر شركه ميرو قولد وكوش رسلو اعلاميين والبعشوم اتكلم كتير عنهم وانهم جايين
يجهضوا الثوره السودانية لانها ضد مصالح بوتين في السودان وافريقيا وده حنكشفو ليكم بالمستندات والصور.

نجلاء سيد احمد – فيسبوك

‫29 تعليقات

  1. قريبا جدا سيتم اعلان الحركة الاسلامية وجميع واجهاتها الارهابية تنظيم ارهابي شديد الخطورة والتي تستلزم المواجهة بالسلاح فقط الارهاب يواجه بالارهاب فقط والكيزان زناة نهار رمضان عديمي الرجولة اصحاب الفكر الشاذ تجار الدين والمخدرات جماعة ارهابية

    1. كلامك منطقي ودا الحاصل الان امام ومراي ومسامع الناس
      لاكن هيهات والشارع هو الفيصل الحقيقي دون أي رجعه في الثورة والثورة قائمة الي يوم يبعثون وإلسلمية سايره الي آخر نقطة دم ثائر من أجل الحرية والكرامة وعزة السودان من هولا الارناووط بقاييه الباشاوات وعفن المستعمر

  2. وااضح عبقريات اجهزة الاستخبار المصادمة لحركة الثورة في صناعة مثل هذه السينايروهات قصيرة النظر والافق … الثورة ماضية في طريقها رغم هذا العبث والهتر الهاتر … التخويف بالمؤتمر الوطنى لا ينطلى على من بذلوا الدم رخيصا لأجل الحرية والعدالة لأجل قذف المفسدين ورميهم في سلة التاريخ المتسخ … أما الأرادلة المرتزقون فهذا شأن كل مرتزق يعمل بالدفع المقدم والمؤخر .. وان الحساب لأت مهما ارتبط الجناة بدوائر العمالة بمختلف مسمياتهم المعروفة …. وان غد لناظره قريب

  3. والله الظاهر الكلام دا كلو صحيح والايام دى بنسمعفى اصوات الكيزان فى كل مكان بعد ان كانوا فى جحور وللاسف
    هناك خيانة كبيرة من بعض السياسيين وخصوصا الحركات المسلحة وبعض ضعاف النفوس والله المستعان

    1. الكيزان تحت بوت العسكر ..واذا رفعوا راسهم الحركات المسلحة ترهبهم.. هذا هو الوضع الآن..الأموال بيد الحركات والقوة بيد الدعم السريع وكبار قادة الجيش رهن اشارة حميدتي..الكيزان موظفين وبس لن يمسكوا قلم يحل ويربط..لن يتحكموا في فلس واحد..الوزارات المهمة للسيطرة على المال والاراضي ملكية خالصة للحركات ..

  4. يا بتنا نجلاء نصيحة ليك الحلومر البايت بره الثلاجة ما كويس … دفقيه ما تشربيه

    1. ههههة بياعين الذمم عبيد الكبزان مستعدين يقولوا أي كلام تافه وبعملو أي حاجة يطلبوها اسيادهم لا اخلاق لا ضمير لا وطنية لا دين، صحي الجوع كافر، لعن الله الفقر

  5. كيزان المؤتمر الوطني ما حيمشوا على توجيهاتكم، حيعملوا حاجات من راسهم وحتتعقد عليكم الامور وتضربون بعضكم ………
    استقواء البرهان والدعم السريع بالكيزان هو في حقيقته تخالف وليس تحالف، تحالف مرحلي لأنهم الاثنين في موقف ضعف فالبرهان كرسيه قد اهتز من تحته، والمؤتمر الوطني حية غير مأمونة يمكن ان تفعل الشيء وعكسه، وسبق ان صرحت بان حكم البرهان قد انتهى، بكرة يشتد ضغط الشارع عليكم حتنكروا بعضكم،
    اتلموا لينا كلكم كوم واحد عشان يتكنس الوسخ مع بعض بضربة واحدة، اللعب بقى على المكشوف

    1. الكيزان ما حيلقوا اي حاجة لان التنظيم اساسا مصري ومطارد الكيزان يد لتنظيم خارجي إسلامي في تركيا ومصر

  6. إذا كان ده حال عقولكم لمواجهه الطرف الآخر فأحسن تشوفوا ليكم شغلانه تاني غير السياسة.

  7. ما هذا العبث
    نشر مثل هذه الدراما ضرب المصداقية وبالتالي الناس تتشكك في كل شي

  8. ما تسرب تثبته الوقائع اليومية على الأرض
    و لكن ما يحزن و يؤسف له هو:
    إجتماع قحت بحصان طروادة – المرتزقة – لوردات الحرب

  9. ده شنو الكلام الفارغ ده؟ ماهذا العبث ؟ خلاص قمتوا للخرمجة ياشيوعيين ياوهم ده ضرب في مصداقية المعارضة بالذات الشيوعيين ومن انهم بتاعين طلس ماهذ الاستهتار وضعضعة وتشتيت جهود الثوار لاسقاط النظام المجرم كلام كله نجر وكضب وكوميديا هزلية تافهة

  10. علي الطلاق إنتو في الكذب والنجر فاشلين ؛ ناقلين لينا من صفحة زولة من الفيس ودايرننا نصدقكم؟ إنتو قايلنا قطيع ولا شنو؟ طيب لو أنا عملت سيناريو كارب أكتر من كدة ح تصدقوني ولا كيف؟ ياخ بالله عليكم إحترموا عقول الناس وخليكم منطقيين عشان الناس تحترمكم وتقيف وراءكم وبطلوا الطلس بتاعكم ده

  11. إنقلاب الضباط أزم الوضع وعقد المشكل وابعد البلد عن الحل بسنين ىصؤيية ، معقول الجيش كلةاغبياء و خالي من العناصر الوطنية .

  12. مسرحيه هزيلة لا ترتقى الى التوافق مع الواقع –اولا المؤتمر الوطنى ليس له قيادة وانما قياده مكلفه ولم يقيم مؤتمره الدستورى —هناك خلاف حاد فى المؤتمر الشعبى ومحاوله اقصاء على الحاج —-كذلك من الذى فوض عسكور وهل يعقد اجتماع بلا قيادات الجبهه الثوريه —-وبعدين المؤتمر الوطنى عبر كوادره يرى فى حميتى والبرهان وصلح قوش خيانه للمخلوع البشير—– اعتقد دى مسرحيه شيوعيه لاثاره الراى العام ———————–الواقع يقول الكيزان لسه بيسخنو وبيعملو احماء وهناك ترتيبات الى عقد مؤتمر عام وتوحيد المؤتمر الوطنى والشعبى وتاسيس قياده جماعيه واستنفترجميع كوادره —-هم ينظرون الى الانتخابات لا للمراهقات السياسيه ——-انتهت الثوره فعليا وستظل مختزله فى مليونيات

  13. الثورة السودانية مباركة وربنا اراد لها الخير … لذلك جمع البيض الفاسد فى سلة واحدة (كيزان ولجنة امنية وحركات مسلحة واحزاب فكة) حتى يسهل تحطيمه … قلناها لكم هذه الثورة ستقدم بعض قادتها الى مقاصل الاعدام …

  14. يعني بالعربي الواضح المؤتمر الوطني بقي جزء من الدعم السريع اكرر الدعم السريع، اذا أخذنا بنظرية الكتلة الكبيرة تجذب الكتلة الصغيرة، فبنفس المنطق الجيش السوداني حيذوب في الدعم السريع وليس العكس.

  15. هذا كلام ليس له مصداقية .
    هل يعقل الدعم السريع يكون جزء من المؤتمر الوطني ؟
    ارجو ان نتحرى المصداقية ونملك الشعب السوداني بالحقائق بدلا من التزيف والمزايدات

  16. ردا على الطاهر ابوهاجة بتكوين الحكومة لإيقاف الفوضى السياسية:

    نقول له:

    1/ الفوضى التي تتحدث عنها هى وجود 7 جيوش داخل العاصمة.
    2/ الفوضى هو انك من أصول ( اريتريه ) وترتدي بدله القوات المسلحة السودانية
    3/ الفوضى هو أن القوات المسلحة تمارس العمل التجاري وتتاجر فى المحاصيل
    4/ الفوضى هو إرجاع الأموال المنهوبة من المال العام للدولة إلى اللصوص والفاسدين أمثال على كرتي وعبد الباسط حمزة
    5/ الفوضى هى امتلاك الجيش ل 250 شركة تعمل خارج نطاق وزارة المالية
    6/ الفوضى يا ابوهاجة هى عدم تحرير حلايب وشلاتين وأبو رماد
    7/ الفوضى انكم عملاء المخابرات المصرية والخليجية
    8/ الفوضى يا ابوهاجة هى ما يقوم به السفيران (السعودي و الاماراتي) بالخرطوم من التدخل فى الشأن السياسي السوداني ومقابلة قيادات الحركات المسلحة والتنقل داخل الولايات بكل حريه ومقابلة أطراف سياسية
    9/ الفوضى أن هى عقليتك المتواضعة يا ابوهاجة التي تفكر كأننا فى العام 1989
    10/ الفوضى هى اعتقال الشرفاء الوطنيين النزيهين أمثال وجدي صالح ومحمد الفكي سليمان وإطلاق صراح الفاسدين واللصوص
    11/ الفوضى هي أن يكون قائد مليشيا جاءت من تشاد أن يكون قائد ثاني بالقوات النظامية ورئيس هيئه الأركان يرفع له التحية
    12/ الفوضى هى انك حاصل على شهادات دراسية مزورة !! _
    13/ الفوضى هي تهريب الذهب بواسطة القوات المسلحة ومليشيا الجنجويد عبر مطار الخرطوم إلى روسيا والإمارات

زر الذهاب إلى الأعلى

انت تستخدم أداة تمنع ظهور الإعلانات

الرجاء تعطيل هذه الأداة، فذلك يساعدنا في الأستمرار في تقديم الخدمة ..