أهم الأخبار والمقالات

اشتباكات عنيفة بين الجيش السوداني وقوات إثيوبية علي الحدود

سقط جريح وفقد ما لايقل عن 7 جنود من القوات المسلحة في شرق السودان اثر اشتباكات وقعت الأربعاء على الحدود مع إثيوبيا.

وقالت مصادر عسكرية لـ “سودان تربيون” الخميس إن اشتباكات عنيفة اندلعت بين قوات اثيوبية وسودانية بينما كانت الاخيرة تجري عملية تمشيط شرق منطقة الأسرة بمحلية القريشة، على بعد 5 كلم من نهر عطبرة.

وأفادت أن الجيش أرسل العشرات من الجنود للمنطقة بعد توافر معلومات عن تمركز قوات إثيوبية لإسناد مزارعين إثيوبيين.

وأضافت المصادر ” جرح جندي وفقد 7 آخرين، وتم إسعاف المصاب لمستشفي السلاح الطبي بالقضارف”.

من جهته طالب عضو تجمع الأجسام المطلبية الرشيد عبد القادر بضرورة انتشار القوات المسلحة في مناطق شرق بركة نورين وتأمين المساحات المستردة لتمكين المزارعين السودانيين من فلاحتها.

وقال لـ”سودان تربيون” إن المزارعين الإثيوبيين عادوا للسيطرة علي بعض المناطق التي استردتها القوات المسلحة في وقت سابق سيما تلك الواقعة في جبل اللبيسر وحمبر قرب بركة نورين.

وقال الرشيد إن ترك الأراضي المحررة دون زراعتها مكن الإثيوبيين من العودة والسيطرة عليها مجددا.

وأعاد الجيش السوداني مُنذ نوفمبر 2020، انتشاره في الحدود المحاذية لإثيوبيا، شرقي البلاد، واسترد مساحات زراعية خصبة كان يحتلها إثيوبيين طوال 26 عامًا بدعم وحماية من مليشيات وجيش بلادهم.

وتسبب إعادة الانتشار الذي استعيدت بموجبه 95% من الأراضي السودانية في توتر العلاقات بين الخرطوم وأديس أبابا، وتصل ذروة التوتر عادة مع بداية فصل الخريف، حيث تحاول مليشيات مدعومة من إثيوبيا عرقلة فلاحة الأراضي الزراعية المستردة.

‫23 تعليقات

  1. في المنطثة الشرقية حدودنا مع أثيوبيا معركة .
    وفي الخرطوم ضد الإنقلابيين معركة .
    والقاسم المشترك (الكرامة) ز
    كرامة وطن وكرامة شعب .
    التحية والتقدير ل جيشنا .
    والحرية والسلام والعدالة للشعب السوداني البطل.

    1. يا بابا اعداء ما هم الحبش الاعداء من فرض في وحدة الوطن وترابه وطمع فيك كل جيرانك العدو من اخذ الجيش لغير موقعه ليشتغل في التجارة والزراعة والذهب والسياسة

  2. وقال الرشيد إن ترك الأراضي المحررة دون زراعتها مكن الإثيوبيين من العودة والسيطرة عليها مجددا.

    مش تركها من غير زراعة بل من غير حراسة لنو لو مامحروسة كان حينهبوا المحاصيل الجاهزة بدون تعب في زراعتها!!! واليوم اتركوهم لما يزرعوها وارجعوا شيلوها بزراعتها

  3. ربنا ينصركم ويسدد رميكم مزيد من التعزيزات لقرع الحبش وافشال اطماعهم في زراعة الفشقة ويحرسوا المزارعين السودانيين حتى الحصاد ويسلحوهم يدافعوا ويزودوا عن مالهم وعرضهم جيشنا الهمام الله يخدر ضراعكم يا اشاوس الدعم السرع ده يسوقوهو للفشقة مكان الدواس ما يقعدوا يداوسو مواطني دارفور المساكين ساي حاصل فارغ التمرد بتاع دارفور انكسرت شوكته وانتهوا الان الدور على الاحباش ويجيك واحد معفن يقول ليك اثيوبيا اخت بلادي ديل انجس منهم لم يخلق ربي

  4. وين حركات الارتزاق والجنجويد مايمشوا يدافعوا عن الاراضي السودانية نهبوا ثروات البلد وشغالين يصادروا في الاراضي

  5. و ليه الجيش براهو تصدي للحبش؟ وين جيوش الحركات المسلحة و الجنجويد؟ ديل برضو سودانيين و مفروض يدافعوا عن وطنهم

    1. والله كلامك صحي أين هؤلاء الاراذل بتاعين الحركات المسلحة العاملين جوطة في البلد حاصل فارغ وتعويضات ومخصصات وقروش ماخدنها من جيب المواطن بلاش لقادة الحركات ومرتزقتهم بتاعين المليشيات ومعاهم الدعم السريع وكل الجايين من ليبيا وحيقعدوا فراجه يتجهوا سريعا للزود عن الفشقة لانها كده حتضيع الاثيوبيين ما راضيين ينفطموا من ارضنا الخصبة دي والله حتى عيب دولة زي اثيوبيا تعمل لينا غلاغل في حدودنا الشرقية بعدما بهدلت الدنيا بسد النهضة الله يسد نفوسهم قادر ياكريم

    2. دفاعك لو بقى مقسم كيمان كوم جيش و كوم جنجويد و كوم حركات مسلحه يبقى ده ذى الدفاع بالنظر!!!!

      1. ابدأ المنطقة طمعانة فيها الامارات وحميدتى داير الحبش يحتلوها وبعدين الامارات تدخل وساطة ويعملوها منطقة تكامل والامارات لها وجود استثماري كبير فى اثيوبيا وبالذات سد النهضة

  6. المشكلة الكيزان الحرامية اولاد الكلب ديل ليه ما يوزعوا المناطق المحررة للشعب عشان الناس تزرع و تستفيد
    و الله بالطريقة دي احسن يزرعون الاحباش

  7. لو ذهب البرهاذ الى 60 داهية نعرف كيف نستعيد ارضنا من الاحباش بلا رصاصة واحدة ولا شهيد ولا جريح..

    الحاصل هسة رعونة برهان وترهات جهاز امن الانقلاب..

    1. الجيش هو الذي طمع الحبش فيها لان نميري وزع مشاريع الفشقة لضباط لا علاقة لهم بالزراعة وهم قاموا بتاجيرها للامهرا والتقراي وبمرور الزمن
      استمرأ الاحباش الشغلة وبدأوا فى التمدد داخل اراضينا بدون ايجار بطرد المزارعين البسطاءى

  8. مع احترامي الشديد لك لكن الجنجويد ليسوا بسودانيين والحركات الغير مسلحة استعراض قوة في المدن بس لا تتعدي قواتهم مجتمعة ١٠٠ جندي الباقي رتب بيعت في سوق الله اكبر لزوم مرتبات وكده. الواحد عمره ١٤ سنة ورتبته نقيب.
    على ما اعت أن إثيوبيا لا يمكن أن تدخل في حرب وهي تصارع في جبهات متعددة.
    أضم صوتي مع القائلين بأنها فبركة لصرف النظر عن الزلازل القادمة.
    حميدتي تشادي اجنبي وأخوه الأرعن غير معروف الجنسية

  9. قلنا اي منطقة متنازع عليها على حدود السودان
    تقوم القوات المسلحة بتعمير 3-5 كيلوا
    فيها لصالح الجيش . بدون تضرر المناطق
    المعمرة قبل بداية تعمير الجيش
    هذا على كل الحدود خاصة الاثيوبية والمصرية

    1. الجيش هو الذي طمع الحبش فيها لان نميري وزع مشاريع الفشقة لضباط لا علاقة لهم بالزراعة وهم قاموا بتاجيرها للامهرا والتقراي وبمرور الزمن
      استمرأ الاحباش الشغلة وبدأوا فى التمدد داخل اراضينا بدون ايجار بطرد المزارعين البسطاءى

  10. الله ينصر قواتنا المسلحة في الشرق، من المؤسف حركات التمرد الدارفورية والدعم السريع لا وجود لهم، نتمنى عدم دمجهم في القوات المسلحة ولو بنسبة 1%

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى