خروجك في ٣٠ يونيو فرض عين

خليل محمد سليمان

ناس كتااار بقولوا  الشفع ديل موقفين حال البلد ..

لو اضانك تقيلة نشرحها ليك ..

فكي جبرين قال ما عندو حتة يجيب منها قروش عشان يصرف على حاشيتو، وعواطلية سلام جوبا إلا جيب المواطن ..

اردول قال عندو حق عند ناس الشمال، والوسط، و ح يساعد ايّ زول عندو حق عايز يأخدو .. وقال الجنجويد عندهم حق جايين ياخدوهو ، مع العلم إنو الجنجويد ديل صنعهم المخلوع عشان يقتلوا اهلو ، ويشردوهم.

يعني خروجك في ٣٠ يونيو عشانك انت ، وعشان تحمي نفسك من البلطجية ، ومطاريد الصحراء بسلطة الدولة ..

لو فاكر أنك في مأمن ، وإمورك ظابطة تبقى موهوم ، بكرة تدفع الجزية عشان تخرج من بيتك ، وانت صاغر ..

حنك بيش كونهم يخوفوك بالحرب الاهلية ..

قسماً بالله لو دوّرت حرب اهلية حالك ح يكون أفضل، على الاقل مافي علق عندو سلطة عليك ، وانت جيعان ، وعيان حيران.

لو شايف وضعك زين بكرة تقول يا ريت ، وما بنفع ساعتها تغني ظلموني ..

سقوط هذا التحالف العنصري البغيض مرهون بخروجك في ٣٠ يونيو ..

كسرة ..

الفكي حالف يمين لو ما شغل نسوانكم في البيوت ما ح يرتاح ..

#مليونية – 30 – يونيو

#٣٠ – يونيو – الزلزال .

[email protected]