انتشرت قوات أمن السلطة الانقلابية بكثافة وسط الخرطوم خلال الساعات الماضية وأغلقت جسر كوبر ونصبت مرتكزات تفتيش دقيق للسيارات خلال الساعات الأولى ليل الأربعاء عند كبري النيل الأبيض من ناحية الخرطوم. وأخلت جميع الفنادق والشقق المفروشة بالسوق العربي من النزلاء كما أغلقت الطرق الرئيسية بالعاصمة، وذلك تنفيذا لقرار السلطة الانقلابية بإغلاق الخرطوم ومنع التجمهر والحركة بالعاصمة السودانية استباقا لمليونية الثلاثين من يونيو.
من جانبها، قللت لجان المقاومة من القرارات الاستباقية التي اتخذتها لجنة أمن السلطات الانقلابية لولاية الخرطوم وتعكس حجم رعب السلطات من المليونية وتوقعت نجاحاً منقطع النظير للمليونية. وقال المتحدث باسم لجان مقاومة أمبدة محمد طاهر في مقابلة مع راديو دبنقا إن الترتيبات اكتملت لتسيير مليونية 30 يونيو. وأكد أن القرارات الاستباقية التي اتخذتها لجنة أمن ولاية الخرطوم بشأن إغلاق الكباري والطرق الرئيسية والتوقعات بإغلاق الانترنت تعكس حجم رعب السلطات من المليونية، واعتبرها محاولة لإضعاف الحشود.
وقال إن المواكب الدعائية وجدت تفاعلاً كبيراً وتوقع نجاحاً منقطع النظير للمليونية. وقلل الطاهر من تأثير إغلاق الكباري وقطع الإنترنت في المليونية، موضحاً أن قطع خدمة الإنترنت يمكن أن يؤثر في تواصل اللجان الميدانية في حال تغيير المسارات، مشيراً إلى أن الأمر يمكن معالجته.
مداميك
ناس الراكوبة التضليل المستمر دة الهدف منه شنو مافي شقق مفروشة او فنادق في السوق العربي تم اخلاءها نحن الان في فندق في السوق العربي وحولنا مجموعة من الفنادق المكتظة بالنزلاء
كذاب
انت كاذب؛ فقرار إخلاء الشقق و الفنادق اخذتها لجنة أمن ولاية الخرطوم و التنفيذ خلال ٢٤ ساعة من منتصف يوم أمس.
ياريت يتم توقيف الناس برضو ويسالوا عن البطاقة الشخصية لكل زول ويتم القبض علي اي اجنبي طالع المظاهره وكذلك ابناء الاقاليم لابد يطلع قرار انو اي شخص يتظاهر في منطقتة وبس ومافي داعي ناس الاقاليم يجوا العاصمة للتظاهر والخراب لو عندك قروش مواصلات انفع بيها نفسك احسن
الجواب باين من عنوانه, فعلاً صدقت أو صدقتي إنك ست شاي ليس إلا, مع كامل إحترامي لستات الشاي المناضلات القابضات على جمر القضية اللآئي إكتوين بنار الإنقلاب و من خلفه جماعة الموز و الكوز و من ماوزهم و كاوزهم.
مظاهرات شنو ياجماعه.. انتو عايزين ترجعوا نفس الناس الرفضناهم من قبل ناس وجدي وعصابته.
.ولقد سبق ان حذرناكم بأن لدينا كتائب ستدافع عن السودان بارواحها ولقد بلغ السيل الزبى الآن
فسوف نريكم اليوم ما لا يخطر على بالكم وسنسحق الشيوعيين وسنعود بوضوح لادارة البلاد.
اليوم نهاية الفوضى وعملاء اسرائيل والامارات وامريكا والنرويج.
محمد أنت اللية جنيت واللا شنو؟؟ “سنسحق” دي شنو؟ زمان ما كنت بالدرجة دي.. المليونيات الكبيرة دي بوظت ليك أعصابك واللا شنو؟ كدي قول بسم الله يا زول دياير تخوف منوا بالعبارة حقة أمين حسن عمر دي؟