“البرهان وخزعبلات الزمان”

“محمد حسن مصطفي

و ل “أينشتاين” العالم مقولة أن :
“الغباء هو فعل نفس الشيء مرتين بنفس الأسلوب ونفس الخطوات وانتظار نتائج مختلفه”! .
لنرسلها تذكرة إلى الجميع.
*

هنا رسالتان :
الأولى؛

آمن الجميع أن ثورة السودان يحرسها فتيتها وشبابها
و لأنهم -الجميع- حاولوا الصعود على ظهر الشباب وركوبها الثورة من قبل؛ ثم وبعد اقتناصهم الفرصة  ففشلهم في الحكم -تلك المرة الأولى حمدوك١- وتبعثرهم وانقلابهم بعضهم على بعض -ثم فشلهم في الثانية حمدوك٢-
هاهم يُسارعون وبكل قوة عين وطول لسان للشهادة!
شهادة أن الثورة حق والنصر فيها حق والشباب قادتها وحماتها بل وأن الله هو الحق.
علّلهم في ظنهم أو “عادت حليمة” فوسوست لهم أنفسهم من جديد بالأمل فرصة لركوبها الثورة إلى الحكم ! .
لكن هيهات فأنتم كشفتم عوراتكم وسواءتكم ونياتكم وسخفكم بل وغباءكم ووضاعتكم  من قبل بعد أن ساومتم دم الشهيد وصافحت أيديكم قيادات المجرمين والمغتصبين و القتلة ! .
*

والثانية إلى قيادات الجيش الهزيلة -دي القيادات- ؛
البرهان في خطابه المكرر المعاد لكن الموجز هذه المرة -وهي الأخيرة- ووعوده البلهاء المستحيلة -الإستحالة هنا لأن الجميع يعلم أن دم البرهان كبشيره وحمدتيه واجب قصاص- وعد بقيام مجلس أعلى للقوات المسلحة من الجيش “و” الدعم السريع!.

فهل تستطيع أرفع رتبه فيكم وأقدمها تفسير لزوم حرف واو العطف هذه و”حشر” الدعم السريع دي في كلامه الفارغ دا! ما هو لو قال قيام مجلس أعلى للقوات المسلحة وسكت ما كان فرقت معانا برضو! ما كلكم وهم وقيادات الله وحده العالم بيها ! .
بعدين عوض استقال وسلمها لبرهانكم ومعاهو وقبلو وبعدو استقالت قيادات كبيرة برضو وجيتم إنتم عزلتم قيادات زملاء لكم وجرمتم وحبستم وحاكمتم وظلمتم وقتلتم ورفدتم وطلعتم معاشات ! .
طيب عبدالفتاح دا ساكتين عليهو ليه ! .
ما شايفنو مجرم قاتل مغتصب؟ .
و لو افترضنا انكم ناس ضبط وربط وتنفيذ تعليمات سكت و”بس” ؛ طيب انتم ما عندكم دين؟ ما شايفين لا عايشين الحاصل؟ ولا ما عندكم دين إنتم ما ليكم في السودان دا عرض ودم وأهل؟ .
بعدين مجلس الأمن ولا لجنتو ولا شتلتو ما كان تبعكم وليوم الليله والبلد لا شافت لا شمت عافية لا آمان لا أمن معاكم ! .
وهم ساي !
ناس خلا مليشيات ساي تخوف فيكم وتقيفوا ليهم تعظيم سلام وتحية ! .
حليل الكارب قاشو زي ما اترحم عليهو ولدكم ! .
*

و نرجع بإذن الله
و أبشر يا شهيد