أرسلت تنسيقية لجان المقاومة بالكلاكلات وجنوب الخرطوم رسالة قوية إلى قادة الانقلاب بعدم قدرة قواتهم العسكرية هزيمة الثائر السلمي.
وأتت هذه الرسالة بعد ساعات من مطاردة قوات الانقلاب لثوار الكلاكلة داخل الأحياء، بعد تفريقها بعنف مفرط موكبا ضخما خرج في سبيل استعادة الحكم المدني.
وقالت التنسيقية، في بيان حصلت عليه (الديمقراطي): “ليعلم الجلاد وقوات قمعه أن موكب الخميس ما هو إلا البداية فقط وإننا عندما أعلنا (الطريق إلى إسقاط الإنقلاب) فقد رتبنا الخرطة التي ستقودنا إلى ذلك”.
وأضافت: “ليس هناك قوة عسكرية مهما كان لديها من عتاد ومهما اتسمت بالعداء والوحشية واستخدمت آلة القمع ضد شعوبها بإمكانها هزيمة ثائر سلمي يقول لا ، فالكلمات أقوى لا البندقية”.
وأشارت إلى أن رسالتها تشمل قوات الاحتياطي المركزي وقوات مكافحة الشغب ومليشيات الجنجويد، في إشارة إلى قوات الدعم السريع المتهمة بالتورط في مجزرة فض الاعتصام أمام القيادة العامة للجيش، ومجازر أخرى بدافور.
ومنذ أكثر من 8 أشهر، ظلت لجان المقاومة تقود الاحتجاجات السلمية ضد سلطات الانقلاب، بينما ظلت القوات الأمنية تواجه المظاهرات السلمية بالعنف المفرط، ما أدى لاستشهاد 116 متظاهرا.
والثلاثاء، ارتقى محمد كمال (16 عامًا)، شهيدًا في صينية الزعيم إسماعيل الأزهري بمنطقة أم درمان، إثر إصابته برصاص قوات الانقلاب، وهو الثاني الذي يرتقى في هذا المكان في أقل من أسبوع.
وانقلب الجنرال عبدالفتاح البرهان في 25 أكتوبر 2021م على السلطة الانتقالية التي نصبتها ثورة ديسمبر بعد الإطاحة بنظام المخلوع عمر البشير، وواجهه الشعب السوداني بمقاومة أبرز أشكالها المواكب الاحتجاجية التي نظمتها وتنظمها لجان المقاومة، وقابلتها السلطة الانقلابية بعنف وحشي.
وتُطالب لجان المقاومة وقوى إعلان الحرية والتغيير بإبعاد الجيش عن الشأن السياسي وتأسيس سلطة مدنية من قوى الثورة.
وتستخدم قوات الانقلاب الأسلحة المضادة للطيران والكلاشنكوف وسلاح الخرطوش الذي يطلق مقذوفات متناثرة ومسدسات تعمل بالليزر مسببة كسوراً في الأيادي، علاوة على القنابل الصوتية والغاز المسيل للدموع والأسلحة البيضاء؛ في قمع الاحتجاجات التي تُطالب بإسقاط انقلاب 25 أكتوبر 2021م على الحكم الانتقالي وسلطته المدنية.
الديمقراطي
لو قعدتوا عشرة سنة بتتطاهروا مع حتعملوا اي حاجة لانه المجتمع السوداني مامعترف بيكم وماعندكم وجود اصلا او تأثير او قيادة او برنامج حقيقي ليقف معكم الشعب السوداني
كفاية تجمع الوهميين صنيعة الحركة الشعبية الشيوعية
العشا الناس وسلمها لأربعة طويلة التي عاثت فسادا وفشلا
طيلة ثلاثة اعوام
انتم بلا وجود اوبرنامج او قيادة
لاوجود لكم كقحت بالضبط
مية ميتين نفر تتظاهر ا وفي نهاية اليوم ترجعوا بيوتكم
فبالله ماتعملوا جوطة فارغة ساكت وبعدين الحصل ياحلوين ما انقلاب الحصل فض شراكة مع مكون مدني فاشل مثلكم بلا مشروع او برنامج مكون مدني فاشل مثلكم غير ناضج سياسيا او فكريا يتبنى شعارات ع مية مكون مدني فاشل مثلكم يتبنى الديكتاتورية والعنف مكون مدني فاشل مثلكم للجماهير له ليكم تسعة شهور بتتطاهروا عشان شنو بالضبط
دم الشهداء وتاني شنو مدنية انتو ذاتكم ماعارفين تنزلوا فكرتها على أرض الواقع
بلاش اضاعة زمن فأنتم تقاتلون في طواحين هواء ليس إلا
كاك وبس
و الكوز يصيبو الهلاك….
اصبحنا واصبح الملك لله الواحد القهار. ما زلت في ضلالك القديم يا من تسمي نفسك محمد عمر ايها الكوز النتن. انبح بقدر ما تستطيع والجمال ماشة لتبلغ نهاياتها باذن الله.
المشكلة لو سألت الجهلاء ديل قلت ليه ما هي المقومات البتخلي المدنية افضل من العسكرية ما يعرف يجاوبك
ولو سالته عن امكانية نجاح حكم مدني في ظل الاوضاع الهشة التي تعيشها البلاد والجوع والجهل والفقر والقبلية والعنصرية ما يعرف يجاوبك
ولو قلت ليه اديني ميزة واحدة للحكم المدني يقول ليك الحرية حسب الكلام البقولوا ليه في المنتديات وفي الاناشيد بتاعة اليساريين ولو قلت ليه وريني المقصود بالحرية شنو يقول ليك تقول الداير تقولوا وتعمل الداير تعملو وما في زول يتسلط عليك ويمنعك. طيب يا تور حتى في ظل النظم العسكرية اي زول قاعد يقول لعايز يقولو واي زول بعمل الدايرو من غير يسألو احد حتى في حكم الكيزان تلقى واحد مدبج ليه مقال طويل عريض في الجريدة ضد راس الدولة وزول بسأله ما في.
مشكلتنا ما في الحرية خالص مشكلتنا الان في الجوع والفقر والحهل والمرض، مشكلتنا ان أكثر من نصف السكان يقضون حاجتهم في الخلاء مثل العصور الوسطى، خلينا نعمل لي ديل حمامات وبعدين نتكلم عن الحربة ونشغل اناشيد الشيوعيين ونمشي نحرق في الشوارع ونكسرها وهي اصلا مكسرة
ما تقومون به هو ثورة الجهل في ابشع معانيها
تسقطوا شنو ؟؟؟ هاهاهاهاهاها
والله ما تسقطوا كاب اصغر عسكري …
انتم للان مصدقين اوهامكم دي؟؟