أردول: تحقيق CNN عن نهب الذهب السوداني فقير وضعيف وخيالي

حصان الشفافية

العجز في الميزانية تقديراً حايم بين ٤ لي ٨ مليار ( السودان و كده) عليه مبلغ ١٣ مليار دولار تهريب دا بيحتاج وقفة

لآنه إذا أخدنا صحة الارقام بي ٥٠٪؜ فقط دا بيعني إنه في العشرة سنين الفاتت كان مش نعبر كان بنكون أسرع الاقتصادات نمواً في العالم و بي معدل ممكن يسجل في جينيس للأرقام القياسية

زي ما كان مافي زول مصدق انه التهريب لخارج السودان في سلعة واحدة زي السكر ممكن يحصل ٩٠٠ الف طن تقديراً في الهام ( بتوازي علي الاقل ٥٤٠ مليون دولار) و كان الناس مكذبين انه الاستيراد حصل ١.٥ مليون طن في العام ( بتساوي حوالي ٩٠٠ مليون دولار) لحدي ما الأرقام اتختت رقم رقم ( و برضو مافي حاجه حصلت)

نكران قصة الدهب دي من غير مرجعيات موثقة بتكون ما اكتر من خراب موت بالرفسي ساكت

الدهب دا مؤشراته أصلاً ما صعبه

أستيراد الزئبق براهو ممكن يوريك
سوق بيع الطواحين بيوريك
سوق الحفارات بيوريك
سوق الجاز بيوريك

قبضيات المطار بتوريك
قهاوي الشيشة في الخليج بتوريك

واردات البترول بتوريك
واردات السكر بتوريك
واردات الدقيق بتوريك

و حاجات تانية كتيرة جداً الكلام عنها بيودي السجن بتوريك

أقولكم حاجه 😂😂😂 النقطة في القونات ساكت بتوريك

دا طبعاً غير إنه دي نعمة الباقر ما خبير أسطراطيجي و لا إعلام أي كلام المستوي دا ال credibility بتاعتهم فوق اي حاجه يعني بالعربي ما بتاعين فرقعات ولا ترندات

و دي ال CNN ما قناة مؤجرة ليها بيت في حي سكني دي قناة بيشوفوها مليارات الناس ( بتصل الي ١.٥ مليار نسمة) في ٢١٢ دولة و شغالين فيها أكتر من ٤ الف شخص و تمتلك حوالي ٥٠ مكتب منها ٣٢ حول العالم دا دون مكاتب الوكلاء و الشبكات الاعلامية المشتركة فيها

ختاماً

تقرير زي دا يا تمتطي حصان الشفافية شاهراً سيف أرقامك الحقيقية محتمياً بدرع معلوماتك و تنازلهم

أو

تسكت سكات الموتي في القبور

اردول احد مهندسي اعتصام الموز والانقلاب ضد الثورة السودانيه والشعب السوداني وفي محاوله غبيه منه تغطيه الحقيقية يكذب. الكل يعلم تهريب الذهب بالمطارات والمواني والحدود.. راعي الغنم في الخلا يعلم هذه الفوضى والتخريب والنهب لموارد السودان.
هل يتوقع اردول ان يصدق هو ويكذب تقرير اجهزه تعمل بمهنيه من تدقيق وتحري ثم إصدارها تقريرها

مثل هذه التقارير ومن وسيلة إعلامية بحجم CNN لا يمكن أن تكون بهذه السطحية التي درجتم عليها في دفاعكم عن الانقلابيين .تعمد هذه التقارير في جزء منها على المعلومات التي توفرها الاجهزة المخابراتية وهذا يستدعي العقلانية في الرد من الجهات الرسمية للدولة. وما يقوله اردول في رده وبهذه السطحية اعتقد انها تصب مزيدا من الزيت على النار.

الكوز المسمي نفسة ست الشاي مالك مانطيت علقت اعلوقك انت والاردول الكيكنوس الغليظ البوص

على لجان المقاومة في نهر النيل ان تكون لجنة للدخول الي الشركة الروسية ومعهم صحفيين للتصوير وان يكون للمنطقة موظفون دائمون في الموقع لمراقبة الانتاج والكميات وتسليها لبنك السودان، هذا الامر ينطبق على بقية المواقع مثل جبل عامر. كما يجب مساءلة الجهات الرسمية عن كيف يسمح برفع علم دولة اجنبية في داخل الاراضي السودانية.
هذا هو العمل الذي يغير الواقع.

الموضوع أكبر من أن تعلق عليه فى سطريين فى تيوتر خاصة وانت أحد المسئوليين.

اردول الدخلو شنو؟ ولا الحرامي في راسو ريشة

هو مسؤول شركة التعدين وهو جزء من الفساد تحت غطاء انتوا عنصريين

لص المعادن بل راسك..ملوحاً بكرت العنصرية وبشماعته الخالدة -عنصرية منكم- حتى يفلت من الحساب اذا في عنصريين يتحاسبوا وانت ذاتك تتحاسب اذا ثبت فسادك هذا ماكان سيحدث لو ان هناك دولة مدنية والتي يقاتل الناس من اجلها يوماتي في الشارع.

أحسنت يا MAN و بعد التحقق من هذه الادعاءات على الارض يمكن فتح بلاغ و استدعاء نعمة الباقر كشاهدة اتهام – نحن ما ناقصين لعب سياسيين الفينا مكفينا – أهم حاجة السير في الاجراءات القانونية يا اما اثبات التهمة او نفيها بحكم قضائي – اما تنفيذ الحكم فنحن قنعانين منه في الوقت الحالي لكن ممكن يتنفذ لاحقاً – اهم حاجة في الوقت الراهن هو اثبات التهمة او نفيها قانوناً

Mohd كوز مستهبل الليلة الشعب بقى داير الديمقراطية
تعليقاتك القديمة قاعدة كااااااااااااااك كااااااااااااااك