قال نائب رئيس مجلس السيادة السوداني، الفريق أول محمد حمدان حميدتي، إن الانقلاب العسكري الذي نفذه الجيش في أكتوبر الماضي قد فشل.
وقال حميدتي، في مقابلة اجراها معه الصحفي محمد عثمان لقناة بي بي سي عربية، إن الأوضاع الاقتصادية والأمنية في السودان “باتت أسوأ مما كانت عليه قبل الانقلاب”.
وشدّد حميدتي، على أن الانقلاب “لم يحقق أهدافه” لأسباب رفض الإفصاح عنها.
وبينما قال حميدتي إنه لا يملك طموحا سياسيا، إلا أنه استدرك بالقول إنه “سيتدخل فقط لإنقاذ السودان”، مشيراً إلى أن السودان يمر حالياً بأزمة كبيرة واذا “تم تجاوزها فإنه لن يتعاطى العمل السياسي”.
تاني جاي مجرم اخطر من اسياده الكيزان لانقاذ السودان
الانقاذ بقيادة الجنجويد و مرتزقة حركات النهب المسلح
حميدتي دا زول كلام فارغ وبس وغير مسؤال ومفروض يمنع من لقاء اي اعلام ويدلو بي اي تصريح او معلومات لانو زول هرجله ساكت مابيعرف الاسرار شنو ويقعد يهرجل ليك ومابيحس بما يقول وهو كلام خطير ومفروض يقفل ويقعد وبس وكيف يعني فشل الانقلاب وماهي الدولة ماشية كويس وذي العسل وكل شئ تمام التمام الناقص شنو والوضع الاقتصادي كعب في كل العالم مش السودان فقط حتي امريكا الوضع فيها كعب خالص وكل الاسعار في ذيادة ومافي دعم او قروش ذيادة من الحكومة للشعب ومافي زول بيحتج الكل مقفل وبيحاول يقتصد ويمشي اموروا وبعدين ولية حميدتي حاسة انوا في نقص واحسن للبرهان يصرف بركاوي تقيل لحميدتي دا عشان يقفل و يقعد في الواطة دي
قلبتي عليه ليه يا ست الشاهي
كنت بتناديه ب مولانا حمتي
ست الشاي دي كوز ني…
كتمت فيكم يا كوز. حميدتي فضحكم فضيحة السواد. السودان كله عارف انه الانقلاب فشل بس حميدتي يقول الكلام ده في قناة اخبارية عالمية دي الفضيحة ذاتها. قال ست شاي قال. يا اخي لو عاوز تدس نفسك باسم مستعار اختار اسم رجل. الظاهر عليك من سلالة الجماعة اياهم.
/ طبعا … حميدتي فضحكم … ارجو عدم الصراخ … دي الحقيقة.
ماشية عسل الا كان معاك انت يا “تويبع الكيزان” يازول غير مسؤول انت بدوك كم ؟ عشان تكتب تعليقاتك التافهة دي هنا
الشباب صغار في عمر الزهور قتلتهم دولة برهان الانقلابية والوضع الاقتصادي اكثر من متردي
عايز تجيب حكومة الكديس عمر البشير ما في ليك تاني
يافلول
يااا زولة انتي قلبتي مريسة والا شنو ؟
شنو الوضع كويس وزى العسل كمان
هم بدوا يقروا بانه انقلاب انتي جاية تقولى ما انقلاب
يذكرني كلام حميدتي عن الانقلاب بكلام ياسر العطا عن لجنة التمكين.. هل يترتب على ذلك شيء ملموس ام مجرد كلام.
تود ان يتخذ البرهان قرارا بشان حميدتي .. مش كدا … لن يستطيع … الا باعلان حرب ولن يجد من يقف معه ليس لان الشعب لا يكره حميدتي .. ولكن لان البرهان رجل خائن والخائن لا يؤتمن. … لكن لو جاء القرار من الشماليين انفسهم بحمل السلاح من اجل طرد المحتلين واعادة صياغة السودان على نهج جديد فاكل سيناصر.
من الآن “أدينا عرض أكتافك” وغور في ستين داهية يا نذير الشؤم
وهل الشعب السوداني في انتظار اجنبي امي جاهل وحاقد لكي يثبت له فشل الانقلاب.
هذا السفاخ يجب ان يحاسب على كل كبيرة وصغيرة ارتكبها في حق الشعب السوداني.
حبل المشنقة
يا البرهان مافي حصانة اما المشنقة او الزنزانة
حميتي ما في حصانة اما المشنقة او الزنزانة
حميتي أجنبي تشادي وأخوه الارعن غير معروف الجنسية
العسكر للثكنات والجنجويد ينحل حميتي لحبل المشنقة
دعك من العنصرية النتنة والافلاس
ناقش بموضوعية ومنطق
او اصمت
ما يسمى باتفاق سلام جوبا هو اكبر كارثة حلت بالبلد، والنتائج تغني عن السؤال على كل المستويات إقتصاديا وسياسيا وامنيا.
وهكذا الحمار. .. يسمع النكتة اليوم. .. ويضحك بعد سنة
طيب لما “فشلت الحكاية” منتظرين شنو ؟؟ والوطن فى حالة انهيار تام … ومازال الفساد والافساد مستمر والنهب والسرقة على عينك …. والبلد ماعندها وجيع …. والناس بتموت الاف المرات فى اليوم من الضيق والضياع والجهل والفقر والمرض !!!! اختشو ياعالم واعلموا بان الدنيا الى زوال … واعتبروا من تجارب فساد من سبقوكم فالتاريخ لن يرحم ….
لم ولن يكون إلا كذاب وافاك وقاتل ولص لذا لا يهم الشعب السوداني مايقول ولو كان صادقا لقدم استقالته.
غور الله لا عادك يا مجرم
الشعب عالم بفشلكم بس مين يقنع الارزقية تبعكم الارادلة؟ ست الشاي القصة اكلت ما جمبة معليش يا عسل
كلام حميدتى مؤشر لفشل رحلة دارفور وهلال مريخ وخيبة الرجاء وهتاف ناس الجنينة ولاعبى كرة القدم ضده