زكريا عثمان بنقو
أن مسيرة الكفاح المسلح من السلاح الي السلام قد انتجت معرفة وخطاب سياسي قادر لعملية التغيير والهيمنة والسيطرة وتفكيك للخطاب القديم الذي تم توظيفه
لخدمة أجندة وكلاء الكولونيالية.
حيث أن الاستقلال كان صوريًا انذاك فاتحة المجال للنخبة المركزية وبرجوازيتها التي يراها المستَعمر املاً جديدًا في بقاءه حتي بعد خروجه.
إستطاع هذا الخطاب الجديد ايضاً فرض لغة جديدة واستهداف للذاكرة السودانية (إعادة النظر في التاريخ السياسي وتصحيحه).
كما نشط هذا الخطاب روح يأس و انهزامية للنخبة المركزية حتي طفح لديها التمادي في التعادي، وتعزيز نزعة الانفصال عن الاتصال.
لكل ما ذكر من معطيات ولخطورة هذا الوعي الذي بدا يتشكل رويدا رويدا، بل بدآ يشكل خطراً ومهدداً حقيقيًا لوكلاء الكولونيالية ومستقبل امتيازاتها المادية والمعنوية.
دأبت هذه الوكالة الكولونيالية الي النشر التحريضي واغتيال الشخصية تجاه قيادة حركة العدل والمساواة، مستخدمة منهجية غير اخلاقية وغير فكرية انما منهجية سياسي مبتدئ ويصادف ذلك ونحن في مرحلة إعادة تأسيس الدولة السودانية بعد ست عقود من الضياع والسراب.
أن استهداف قيادة العدل والمساواة من تلك الوكالة لانها تعلم يقيناً بأن الحركة قادرة على تفكيك الامتيازات المادية والمعرفية والمعنوية التي ظلت تستمتع بها طيلة عقود من الزمان.
ودخول رجال الدين في هذا المعترك يقودنا آلي ثنائية الخطاب السياسي والديني القديم حيث سادا وعاشا في عش واحد طيلة عقود واليوم يعملان جنبًا الى جنب بشكل نقضي وليس نقدي.
حيث ان الاول يودي الي الباب المسدود والثاني يودي الي الحوار والتطوير.
منهجية شنو و بتاع تحريض زولك جبريل قال بي خشمو عفيت ود اخوي من ارضية الميناء 582 الف و ما فيها حاجة و عادية يعني ساقف على كده و لن يتزحزح من موقفه طيب فرقكم شنو من الكيزان في الفساد راجعو زولكم مش اي حاجة استهداف استهداف نفس البيستهدفوا ديل هم الخرجوا ضد البشير و هتفوا يا عنصري و مغرور كل البلد دارفور و البشير من النخبة المركزية
الصراع الآن صراع انصار الديمقراطية و الحرية و السلام و العدالة و دولة القانون و سيادته و المساواة أمامه ضد الانقلابيين اللي هم ضد القيم دي زاته و الطرفين فيهم نخب مركزية و نخب من الهامش فبالله ما تحاولوا تلووا عنق الحقيقة
دائما كنت ولازلت اقول لاصدقائي بأن ليس لدي مشكلة مع وساخة وقذارة مدن السودان وبالاخص الخرطوم وذلك نسبة للضيق والمشاكل الاقتصادية التي تمر بها الدولة عامة ولكن مشكلتي وضيقي الاساسي في تعايش الناس مع الوسخ وعدم احساسهم والضيق من هذه القذارة ، وهذه نفسه المشكلة بتاعة دكتور جبريل كان ممكن يعترف بالخطأ وانه سوء تقدير ويعتذر ولكن لسبب تصالحه مع الفساد وليس لديه احساس بالمسؤولية نحو الدولة ولانه منذ نعومة اظافره مع الكيزان اللصوص والان مع البرهان وحميدتي وعصابة اللجنة الامنية التي تخطف الدولة رهينة تحت السلاح
العدل والمساواة ، ثبت من خلال افعالهم فساد قياداتهم وضعف الوازع الاخلاقي والعقدة التبعية السياسية .
اتوقع انو مافي زول ضرب جبريل من يدو عشان يستخدم سلطته في اعفاءات جمركية لذوي القربى واعضاء الحركة الي هو بنفسه اعترف بيها ، والدفاع عنه هو مجاراة للباطل ما اكتر .
اما الفشل السياسي اوضح منو مافي . معقول حركة قدر دي ما عندها ناس مؤهلين بدل من هم في المناصب الان والي ثبت فشلهم المهنى بصورة كبيرة .
وعقائديا وهنا بتكلم عن مفهوم الحركة الثوري موش الديني . برضو ثبت ضعفهم وغبائهم المطلق والدليل انو الحركة الان ٥٠٪ منها عبارة موتمر وطني سابق !! الي هم العدو الي قتلوا قيادات الحركة في وقت سابق ؟!
العدل والمساواة ببساطة نموذج متميز للحركات الجهوية مدفوعة الثمن فقط لا اكثر والتاريخ حيكشف عنها الكثير جدا والجميل انو حركات زي دي ما محتاجة اساسا حد يعمل لاسقاطها . اعضائها تشكيلهم وتفكيرهم كفيل باسقاطها من الداخل لانهم اشبه بالسوس في بطن النخلة .
الفائدة الوحيدة انو الشعب كان محتاج يضوق فساد وظلم الحركات زي ما ضاق فساد وظلم الكيزان ومن قبلهم العسكر ككل . ومؤكد جدا الموازين حتتعدل وحيجو كفاءات حقيقية بدل اصحاب الشهادات المزورة ووطنين بحق بدل الناس البتضبح ومعلقة الشماعة في اتفاق السلام وفي دولة الجلابة .
عن نفسي
اتمنى انفصال دارفور والنيل الازرق وشرق السودان واقليم كردفان وكل واحد يكون دولتو ويحكمها عشان وقتها الموت والفساد والفشل يكون معروف سببو منو .
ينصر دينك يا هلاوي … بردت بطني والله
استغفر الله العظيم.. يعني يخلوكم تسرقوا و الا يبقى وكلاء المستعمر مستهدفينكم.. ياتو فهم ده؟ قيادتك دي فشلت في إدارة الاقتصاد و هذا يكفي لانتقادها من سياسي مبتدئ و للا انسان عادي يرى حاجاته الاساسيه غير متوفره و زيادات جنونيه في الأسعار يقررها رجل واحد وهو رئيسك الذي تبكي لاجله.. بلاش كلام انشائي فارغ
نفس الاسطوانة الصدئة وتمثيل دور الضحية. قادة الحركات المسلحة على رأس السلطة بعد تواطئهم وفي سقطة أخلاقية مع العسكر الانقلابيين. هؤلاء القادة علي راس السلطة ولا زالوا يتباكون ويشكون من الإقصاء والتهميش واحتكار الجلابة للسلطة والثورة . تم إستخدام هذآ النهج بكثافة طيلة سنوات التمرد لكن لماذا الإصرار على نفس هذا النهج خاصة بعد الخزلان الكبير لاهالي دارفور الذين ازدادوا بؤسا.بعد ان تركتهم هذه الحركات لمصيرهم بعد ان تاجروا في ارواحهم ودمائهم واعراضهم وكرامتهم بالاضافة الي سقوطهم الاخلاقي واصطفافهم مع نظام الطغيان والاستبداد وهم الذين ياما شرخوا اذاننا بشعارات الحرية والديمقراطية والعدالة وحقوق الانسان
اي كفاح مسلح واي بطيخ يا سيد زكريا
لماذا لم يستهدف الخطاب شخصا اخر سوى الكوز المتسخ كل قادة الحركات لا يجاهرون بالفساد ولا يحبون الظهور في القنوات ويلهثون خلف الفلاشات الا فكي جبرين ولقد سمعت احد حيران الترابي يقول له بالفم المليان
الم نربك فينا وليدا ومكثت فينا من عمرك سنين
فهذا تربية الهالك ماذا تنتظر منه
ونصيحتي لك بان تغير الاسم الثالث حتى لا يكون لك من اسمك نصيب
صحي بنقو
اسم على مسمي
الكل أجمع على إن ما قام به جبريل فساد
عندك تفنيد للكلام دا قولو
ما عندك اسكت وانطم
قال كولونيالية
مرض ياخ
كادوك جوبا دا يحلنا منه الله
لا يدافع عن الفاسد الا فاسد. وخلينا من الفزلكه اللغويه جبريل فاسد ومافعله قمة الفساد وكن شجاعا وبين رأيك في الفعل وخلينا من اتفلسف الفاضي
ياعم الحافظ ومافاهم ياولد قائدكم حرامي وفاسد وكل الحركات وشرزمة الصعاليك الفيها فاسدون من قولة تيت جيتونا كلكم لواءات وعمداء وانقلبتو علي الشارع الذي لولاه ما دخلتو الخرطوم ولا في الحلم شكلك مفتكر نفسك دخلتو منتصرين علي اللصوص القبالكم حبينا روق ما تقدنا نضال وسلاح وقوات انتظر الحلقه الجايه فيها كنسكم الي المزابل يالبايعين اهلكم شكلو البنقو كعب منو غيركم ضيع دارفور يا صعاليك مفتكرين وزارة الماليه دي من ضمن بنود الاتفاقية الله لا جاب عقابكم
الجماعة ديل مصدقين انهم حركات كفاح؛؛!!!
… يا استاذ بنقو لا أحد في بلادنا او في العالم يعتبر حركات الارتزاق الدارفوريه المسلحه حركات كفاح،،
الكل يعرف انكم مجموعه من اللصوص القتله،،
والكل يعلم انكم مجموعة من لصوص ومرتزقة دول غرب أفريقيا سمح لكمم أشباه الرجال في بلادنا من عسكر وساسة بدخول بلادنا واستباحة بلادنا بكل ما تعني الاستباحة،، لصوصيه، ،اغتصاب وازهاق للارواح..
… لكن لن يدوم هذا الحال،، المواجهة المسلحه معكم قادمة ولا مفر منها،، وستكون القاضيه وسيتفرق شملكم وتتعافي بلادنا مجددا…
أبشرك يا بنقو بان صنف البنقو الذي صقعته سيحل أزمة السودان الاقتصادية عن طريق الود الحليوه جوستن ترودو بطرحه في الاسواق الكنديه!!!
الله يحلنا منكم ياخي … دي بلوه شنوا… يعني الناس تسكت وما تاخذ في موضوع شخصية عامة ارتكبت ابشع الاخطاء ولا شنوا…. البشير القشير دا ما كان من الشريت النيلي ونحن مرقنا ضده ولا ما كفاية كدا ليكم يا المهمشين…
ياخي بالمنطق كدا بس واشك انك عندك منطق ولكن فاليكن… انظر الي فكي جبرين وارزل زول واركو ونمر …. لو عاجباك تصرفاتهم او أدائهم … واجابتك تحدد من انت…
قال بنقو قال
قال ( تعزيز نزعة الانفصال عن الاتصال.)
هسى بالله فهمتو حاجة من الكلام دة ، الواحد يكتب اى كلام فاضى ويجدعوا للراكوبة وعايز القراء كمان يقولو ليهو بخ بخ
بعدين قال ( استهداف قيادة العدل والمساواة من تلك الوكالة ) غايتو كلام ساى زى ما بنقول ، اقول ليك يا ( بنقو ) ناسك ناس العدل والمساواة بفعايلهم مستهدفين نفسهم براهم ، يعنو زى ما بقولو بطلقوا الرصاص على رجليهم ، اهو زى زولك الوزير دة ، بفعلتو العملها لأبن اخيه اطلق الرصاص على رجليه واستهدف نفسو ، وبعدين اتحداك تثبت لى انو الوزير دة عندو دكتوراه ، تقول لى الجامعة الاخذ منها الدكتوراه والرسالة كانت فى شنو وسنة كم ، عشان نتقصىة ليك عنها ، الحمد لله اتلانترنت دة ما خلى حاجة ، دة براهو فساد واحتيال انو يخت قدام اسمو دال ويطلق على نفسو دكتور وهو ما عندو دكتوراه
دكتوراة بتاعت الساعة كم !!!
الحركة دي صنعها الترابي المعتوه، الإرهابي، وبعد عملية “الذراع الطويل”، تم إستدراجهم إلي داخل أم درمان، وتم قتلهم عن بكرة أبيهم وأمهم، وتمت مطاردة الهارب خليل إلي الحدود التشادية، وتمت تصفيته، بعدها قام الكيزان بنفي (تغريب) هذا الحرامي إلي اليابان، حتي يأمنوا شره !!! بلا دكتوراة، بلا بطيخ !!!
والآن، وبعد إنسلاخ أهل كردفان، والذين كانوا يُمثلون 50% من قوام مرتزقتها، فلم يتبقي له من هذه الحركة سوي حرسه الخاص المكون من تاتشرين، والبقية قد إتجهت إلي معسكرات التنقيب الأهلي عن الذهب منذ سنين، حيث كان زعيمهم “أباطو والنجم”، ولم يستطع دفع مرتبات لمرتزقته !!!
كوز معفن، ووقح، وكثيراً ما يلجأ إلي إستخدام عبارات الكيزان الساقطين، الممجوجة، مثله مثل علي ثعبان، الذي كان يعتد بالإثم !!!
يهددون بالرجوع للحرب
اتمنى ان ترجعوا لهل
والله وو الله قوز دنقو تكون ليكم نزهة يا تشاديين يا ماجوريين
هؤلاء المرتزقة يخرجون للحرب للغنائم ولا يهمهم ما تخلفه الحرب من بعدهم الاهم لديهم هي الثروة والسلطة ونحن في الشمال اغلب مدارسنا ومستشفياتنا بالدعم الذاتي نقتطع من قوتنا من اجل تعليم ابنائنا وعلاج اهالينا دائما نخرج للتعمير ولا نخرج للحروب الا بقناعة كاملة وقضية عادلة وإن خرجنا لا نعود نودع كل من نحب ونكتب وصيتنا خروج بلا عودة، مصيبتنا و مصيبة هؤلاء انهم لا يعرفوننا ومصريين على تجربتنا
فعلا بنقو جمل محفوظة ينزلها ويعتبرها افكار . يا حبيبي ما قام به السيد وزير الماليه فساد باين وما ثورة ديسمبر المستمرة حتي الان الا لرفض الفساد والمفسدين كبارهم وصغارهم . استناده على اتفاقية جوبا لايعفيه ابدا من الجرم