أكّد القيادي بقوى الحرية والتغيير، عضو لجنة إزالة التمكين، وجدي صالح، أنّهم لا يزالون يعتبرون أنفسهم مؤسسة من مؤسسات الدولة لأنّ اللجنة مجمّدة ولم يتمّ حلها وقانونها سارٍ.
وأكّد وجدي بحسب صحيفة الصيحة الصادرة، الأحد، أنّهم لم يندموا على قرارٍ اتّخذوه حتى الآن.
وشدّد على أنّهم لا يقومون بفكّ حسابات الأموال المجمّدة إلاّ بموجب خطاب من وزارة المالية.
وأكّد عدم وجود إرادة سياسية للمواصلة في مهمة التفكيك.
وقال وجدي إنّ ما تمّ بين الحرية والتغيير والعسكريين كان اتّفاقًا وليس شراكة، مؤكّدًا أنّ الجيش لم يقم بالانقلاب.
ما قام بانقلاب
نان قام بشنو يا صامولة
شكلو البرهان قبال ما يمش واشنطن داير يضمن انكم معاه وانتو فعلا معاه وضد الشعب والمقاومة فى كل شيء
كونها تجى من (نفس الزول) دا والله سقطة كبيرة يا وجدى يامن ظللت تفلق راسنا بانهاء الانقلاب انهاء الانقلاب ولما قرب ينقلب تقلبو انتو ذاتكم
قحت فى نهاياتها مع العسكر كتفا بكتف
غدا سيغنى الشعب يا برهان يلا لبلدك وسوق معاك وجدك سلمكك دقرك شسيخك عفنك
الزول ده راسوا بدأ يجي
العوض يا كوز يا نتن إنت لسع حى منك العوض وعليك العوض.
الجيش لم يقم بالانقلاب؟ ما قلنا ليكم السياسيين ديل ما منهم فائدة؟ كل مرة الواحد يقلب لونه وشكله زي الحربوية. يا ناس قحت زولكم دا الحقوه صواميله فكت منه.
ههههههه
أمس في واحدة من تعليقاتي قلت انو البرهان فكك صواميل وجدي .. جماعة ٤ طويلة زعلوا مني
حين قال وجدي ان الجيش لم يقم بالانقلاب… قصده ان البرهان وحميدتي والكيزان هم من قام بالانقلاب تحت (غطاء الجيش) وليس الجيش … وقعت ليكم ؟!! فهمتوا ؟!!
الظاهر المعلقين يا اما صواميل المنطق فككها البرهان او الارتزاق جعلهم يعلقون بغباء سياسي مقصود منه خلط الاوراق!!!
يا ملاعيين 😬
الراجل بيقصد ان الجيش مغيب وان الظباط مجبورين وان الانقلاب بقيادة الكيزان .. افهموها
حمدوك نفسه سماهو انقلاب الا اذا كان حمدوك شي وناس وجدي ديل شيئا آخر…علي اي حال الايام ستكشف المستور ويمكن يكون خطأ مطبعي لا غير.
يا عباقرة. أولا الكلام مبتور وللاطلاع ارجع للمصدر. وجدى قصد أن الانقلاب لم يقم به الجيش السودانى وإنما مجموعة انقلابية اختطفت إسم الجيش. قبل الواحد ما يعلق يستوثق أولا من الخبر كاملا وبعدين يشغل مخو
تصريح غير موفق تجميد الاموال وفكه من اختصاصات الحهات العدليه وليس الماليه
ولكن نشكر له كشف كثير من الحقايق