الخرطوم: امتثال سليمان
كشف استشاري الطب النفسي والعصبي د.علي بلدو، عن تصاعد خطير في معدلات الإصابة بالامراض النفسية والعصبية في السودان، بحيث نجد ان هنالك أكثر من 22 مليون شخص مصاب بالاكتئاب، بجانب 80 ألف يعانون فيها من الاضطرابات الذهنية والانفصام وحالات القلق والتوتر، فضلاً عن وجود أكثر من 1000 حالة إدمان تأتي على المراكز ويمضي بلدو قائلاً في حديثه لـ(الجريدة): هناك أيضاً ازدياد في وتيرة التدافع على المراكز الطبية والنفسية المختلفة والمستشفيات والعيادات، واضاف بلدو ان المريض النفسي في السودان لا وجيع له، في ظل الإهمال المتعمد في الطب النفسي والعصبي، وعدم وجود الميزانية الكافية لإنشاء المراكز والمستشفيات.
الجريدة
علي بلدو زول بليد جدا
يا اخي ممكن يكون 22 مليون شخص مصاب بالاكتئاب، و كل سكان السودان 40 مليون
عمرو ما ماشي دارفور و لا جبال النوبة او الشرق و الشمالية
معقول يكون في 22 مليون شخص مصاب بالاكتئاب، في الخرطوم
صناعة الاخبار الكاذبة التي تصور المجتمع ب الانحطاط و الا اخلاق شغل مخابرات اجنبية بامتياز
يا ناس الركوبة ما تنقلو اخبار ما عندها مصداقية لانها تقلل من مصداقية القراء
اتفق معك يا البجاوي الرقم الصحيح ما ٢٢ مليون بل ٤٠ مليون مكتئبين
من وضع السودان وما فعله انقلاب ٢٥ اكتوبر …. كنا في طريقنا الي الغاء الديون والبنوك رجعت لها مصداقيتها والمغتربين بدو يحولوا قروشهم لاول مره منذ ٣٠ سنه بالبنوك…. ورجعت العقول السودانيه كل في مجاله المهندس والطبيب والمخترع وحتي المواطن العادي كان جايب قرشينوا اشتري في بلده سكن وافتح مشروع … حسه كلهم مشوا مصر واثيوبيا وحتي اوغندا يسكتوا فيها … وكتيرين رجعوا لوظايفهم في الدول المتقدمه اولهم حمدوك ! وخلونا مع البرهان السجمان وحميدتي الثعلب
… بالله دي ما حاله تجيب اكتئاب ؟!!! الشعب السوداني كله مكتئب الحوه والبره …وليس ٢٢ مليون فقط… شكرا علي تصحيحك للمعلومه بالبجاوي