قررت لجنة الهيكل الراتبي للعاملين بقطاع الكهرباء تخفيض الحمولات تدريجيا لتصل إلى 40%، وهددت بالانسحاب من محطات الخدمة وتسليمها إلى المسؤولين.
وجاءت الخطوة التصعيدية بعد رفض وزارة الطاقة والنفط إطلاع لجنة الهيكل الراتبي على التوصيات المتعلقة بأجور العاملين قبل التصديق عليها نهائيا بعد تسليمها لوزارة المالية اليوم الأحد.
ودخل العاملون بقطاع الكهرباء، منذ الأربعاء، في إضراب عن العمل للمطالبة بتحسين أجورهم وبيئة العمل، وتعهدوا بالعمل على استقرار التيار طوال فترة الإضراب.
وقالت لجنة الهيكل الراتبي للعاملين بقطاع الكهرباء، في بيان حصلت عليه (الديمقراطي)، إن “عدالة مطالبنا لا يجوز لها أن تقابل بالتعتيم، وتجربتنا السابقة لتوصيات الشركة القابضة في التعتيم وعدم الوضوح تحتم علينا التحفظ، لا سيما أن نتيجة التعتيم كانت غير مرضية، ومنذ بداية سعينا في مقترح الهيكل الراتبي حاولنا بكل الطرق الرسمية الدفع بالمقترح والإطلاع على النتائج وضمان تنفيذها، متخذين في ذلك خطوات مرنة دون تفريط، وثابتة دون تشدد”.
وأشادت اللجنة بوقفة العاملين بقطاع الكهرباء الصلبة وتضحياتهم النبيلة، وقالت إن ذلك “تحتم على اللجنة عدم المساومة في حقوقكم، وعدم إتخاذ قرارات بناء على وعود أو تسويف، فضماننا الوحيد هو التصديق النهائي على هيكل راتبي مرضٍ للعاملين، وموقفنا هذا موقف أخلاقي تجاه عهدنا معكم لا تراجع عنه”.
وأعلنت لجنة الهيكل الراتبي عن عزمها تنفيذ إضراب شامل في كل القطاع عن كل الأعمال الإدارية والفنية، الاجتماعات، التقارير وكل أنواع الصيانات اعتبارا من غدٍ الاثنين.
وقررت تخفيض الحمولات تدريجياً بنسبة 20٪ إضافية لتصبح 40%، إضافة إلى عدم إرجاع المعدات والمحولات والخطوط والمغذيات عند خروجها.
وأضافت: “إذا دعى الأمر سيتم تسليم المحطات للسادة المسؤولين”.
وسلمت لجنة الإضراب الخاصة بقطاع الكهرباء الخميس، تعديلات على التوصيات الخاصة بالهيكل الراتبي للجنة التي كونها وزير الطاقة والنفط لمتابعة الأوضاع.
الديمقراطي
اذا ابناء السودان خونة جيبوا عمال من الخارج . وبعدين دا موضوع الحكومة مفروض تناقشوا مع سفارة امريكا وبريطانية والتروكا والسعودية والامارات وغيروا من السفارات تسوقهم لمواقع هذه الاضربات عشان يشوفوا الناس دي طالعة وعاوزه توقف العمل عشان القروش وكدا و انو البلد فعلا ماشه علي حافه الانهيار لعدم وجود قروش لانو هؤلاء يطالبوا بي مبالغة اضافية اشرحوا ليهم اها رايكم شنو تساعدونا بي قروش ولي الحل عندكم شنو لانو فقط موضوع قروش وراتب والبلد ناشفة واحتمال كبيرة يدفعوا ليكم القروش لحل الازمة وينتهي الامر وبرضو يكونوا في الصورة معاكم ويعرفوا الحاصل شنو
القروش عند الكيزان و شركات الجيش و الامن و الدعم السريع خليهم يدفعوا انتو تاكلو قروش السودان و دايرين الخواجات و الخلايجة يدفعوا ليكم
هههههههه اسكتي ساي ماتفضحينا هوووي يا العازة هسع يعني لو لو ولدك عندوا قروش في البيت وفي غريب قال سوف يعطيك قروش سوف تقولو ليها لا ولدي عندوا قروش ولي هاتخطفيها خطف يا العازة ههههه
قال خفضوا الاحمال 40 بالمائة
طيب الاحمال دي ما مخفضة طبيعي وفي معظم الاحوال معدومة تماما.