صلاح مناع: نبيل أديب ضد الثورة

بالله شوف الغبى دة ، كدى راجع مساهمات نبيل قبل الثورة وبعدها ، انت ايه مساهماتك يا مناع ، نبيل قال رأى قانونى ، الرد عليه يكون عن طريق القانون ، ورايو يقبل الصاح والخطأ ، تجى انت طوالى تتهمو بانو ضد الثورة ، شوف بالله العقلية ، واقول ليك كلام ، انت يا صلاح يا مناع واحد من كوارث الثورة ولجنة التفكيك ، خلينى احسب ليك عدد قليل من كوارثك ، اول حاجة قمت باعتقال والقبض على مدير قناة الشروق العينتو الثورة فى اول ايام ، بدون ذنب منو وبدون سبب ، وبدون صلاحية منك ، وقال بوضوح لأنو هو رفض يعين قريبك ، تانى حاجة ، وزير تربية وتعليم الثورة الانسان الخلوق والعالم دكتور محمد الامين التوم قال فى تصريح انك هددتو اذا ما شال القراى وثالث حاجة بنتذكر كلامك الفاضى والفارغ فى ندوة انك قلت اصدرتم امر قبض على دكتورة هبة وهى مختفية ، وهى بعد ذلك تحدتك وقالت انها موجودة وتمارس عملها وانو كلامك كذب ، هذا غير العنجهية والعنطزة الكنت بتمارس بيها عملك فى لجنة التفكيك مما حدا بناس زين يفتحوا بلاغ ضدك بالكذب ، والبرهان القاتل نفسو يتجرأ ويفتح عليك بلاغ فى موضوع وداد ، ياخى انت كلك كوارث ، وكنت مفتكر نفسك سلطان زمانك ، تصريحات فارغة بدل تعمل فى صمت ، انت لا تساوى قلامة ظفر نبيل اديب ، مع اننا عندنا رأى فى بعض اعماله ن لكن كلها لا تسلبه حقو فى العمل من اجل الثورة والدفاع عن المظلومين من زمن النضال حار ايام الانقاذ