شهب ونيازك
كمال كرار
التسوية والشراكة مع العسكر وبيع دم الشهداء، ومباحثات (تحت التربيزة)، كانت تتطلب (شغلة) تسمى وثيقة دستورية، أو إعلان دستوري مضروب، وعدة شغل..
وضربت الأخماس في الأسداس ووجدوا ضالتهم في لجنة تسيير المحامين، وهرول نحوها السدنة والفلول والسفراء الأجانب، وسجل الانقلابيون إعجابهم بها..
الوثيقة حجزت للعسكر مقعدهم على رأس المشهد الانتقالي بما يسمى مجلس الأمن والدفاع، الذي اخفيت صلاحياته عمدًا في الإعلان المضروب حتى لا ينكشف المستور. والوثيقة تعزز سطوة الدعم السريع حين تدمجه في الجيش، ولن يعرف من المبلوع حينها..
والإعلان المضروب يقيد الحريات بجملة (ما لم يتعارض مع النظام العام)، ومعناها عودة (قدو قدو).
وهذا الإعلان يمسح لجان المقاومة ويدفنها لتحل محلها مجالس من القوي الموقعة على الإعلان، وحق الشهداء راح شمار في مرقة، والإعلان يتحدث عن لجنة جديدة وعدالة انتقالية، ومعناها تكريس سياسة الافلات من العقاب..
وشهدت بالأمس مناظرة في قناة تلفزيونية، دخل فيها كمال عمر في زنقة حاول الخروج منها بالقول لزميلنا المحامي صالح محمود (انت ذاتك فلول)، فتبسم صالح، وارتسم الاندهاش على وجه المذيعة..
وعلى كل فقد شهد السودان رموزًا من المحامين ظلوا أوفياء للحق والعدالة، وآخرون امتهنوا السمسرة باسم المحاماة، وذاكرة الشعب لا تنسى..
سيسقط انقلاب البرهان بسدنته وفلوله، بمن فيهم الفلولي الذي يطلق على نفسه لقب خبير دستوري..
هانت الزلابية.
وأي كوز مالو؟
الميدان
شاهدنا قناة الحدث وشوفنا وجه الفلوة الشيوعى صالح محمد وتغير وجه ومقدمة البرنامج فى فضائية الحدث الديمقراطية قطعت البرنامج مع العلم العربية والحدث فضائيات ديمقراطية تتبع لدولة ديمقراطية
انت غلط فى العباره
اكوز مالو
الصحيح اى موز مالو ؟
اي واحد عامل فيها افهم منو مافي كان صحفي ولا سياسي ولا عسكري ولا رياضي وحركات مسلحه كلكم وكان قلوط ساي صادفتو في الموصلات يعمل ليك فيها ابو عرام والله ياالسودانيين ما تبطلوا النقه الكتيره دي ماتقوم ليكم قائمه اقعدوا كلكم في الواطه دى واتفقو واي يجي بإحساس انو ما ابو عرام ويفتح قلبو للتاني ويكون اي كلام لصالح الوطن والمواطن واي خبز سلمو لخبازو مع المراقبه شنو الجوطه والكلام الكتير نحن زهجنا والله العظيم ودمرتو حياتنا بالكلام الكتير انتو المغالطات وتشاكسكم مع بعض مافترتو منو ياخى انتو عندكم طاقةهايله للكلام ومعاكسة الاخر لو حولتوها لعمل والله بكره يبقي اقتصادنا اقوي اقتصاد فى العالم تعالو شوفو المواطنين متعاشين كيف والله نحن اسي في البلد نتلمه كلنا جعليين علي نوبه علي شكريه علي فلاته علي زغاوة علي بطاحين يومي في قهوة العم صالح الادروبي ونتناقش في امور الحياه ما فينا زول يوم أساء للتاني تعالو قهوة العم صالح الادروبي بتمبول عازمكم جبنه الصباح كل ألوان الطيف في السودان بشرط تكونوا مستمعين لهؤلاء البسطاء عشان تتعلم منهم كيف المعايشه وقبول الآخر بصدر رحب
والله صراحة ماقلت إلا الحقيقة الله يخليك وكمان قهوة العم الأدروبى بتمبول موجودة فى كل مكان فى السودان
هسه انت حالتك كلامك الماكتير ! كلام خارم بارم يشبه الفسوه !
الشيوعيين والكيزان وحهان لعملة واحدة من قذارة الطرح والممارسة
الكيزان لامن دايرين يكرهو الشعب من حاجة يدمغوها بالشيوعية ونفس المنوال الشيوعيين لو عاوزين يكرهو الناس يدمغوهو بانو من صناعة الكيزان والاتنين كيمان عفن ووسخ لن ينصلح حال السودان الا بكنسهما معا الي مزبلة التاريخ
محاولات الشيوعيين الرخيصة بالمزايدة علي القوي الوطنية وايهام الناس بقيادة الشارع لن تنطلي الا عليهم وغبائهم والا
فمن هم دعاةً التسوية والمشاركة في المجلس المركزي لعبود
والمشاركة في برلمان نيفاشا الكيزاني
الشعب اوعي كثيرا من الاعيب الشيوعيين وسيلقمهم حجرا كبيرا بالمشي قدما في الترتيبات الدستورية والتحول المدني الديمقراطي المنشود غير ابه بنعيق الفلول والعفن الكيزاني والشيوعي
اسا الشارع الجاب سيرتو منو ومتين الحزب الشيوعى ادعى انو بقود الشارع
تتلون زى الحربوية لتدافع عن جرثومة الترابى المطرود حتى من المؤتمر الشعبى
بعدين الحزب الشيوعى بتقارنو بالمؤتمر الوطنى دى بتوضح انك عنقالى مكوك ليك سنين
والا ورينا الوعود الوعد بيها الشيوعى وما نفذها
مغفل ضار ذى ماقالو ليك زمان
كلما نقول ربنا يكضب الشينة (الشيوعيين) ونمشي مشوار طويل مع الاخرين ويطلع كلامهم صح ونكتشف أننا بندور في متاهة رسمت لنا بحنكة عصابات الخارج والداخل، حينها قالو لنا أن الوثيقة الدستورية شراكة دم ولن تنجح في التحول الديمقراطي وقلنا الشيوعيين ديل لا يعجبهم العجب وحدث ما حدث ورجعنا لما بعد مربع واحد إلى اسفل السافلين بعد كل الدماء التي سفكت في الثورة اصبح يحكمنا البرهان وحميدتي قالو سلام جوبا خابور دولي وسوف يزيد من تأجيج الخلافات والفلتان الامني في جميع الولايات وقلنا اصلا الشيوعيين ديل خميرة عكننة وسلام ناقص افضل من لا سلام وسوف نوفر مليارات كانت تصريف على الحرب للتنمية وحدث ما حدث واصبحنا تحت رحمة مليشيات السلام وانقلابهم على المدنية مع العسكر وسرقاتهم وفسادهم وتفلتاتهم الامنية واصبحنا نصرف أكثر من ما كنا نصرف على الحرب ، تاني انا ما علي بالاخرين ولو بكره طرد الشيوعيين كمال كرار وقالو عنه كوز اصدقهم
والله انت يا بتاع الاسم الطويل بالانجليزي ده ما قلت الا الحق وكلنا مثلكم نتجازب الحديث في السياسة دون أي عصبيات.. انا ما عارف ناس الأحزاب ديل جونا من وين.. هم فقط يعتمدوا على الإعلام لتكبير كومهم وفي الحقيقة هم لا وجود لهم وسط الشعب.
الحزب العجوز يعرف جيدا ليس له اي وزن في الشارع الي اقلية من العجائز الذينا تعدو السبعين سنة لذلك تجدهم لا يريدون الاتفاق مع اي مكون سياسي لكي لا يعرف حجمهم الحقيقي
كلما نقول ربنا يكضب الشينة (الشيوعيين) ونمشي مشوار طويل مع الاخرين ويطلع كلامهم صح ونكتشف أننا بندور في متاهة رسمت لنا بحنكة عصابات الخارج والداخل، حينها قالو لنا أن الوثيقة الدستورية شراكة دم ولن تنجح في التحول الديمقراطي وقلنا الشيوعيين ديل لا يعجبهم العجب وحدث ما حدث ورجعنا لما بعد مربع واحد إلى اسفل السافلين بعد كل الدماء التي سفكت في الثورة اصبح يحكمنا البرهان وحميدتي قالو سلام جوبا خابور دولي وسوف يزيد من تأجيج الخلافات والفلتان الامني في جميع الولايات وقلنا اصلا الشيوعيين ديل خميرة عكننة وسلام ناقص افضل من لا سلام وسوف نوفر مليارات كانت تصريف على الحرب للتنمية وحدث ما حدث واصبحنا تحت رحمة مليشيات السلام وانقلابهم على المدنية مع العسكر وسرقاتهم وفسادهم وتفلتاتهم الامنية واصبحنا نصرف أكثر من ما كنا نصرف على الحرب ، تاني انا ما علي بالاخرين ولو بكره طرد الشيوعيين كمال كرار وقالو عنه كوز اصدقهم
(صدقت والله) الشيوعيين ديل بشوفو في الظلام وعلى بعد اميال مايغشوكم جماعة الموز والانقلابين وناس الهبوط الناعم ,,,,حتما سينتصر الحق
كلام كتب كمال كرار زاغت ابصار الكيزان
من الوضاعة وأقصى درجات البلاهة… أن تصف هذا المجهود… مهما كان تحفظك عليه… بأنه… دستور كمال عمر… كان من الأفضل لك بيان نواحي النقص والخلل.. حتى تجد من يتفق معك.. في وجهة نظرك…هذا إذا كان لك نظر… أو.. وجهة….
اما ادعاءاتك بإخفاء اختصاصات مجلس الأمن والدفاع…لتحفظ للعسكر مكانتهم حسب علمي ان المقترح الدستوري… اهتم بوضع هياكل الحكم… ولم يخوض في التفاصيل… وحتى إذا افترضنا جدلا صحة هذا الأمر… ما الذي يمنع الحزب الشيوعي من الاعتراض على هذه الجزئية وان يحشد الحزب كل طاقاته الفكرية والسياسية لمنع تمريرها..هي وادعائك بمحاولة تقييد الحريات العامة… . طالما أن المقترح مازال في مرحلة التداول والنقاش
اما الاعتراض على عدم الإشارة ( للدعم السريع).. . ورفض ادماجه بالجيش..فهو أمر في غاية العجب…
اما مفردة القدو قدو التي وردت في المقال… تجعلني اتحسر على هذا المستوى الذي انحدرت إليه جريدة الميدان… التي كان يرأس تحريرها في يوم ما.. الطيب مختار…
بالرغم من انني لا أدري بمدى دوره في هذا الامر… …. لكن اعتقد انك بهذه التسمية للمقترح الدستوري… كمن يضع في يد… كمال عمر…. تاج… كان سوف يتهيب كثيرا أن يضعه على رأسه…
بالنسبة إلى لجنة تسيير نقابة المحامين… الحمد لله… الذي انطقها…. من بعد طول خرس…