الخرطوم: عثمان الطاهر
قطع القيادي بالحركة الشعبية جناح الحلو محمد يوسف المصطفي أن أي خطوة للشروع بالانتخابات في الوقت الحالي تعتبر دعوة لتفجير الحروب ومحاولة لإجهاض الثورة وتعطيل مهامها.
وأشار المصطفي في حديثه لـ(الجريدة) إلى ان الانتخابات بحاجة إلى الاستقرار، واعتبر أنها ستكون انتخابات جزئية بسبب ان هنالك مناطق لن تجرى بها الانتخابات خاصة النازحين واللاجئين لجهة أنهم لن يكونوا بمناطقهم.
ورأى ان الفرصة لن تكون كافية للقوى السياسية لاسيما وأنها ظلت منهكة ومدمرة طوال 30 عاما، مشددا على ضرورة ان تعمل على تنظيم نفسها.
ونوه إلى ان مشاركتها ستكون شكلية فقط، مشيرا إلى ان نتيجة الانتخابات ستكون غير مرضية للشعب وسيعمل على الخروج وإسقاط الحكومة التي سيتم تكوينها، مؤكدا ان الانتخابات بحاجة إلى وضع ديمقراطي امن ومستقر.
الجريدة
البلد كلها اجنحه جناح الحلو وجناح مناوي وجناح عقار وجناح مبارك الفاضل والبعث عدة اجنحه والاتحادي كذلك وهلم جرا علي قولة السيد الصادق المهدي يا اخوانا ماتطيروا باجنحتكم دي وتتركونا في حالنا
لماذا لا تتحدث عن اجنحة الكيزان المؤتمر الشعبى جناح الهالك ترابى وجناح الطاغى المخلوع البشير واجنحة حزب الامة جناح مبارك – جناح الهادى المهدى / جناح الصادق – واجنحة الاتحادى الكثر والخ انت يى كوز ي واحد امى من اميين الصادق سدى المهدى ي كوز وسخان الحركة الشعبية هى امل الجماهير ناهيك احزاب عقائدية تقليدية من / اميين الصادق الى اتحادى فرع مصر فى السودان ويعث العنصرى مطالب بدم العروبة الصرفة
حرب في عينكم انتو قادرين عليها وواقفين ؟
هو النوبة لو ما قدرو على الحرب البقدر عليها منو في البلد دي بس هم لا عايزنها ولا حيدخلوها زي ما قال عبدالعزيز الحلو (ما عايزين حرب ولا نبحث عنها ولكن لو جاتنا في مكانا مجبورين ندخلها) وعندهم في جبال النوبة شبه دولة ومستقرة راضين بالقليل حامدين وشاكرين ، الدكتور محمد يوسف يتحدث عن اي انتخابات مخجوجة تاني حتولع حرب والشباب ما صابرين على سلميتهم ليوم الدين
لكل ناظر لحال البلد من موقع مسئولية وطنية بعيدا عن الاجندات الحزبية ومصالحها والمصالح الشخصية يرى الا حل البتة الا بالانتخابات ولا يهرب منها ويرفضها الا القوى التي تريد ممارسة الوصاية على الشعب ليحكمه بديكاتورية مدنية عقدية اسوا من العسكرية بمراحل اما التهديد بالحرب فنقول التمساح ما يهدده بالغرق كوننا اصلا غرقانين وايام الحرب كانت افضل من الان بكثير فنرجو منكم مواصلة الحرب اما الشعب فسوف يسلم سلطته لمن يختاره انتخابات حرة
وليس شرطا ان تكون نسبة مشاركة الشعب فيها بنسبة 100 في المائة كون ذلك مستحيلا في الوقت الحالي وانتظاره ليس الا اصرارا على تطويل عمر معاناة شعبنا
أحزاب اليسار و العسكر هم الذين يرفضون الانتخابات، علاقة حركة الحلو الانتخابات شنو الحلو مازال متمردا في الغابة، يجب عليه الناس و شأنهم، هو اصلا جناح مسلحة للحزب الشيوعي.
التحية للراكز “حد يوسف” بطريقة نطق قري الجزيرة … المناضل ابن المناضل النقابي الكلس يوسف احمد المصطفي من مؤسسي اتحاد مزراعي الجزيرة والمناقل مع رفيقة شيخ الامين..
من القصص العجيبة ان دكتور محمد يوسف احمد المصطفي يوم انقلاب “اللينقاظ” كان عائدا عن طريق مدني/ الخرطوم من قريته صراصر الي الخرطوم، ولا علم لهم بما وقع فى الخرطوم …
وفي العربية معه “الاولاد” وقريبته من القرية المظمومة المرحومة فاطمة خالد أحمد البشير وفى الطريق صادفهم حاجز جيش من عساكر وضابط مظلات قرب المطار … وتعرف عساكر المظلات على فاطمة ..
– يا اخوانا دي زوجة الرئيس؟؟
تسائل ود يوسف
– رئيس شنو يا زول انت ماك نصيح؟؟
– انتو ما سمعتو ولا شنو …البلد مقلوبة يا اخي دور راديك ..
وتم “تنويرهم” بما جري وأن العميد عمر استلم !!
اقترحوا توفير حراسة مرافقة ولكن فاطمة ودكتور ود يوسف اعتذرو وواصلو فى مشوار العودة ..
بالمناسبة احمد المصطفى واحمد البشير اخوان …
وهذه بطريقة الاسماء المركبة احمد النذير واحمد المدثر واحمد المزمل .. الخ
وكان وزيرا في الانقا> تحت قريبه البشير بعد نيفاشا ما قلتها لييييه
شكرا على الملاحظة يا ود الناس الفى اوروبا …
الكلمة المفتاحية هنا هي نيفاشا .. اتفاقية مع الحركة الشعبية بموجبها صار د. محمد يوسف احمد وزيرا ورئيس الحركة الشعبية دخل القصر وبقية القصة معروفة من طق طق الي استفتاء قيام جمهورية جنوب السودان !!
اي واحد الحاجه ألفي راسه مايحققها يقول ليك نرجع إلى الحرب ياخ ارجعوا إلى الحرب الناس الكنتم زمان بتحاربوا عشانهم انكشفت ا ليهم كل أفعالكم ومقاصدكم خلاص كل الحركات المسلحه كانت بتحارب عشان المناصب ماعشان الوطن والله عشان أهله المهمشين عشان كده الحرب حبابه لو دا تفكيركم
كلام حلوا جدا..
نرجع للحرب وكل قرد يطلع شجرتوا … انكشف المستور وان كل الحركات انما هي للسلطه والكرسي والمخصصات والغف و الهمبته والفساد وليس من اجل الوطن او المواطن المسكين..
ذهبت الانقاذ واتبلوا ولن يرجعوا تاني شايلين سلاح ليه وكل اسبوع ناطي لينا واحد عواطلجي بي فهم جديد… حريقة فيكم كلكم… ومرحبا للحرب من جديد و حا تترشوا وحا تتبلواذي الما حصلت حاجة..
هههههه اول ماتقول انتخاب يفزعوا والنوم يطير من عيونهم عارفين لو جاءت حكومة منتخبة سوف تضع النقاط فوق الحروف اما الحرب اما الاستسلام و عشان كدا عجلوا بي الانتخاب هههههه
الصراع في كل العالم علي السلطة و السلطة اما بالانقلابات او السرقة او الانتخابات منذ خروج الانجليز من السودان المثقفين السودانيين العاطلين عن العمل يتفنن في اخذ السلطة مرة بالانقلابات مرة بالفترة الانتقالية و انتخابات و انقلاب سريع لذلك طالما فئ مثقف عاطل عن العمل لن تنجح الديمقراطية السودان.
ديل اصلو دمهم فاير… ممكن بعد الانتخابات برضه يقولوا للنظام المنتخب عايزين نحارب… ح تعملوا شنو مع ناس همهم رجاله ودواس وبس؟؟؟
طيب يا الحلو
ما دايرين انتخابات
وما متفقين مع الحكومة دي
وانتم زاتكم منشقين إلى أجنحة
اها الحل شنو
الحقيقة هي أن الانتخابات يجب أن تكون في ظل وضع مستقر و محايد ..أما في ظل وجود العسكر علي رأس السلطة فاكيد ح تكون انتخابات صورية و سيفوز فيها الفلول لأنهم يملكون المال و العسكر معاهم ..أما حكاية التهديد بالعودة للحرب فهذا مرفوض و اتضح للكل أن الحركات المسلحة ليس لها علاقة بإنسان دارفور و تعمل لمصالحها الشخصية فقط و الدليل تحالفهم مع العسكر الذين كانوا يحاربونهم و كنكشتهم في المناصب مثل جبريل و اردول و غيرهم ..