أبدى رئيس مجلس السيادة الانقلابي، الجنرال عبدالفتاح البرهان، امتعاضه من استقبال القيادي بالنظام البائد محمد طاهر ايلا لدى عودته قبل يومين لشرق السودان.
وعقد البرهان يوم الأحد الماضي لقاءً مع وفد من قبيلة المسيرية بقيادة نظارها الثلاثة و42 من قادتها، بقصر الضيافة بشأن المظالم التي تتعرض لها القبيلة.
وقال البرهان في معرض حديثه: “لا توجد حكومة في البلد بدليل استقبال ايلا استقبال الفاتحين رغم أوامر القبض الصادرة في حقه”.
وعاد، يوم السبت الماضي، إلى مدينة بورتسودان حاضرة إقليم شرق السودان، محمد طاهر إيلا، آخر رئيس للوزراء في عهد النظام البائد، حيث أثارت العودة عاصفة من الجدل وسط مطالب بمحاكمة الرجل الذي يواجه بلاغات متعلقة بالتجاوزات والفساد المالي.
وكانت النيابة العامة في مدينة بورتسودان قد أصدرت، في ديسمبر 2019، قرارا بالقبض على محمد طاهر إيلا بتهم تتعلق بفساد مالي وتجاوزات إدارية، بيد انه هرب إلى خارج السودان، ما حال دون القبض عليه.
وظهر ايلا خلال عودته بصحبة الناظر محمد الأمين ترك الذي اصطحبه من المطار إلى مكان الاستقبال، كما قام بتقديمه للجماهير بكلمات كال عليه فيها المدح والثناء.
وسبق وعقد ترك مؤتمراً صحفياً في العاصمة الخرطوم وأعلن خلاله عن عودة ايلا ثم أعلن تشكيل لجنة مختصة بترتيبات الاستقبال.
يشار إلى أن الناظر محمد الأمين ترك، كان قد استقال من المجلس الأعلى لنظارات البجا الذي كان العسكريون قد استخدموه للضغط على حكومة رئيس الوزراء السابق عبدالله حمدوك، لتنفيذ خطتهم الانقلابية.
وكان خبراء قد عزوا استقالة ترك من مجلس نظارات البجا وإصداره قراراً بحله، لتفاقم الخلافات وسط الانقلابيين، حميدتي من جهة وفلول النظام البائد المحتمين بالبرهان من جهة أخرى.
ويشير محللون إلى أن امتعاض البرهان من عودة محمد طاهر ايلا، ربما تدل على أن الأخير قد عاد بتنسيق مع حميدتي، خصوصاً أن الناظر ترك، حليف قائد الدعم السريع، قد كان وراء العودة والاستقبال.
ولكن مصدراً أفاد (الديمقراطي) أن “البرهان نفسه كان وراء استقبال ايلا، مشيراً إلى أن قائد الانقلاب يلعب تاكتيك في قضايا الأمن القومي الكبرى”
ما يقوله السيد برهان فضيحة، أنت الحاكم الامر الناهي، الجميع يعلم أن طاهر ايلا ارسلته المخابرات المصرية لذلك لا ولن تستطيع اعتقال أو منع استقبال الجماهير للسيد طاهر ايلا. السودان محتل من قبل المصريين والتشاديين، ولا غرابة في ذلك. عهدك أسوأ العهود في تاريخ السودان القديم والحديث. مني، جبريل، أبو ننمو، حجر، هادي، حميدتي. دولة التتر.
مضبوط…
كلهم اسوأ من بعض..
ربنا يبيدهم و يحلنا منهم.
يدمرون السودان في كل لحظة، ما كفتهم ال ٣٠ سنة قتل و نهب و فساد لا حدود له…
الراكوبة شيوعية حمراء وهذه حقيقة يعرفها راعى البقر فى رشاد بجنوب كردفان
الكلام بالمناسبة الناس تمسك فيهو قوى. هو اعتراف ودليل إنو كل الإجراءات التي اتخذت واتعملت بعد إنقلابه هي إجراءات باطلة وغير شرعية. ويا ناس الحركات شفتو الورطة الدخلتو فيها؟
احسن ما يكونوا كيزان ، هم اقرب للحقيقة و الواقع….
وانت شنو يا جمعة كوكو يا ضب ، شيوعي واحد اشرف من مليون كوز اقفل مستراحك.
و ما العيب في ذلك, يكون شيوعي , يهودي, اسلامي. بكل امانة و صدق الراكوبة هي الجريدة الالكترونية الوحيدة ذات مصداقية في تناول اخبار السودان.
ههههههه
ش ي و ع ي
و س خ ا ن
خليها شيوعية الراكوبة رايك في كلام العرة ده شنو؟ بالمناسبة ليه مافي حكومة؟ ياربي الحكومة تكون مشت وين؟ يمكن تكون مشت كنيسة وست منيستر تعزي في موت الملكة النصرانية راعية الكنيسة؟ صراحة الكوز فقد المنطق، كما السجمان
وانت يا كوكو كوز وتابع ولا تعرف كوعك من بوعك ومجرد كومبارس للكيزان وعديم وطنية
يعنى كونها شيوعية دي منقصة منها؟ متى تستفيقو يا جداد الكيزان المغيبين؟
قال البرهان :
“لا توجد حكومة في البلد بدليل استقبال ايلا استقبال الفاتحين رغم أوامر القبض الصادرة في حقه”
……….
مافي إستهبال أكتر من كدا !!!
دا كلام ممكن يقوله مواطن عادي من عامة الناس في مجلس ونسة مع الأصحاب . لكن من المدهش والمذهل أن يقوله رئيس البلد .. رئيس الحكومة الآمر الناهي الذي يقيل من يشاء ويعين من يشاء في مناصب السلطة المختلفة والذي يصدر أوامره واجبة الطاعة في مختلف المجالات بما في ذلك المجال الأمني والعدلي !!!
# مفهوم السياسة عند البرهان هو استهبال وكذب وخداع ومكر وغدر وبطش .
وطبعاً الرجل عينه على رئاسة السودان .. وكل تحركاته وتكتيكاته يحكمها هذا الهدف .
دي العسكرية الدايرها يا ابرهة ؟؟
آهوي يا ميري سمبلة ماهية مافي
ده العسكر خرب الدولة
بقي سمبلة … حكومة مافي !!
اذا مافي حكومة … انت تطلع اية ؟؟
يعني كده بس ماري الصدفة:
وجيت لقيت باب القصر فاتج ودخلتا
ومن شراب تام زين يا مسكين طشمتا
هههههههة … كنت جاهل والحكم ظنيتو ساهل !!!
البرهان حقو يروق شوية ويكتفي بالتصريحات المكتوبة بعد المراجعة والتنقيح والاجازة من ابو هاجة …
الزول ده واضح انه اشتر مع شوية عوارة وخفة عقل واي تصريحات او مخاطبات مرتجلة تكشف اصابته بحالة اردولية متأخرة !!
أسلوب كيزاني قديم لكن لسه شغال
يلعب تكاتيك ولا تيك توك ….. تفهته السياسة في البلد … الكذب بقي سمه اساسية لكل من يتعاطي السياسة ودون ادني خجل
وطيب يا العشا بي لبن، إنت مش الحاكم العسكري للبلد دي وعملت إنقلاب يوم ٢٥ أكتوبر وحليت الحيكومة المدنية وسجنت ناسها وبقيت الناهي الآمر، أها شنو تبدي إمتعاضك وتقول كلامك الني دا؟ أخجل يا رب الفور يا العامل فيها عنتر وأتاري عبلة انجض
يا ريت لو برضو علقت على قرارات جبريل ضد الشعب السوداني و تحكم حركات دارفور في الاقتصاد و الاتفاقية الكارثة ..جبان و الله لا تستطيع بس حيلتك في ايلا و الكيزان ..لكن ايلا وراهو البجا رجال لا يرضون الظلم و انت كده اعترفت انك ما قادر عليهم لان البلد بقت زندية ..الجعليين ناسك ماليين السجون ..الرئيس مسجون و نوابه من ناس دارفور مش بس خارج السجون لكنهم يتمتعون بالمناصب و يغرفون لاقربائهم مناصب و اموال و رتب ..احسن تسكت بس.
انت واحد عرة وخليقة بس ما أكثر يا حسين عبدالله
مسدار الجيش:
مانشيت الصحف نشرت كباسن شاكي قال الجيش تغازم وهان كرامة الكاكي
يا بلد السمر قوليلي ايه الجاكي بتريدي البزلك وتكرهي البهواك
الجيش في الضعين ضاق المهازل عرقة اتهرشوا الجنود واندق قايد الفرقة
الفعل الحصل يا ديشنا كان بتدرقة في وجه الشعب الاحترام بتفرقة
السوس كان كتر عود المرق بنشق والجيش كان سلم من الوسخ بتنق
معليش يا عميد الجنجويد من حقه دام الجيش تسيس كل يوم تندق
في عهد الملايش وانعدام العيش خربانه البلد ما فيها هيبة جيش
تندق يا عميد برضك تقول معليش وخليه الشعب الدولة تحمي الجيش
صقر الجديان حزن خو وتباكي علينا وقال بالصريح النصرما لينا
ما دام الحكم كتل الرجال الزينة اتهانت عروضنا ولامست كرعينا
ديل اكلوا السمح والجيش اكل طعمية واتخطوا الرتب بي رتب وهمية
يا حليل البلد لما كان محمية بالكاكي المدرع وهيبته القومية
رغم الظلم عاس فوق الضماير وفذة لسع باقي في وجدانها عسكور عزة
لو ما الجيش تقلبن والمكان بتنز ما بتنهز كان كل الخلق ينهز
الجيش قومي كان لا عرب لا نوبة وهسع تخصخص في رتب ملعوبة
لو ما حكم القجر والدنيا جات مقلوبة ما بنزل يمين علم الشعارها قروبة
يا حليل الزمن العد روح جيلها زمن العساكر ما بعرفوا قبيلة
بلدا رجال فيها مخدر نيلها كيف تنزل لي شلة وتفك دا الحيلة
الجيش تهمل وسيسوا الطابور وجينج التعنصر في الحصل معزول
النضم الهرش في الدار صبح محظور وبقت الملايش وحدها العسكور
القال الحقيقة بيدخل الزنزانة وبتهرش المليشيا الدولة بي اركانها
راتبهم مضخم والجيوب مليانة والجيش بالفلس متقحبد الجبخانة
ما شفنا الاسد من النعام بتحاب وما اظن الضكر في يوم بيكون مشاط
هم والرئيس كل البيكون يوم في بلاط وقدام العساكر بكتلوا الضباط
سوي الناجدة يا جيش واتحد في لامة وقوميتك تفيض فينا وتغطي العامة
لاك الشعب وجع ومراير سامة والحاكم تجبر واتنفخ في هامة
كان هضلم ظلم بي عازة في اولادها ورحمها يوت بينجب في الجنود والقادة
ماتوا الرجال والجيش فقد اوتادها بس غيرهم بكون دام امهم ولادة
جمع الغبش شان سلطة ما هو فراسة وكل الفتن يا ديش بقت من ساسة
الايدهم بقت فوق الجراح نخاسة هم في القصور والميري بكتل ناسها
اقتصبوا البلد بالظلم تلاتة عقود وزادوا الكروش والشعب ناشف عود
كان هم الشعب فوق الكبك مفقود ينكال الرماد في خشمكم هبوت
ديل همهم سلطة وعرس نسوان وشبع البلد في حكمهم توهان
هم والاباليس في الاصل اخوان وانكسرت عشانهم هيبة السودان..
للاسف الشديد
البرهان يتم تحريكه ذي مسرح العرائس.. راجل ضعيف الشخصية.. رجل الظل هو.. جابر.. ولكن المكر دائما يعود لاصحابوا حتى في السياسة وخير مثال الحركات المسلحة.. حتلقى نفسها خا ج المشهد قريبآ ويا السجون يا الغابة..
البرهان يدعو فى تصريحات صحفية الي العمل الي تغليب مصالح البلاد العليا ..
دعا عبد الفتاح البرهان الشعب السوداني الشقيق للهدوء وعدم الاستجابة للاستفزاز وضبط النفس … وعلي صعيد آخر ناشد واهاب برئيس مجلس السيادة والقائد العام لقوات الشعب المسلحة بالتحلي بالصبر فى مواجهة الظرف الراهن والتحديات التي تواجهها بلاده ..!!
ي برهان مليشيات ايلا جاهز لمنازلتكم مقاتلكم جيش جرار مثل دعم السريع
٠ارجع بلدك يا دينق ملوال
دينق ملوال ما جنوبي
ما تغلطو في الجنوبين ساي
صاحب الاسم خاساوي ارتري كوز
تم تجنيسه من قبل ابراهيم محمود
أقترح ترشيحه لجائزة نوبل لإكتشافه عدم وجود حكومة !!!
إلا أنني علي يقين تام، أنه إنما يسعي لتلميع نفسه، بالكذب والنفاق، كون الثابت أن إيلا ما كان ليعود، أبداً، دون ضوء أخضر منه شخصياً، تماماً مثلما صَّرَح من قبل، قريب إيلا، الجنازة تِرك، أنه “بس بي تلفون من البرهان أو حميدتي، سيفتح الميناء” !!!!
أليس هذا دليل ساطع، علي من قام بقفل الميناء ؟؟؟
ثم إن كلمة حكومة، لا تعني فقط الجهاز التنفيذي، وإنما كل الهياكل المسؤولة عن إدارة الدولة !!! ولا يخفي علي أحد، إن الحكومة التي تُلبي طموحاتكم الشخصية، موجودة – وزير القروش، وزير الدهب، بنك السودان، النيابة الكيزانية، أموركم ماشه !!!
أركِزوا بس، #الثورة_مستمرة_ومحروسة !!
سبحان الله كيف يستقيم امتعاض البرهان لما يحدث من عودة الفلول وتركهم يمرحون ويسيئون علي الثورة والثوار ورموزها وكيف لا يوجد حكومة الم تكن أنت الحكومة وانت من يربط ويعقد ويحل ويأمر وينهي إذا كنت انت فعلا تمتعض لعبرت عن هذا الامتعاض بحرة قلم لأتوا به اليك قبل ارتداد طرفك حديثك مع الثورة ولكن قلبك الحاقد الملئ بالكره للثورة والشعب السوداني وانت أسوأ ما انجبته حواء السودان ولكن كل دور إذا ما تم ينقلب .
مجرد أكاذيب
تصنعون الكذبة ثم تصدقونها
هذا ضياع للزمن ولآ يفيد السودان في شيء
يا العوض امش اسأل سيدك البرهان قال الكلام ده ولا ما قالا !!!
البيضيع في الزمن منو !! مش قال حيعمل حكومة والتاني داك قال ساعة الصفر
راجيين شنو !!
اي زول عارف الكلام ده كذب وطلع
أصبح الكذب جماعي
الناس عرفتكم انتو كذابين
انت لو عايز تصدق صدق
أنا لا
البرهان عسكري عريف غبي .. لو أنا مكانه كان دعمت حمدوك وبقيت عشرة على الجيش والأمن والشرطة وحشرت لحميدتي وناس الحرية والتغيير والحركات المسلحة وإستخدمت موارد البلد كلها بتوجيهات من حمدوك .. أقسم بالله دول الجوار الحاقدة على السودان تأكل نيم والدليل قالها حمدوك لن نتسول بعد الآن .. راحت عليك يا برهان غبي وأوفقك ضيق
كذااااب اشر ..ما جاء الانقلاب الا للتمهيد لعودة الفلول و تجار الدين .و الفاسدين ..و هم لو عارفين في حكومة في البلد ممكن تحاسبهم ..ما كان رجعوا ..بالله ده كلام يقولوا رئيس الحكومة ..مهازل والله
أمتعاض أيه وهل فى عاقل بصدق كلام أبرهه. هو خير خلف لخير سلف فى الكذب. برهان أنت فاكر الشعب ده غبى بمثل غباءك أن يصدقك كما صدقك حين قلت أنا مع الثوره وحلفت اليمين كذبا ثم أحتمى بك وبمؤسستكم العسكريه وحدث ماحدث.يابرهان المؤمت لا يلدغ من جحر مرتين فلذا نصدقك لو حلفت بالمصحف ورقه ورقه. برهان اخر زياره لك لمصر لأجامع بك حاكم مصر ورئيس أستخباراته وقوش وتم فيه أرجاع كل منسوبى النظام السابق وقد تم ذلك وفى هذا الأجتماع أشارةا لك بأن يكون أيلا رئيسا للوزراء مع تشكيل يضم أفراد من جماعة أتفاق جوبا وهذا سيحدث فى الأيام القادمه.مصر خايفه جدا من رجوع حمدوك الذى يشكل خطوره كبيره على أقتصادها وبعض الدول الغربيه المؤثره تريد رجوع حمدوك مما حدى بحاكم مصر أن يستدعيك وليس زياره كما قيل .مصر تريد أستباق الكل بتشكيل حكومه تكون طوع بنانها وهذا لن تجده الا فى الكيزان والتى تعرف نقاط ضعفها وأستجابتها لكل ماتطلبه مصر. أيلا معظم أمواله التى نهبها مستثمرها فى مصر وصلاح قوش تحت الحمايه المصريه وكثير من أموال الشعب التى نهبها الكيزان مستثمره فى مصر.أيلا دخل السودان وعارف متى يعلن قيادته لحكومة فتره أنتقاليه.برهان يكذب وليس ممتعضا فلو كان ذلك كان قام بالقبض على المؤتمرين فى أحد الفنادق(كيزان) والذين علا صوتهم مطالبين بالأفراج عن نافع.برهان مهد لرجوع الكيزان لأستلام نظامهم من جديد وفاكر الشعب مغمض العينين.
الرجل نصاب ودجال كبير وكل ما يدور من سؤ في البلد دي بتدبير منه وليه قال الكلام ده قدام المسيرية؟ الإجابة لأنه عارفهم حيجيبوا خبره، نظام عالم تخاف لكن ما تختشي، أتفه كائن حي في تاريخ السودان.
يا بليد المفروض تحاكم على كلامك مافي حكومة وانت تطلع منو ؟ مين سبب عدم وجود حكومة يا رمة مين سجن رئيس الوزراء وطاقمة المبجل مين سمع تحريض الرمم لازاعة بيان انقلاب ؟ الكلام كان ممكن يكون مقبول لو امتعض معرض مثلا او رجل مقاومة.بكرة نسمع راي نائبك كمان يقول شنو
الثوار من رجال المقاومة كفاية حرج ومرج وهاهو الكلب ايلا اللص ييسرق حق المساكين والفقراء وحقكم وهو يعود ؟اليس فيكم رجال تقطعوا راسو وتعلقوهو ويكون عزا لكل كوز فاسد تافه امثاله؟ مثال هذا لايحتاج لقضاء؟ يحتاج لحسم وان في بطن ترك؟