أخبار مختارة

الحسن الميرغني يكشف تفاصيل اقتياده من قبل الشرطة لمنزل غير معروف وملابسات استقبال مولانا الميرغني

أصدر مكتب نائب رئيس الحزب الاتحادي الديمقراطي الأصل، محمد الحسن الميرغني، بياناً حول ملابسات استقبال، مولانا السيد محمد عثمان الميرغني، اليوم بمطار الخرطوم.

وتم اقتياد موكب الحسن الميرغني بواسطة عربة الشرطة المرافقة الى منزل غير معروف بالقرب من القيادة العامة، وفي المطار تعرضت له ولمرافقيه مجموعات ادعت أنها من الاستخبارات العسكرية والشرطة والاحتياطي المركزي.

وجاء في البيان: “شاهد العالم من خلال الوسائط ما تعرض له، السيد محمد الحسن الميرغني، من مضايقات واعتداء وهجوم خلال توجهه إلى الصالة الرئاسية في مطار الخرطوم لاستقبال والده مولانا السيد محمد عثمان الميرغني، حيث تم اقتياد موكب سيادته بواسطة عربة الشرطة المرافقة الى منزل غير معروف بالقرب من القيادة العامة، وطُلب منه الدخول بمفرده إلى المنزل، ولكنه رفض وتوجه مع الوفد المرافق له الى المطار لحضور وصول طائرة مولانا”.

السوداني

‫31 تعليقات

  1. مسرحية معدة بدقة لنلميع الحسن كمعارض بارز وزرعه كغواصة داخل قحت .. يعني حركة بحركتين نفس عمليا الكيزان إذهب ما بعرف شنو داك رئيسا ونفس لعبة الصادق المهدي مريم برة مع المعارضة وولده جوة القصر!!
    إنتو قايلين الشعب السوداني دة عندو قمبور!!!!
    مافي زول بحكمنا بى فتة وحنك سيدي القديم داك!!
    بعدين الميرغني دة؟ “محتواه شنو؟؟؟” يعني قاصد كتب شنو؟ ألف شنو ؟؟ عندو كتب مثلاً؟؟؟ أبحاث؟؟؟ نشرات؟؟ مقالات؟؟؟ أنتج شنو فكرياً يا جماعة؟؟؟؟
    افيدونا يستر عرضكم!!!

    1. ذكرتني خالي رحمة الله عليه فبعد ان تغدى بصحن كسرة مدنكل شرب شاي وقهوة وختا سفة وولع كدوس فقام صاحبه المتغدي معاه قال ليهو انت يا العوض البتسوي فيهو دا شنو؟ فرد عليه دا مو كيف! فقال ليهو صاحبه : الكسرة دي كلها ما كيفتك
      دحين يا خوي كمان الفته دي كلها ما كفاية ومافي داعي يكون مفكر واهو حميدتي وبقية النطائح متصدرين المشهد

      1. حميدتى كيف ماعندو انجاز ولا رصيد!!!!!!!ماعاجبك ملف الابادة الجماعية دا كلو وباعتراف البشير القتل 10 ألف !!!!! دائرة تجيبو للمسيكين دا الغازي ولدو مساعدة
        البشير ومرطب في لندن والقاهرة يستلم شيكاتو!!!

    2. الشئ البطئن الواحد ويخلي ضيرو مستريح ابناؤنا الشباب فاهمييييين وعارفين بعملو في شنو وناس الفتة وناس سيدي المهدي وجماعة بني كوز ومن لف لفهم ما بيقدرو يضحكو عليهم مهما قلبو هوبا

  2. سبحان الله هل يعقل امثال هولاء الناس كانو يحكمون الشعب في فتره من الفترات والي الآن اين ذهبت عقول هولاء المستقبلين ناس ابونا الشيخ وسيدي هاشم ونحن في العصر الواحد والعشرون هل هم مسحورين ام جهل مطلق

    1. جهل مركب … الشعب السوداني … يحب ان يعيش ذليلا تحت امرة تجار الدين … لن يدخلكهم الجنة … وهو نفسه لن يستطيع ان يؤكد انه من اهل الجنة .. فكيف لهؤلاء .. المريدين الجهلة …. هذه الظواهر يمكن دحرها بتقدم الشباب نحو القيادة واقصد قيادة البلد … والعمل على تغيير كل هذه المفاهيم … ما كان لابوه الميرغني ان يمنع ابنه من حضور استقباله … فهو دكتاتور حتى على ابنائه … فماذا عن الشعب.

    2. صدقت أيها النسر الجارح أنه الجهل يمشى على رجلين ، أين عقول هؤلاء ، رجل كبير طاعن في السن ماذا يملك أن يقدمه لهؤلاء الجهلاء ولاحظ كيف تصرف مع أبنائه … هل هذا تصرف رجل يمكن ان يقدم شيئا لحل مشاكل البلاد ، لا أعتقد ذلك . وأنظر كيف يتهافت العجوز الخرف الآخر محاولا مصافحته كما يفعل المراهقين مع بعض المشاهير ، إنه التخلف والجهل
      نسأله سبحانه وتعالى ان يأخذ بأيدي السودانيين للخروج من هذه المحن .

  3. يا زول مولاك براك ما تكتب مولانا اكتب مولاي.
    متخلف.
    ومعاك الحلة الماشة ليه دي كلها للاسف الشديد.

  4. قمة الجهل والجهالة والتخلف من أناس يعتبرون متعلمين ولكن إذا لم ينقرض هؤلاء العجايز الجهلة لن ينصلح حال السودان ابدا.

  5. والله العظيم بلدنا دي اصلاً ما حا تمشي لي قدام ما دام ولائنا للاشخاص و ليس للوطن ،،، في المانيا المستشارة السابقة ميركل بتمشي السوق و شايله قفتها و ما في اي زول يعيرها اي اهتمام ، نحن من نصنع الديكتاتورية بايدينا ،، اصحو يا ناس الوطن اولاً و اخيراً او لا وطن ،،،،

  6. هذا الاستقبال المصطنع يوضح بجلاء أن معظم سكان السودان الذين يعتقدون بالميرغني والمهدي ما هم إلا قطيعاً من الأنعام وللأسف نحن الآن في القرن 21 ولايزال السودان يعج بالجهل والتخلف والأمية والشعوذه والدجالين عشان كده الكيزان حكموا 30 سنة للجهل المتفشي في البلاد وربنا يكون في عون هذا البلد المنكوب بسبب أبناء جلدته العملاء الخونة !!!

  7. شعب جاهل لا يستحق أي نوع من الحياة الكريمة. إذا سألت أي واحد من هؤلاء العجم البجم ماذا قدم هذا الرجل والله لم تجد إجابة سبحان الله. ربنا يلهمنا الصبر

  8. المرغني واولادو المختلفين عن قصد او غير قصد ……..راسهم فاضي ……..ليس لديهم اي مفهوم او فهم او حتى حافظين القران ولا حتى تفسير ولا شرح احاديث ولا حتى البراق جد جهم ما حافظنو ………زمن الفته بالرزريز انتهى …………الناس واعية ………….سيدي وسيدك زمنو خلاص انتهى ………….المرغني واولادوا ..ما هي الكفاءات …..للاسف لا يوجد كفاءة ………..قال وارثين ابوهم بس الشال كل السوداني حمرة عين …………………………صادورا كل ممتلكان المرغني بالسودان فهي ملك لشعب السودان ولامرغني ما دق فيها طورية .

  9. لكي نبني وطن موحدا قويا عزيزا
    يجب أن نسمو فوق جراح الماضي
    ونتسامح مع انفسنا والاخرين
    ونفتح صفحة جديدة بيضاء مشرقة
    يكتب فيها كل من يعشق هذا الوطن
    ويسهم للارتقاء به الى افاق الريادة

  10. تخلف وجهل لأبعد الحدود !! عجايز الواحد فيهم ماقادر يمشي وما قادر ينطق كلمتين ورا بعض وعاوزين يورطو البلد في إعادة الفلول للحكم تاني .. مومياوات محنطة قالت داعمة لتحركات لجنة المخلوع الأمنية لا وكمان يهتفو مع الفلول .. الله لا تريحكم ولا تريح يومكم بلا مولانا بلا طيب جد بلا عفن

  11. هذه ألاعيب مكشوفة يلعبها الحزبان أي حزب ال الميرغني وحزب ال المهدي، جزء منهم مع الحكومة وجزء مع المعارضة ليضمنوا لهم موطئ قدم أيا كان الاتجاه الذي تتجه اليه الأمور، هذه الألاعيب لم تعد خفية
    ولم تعد تنطلي على الشعب السوداني الواعي المثقف الذي فجر ثوره ديسمبر المجيدة.

  12. استقبال جنازة !!!!!
    ان لم تذهب الطائفية والزعامات الدينية و دراويشها/جماهيرها المغيبة و القبلية والادارة الاهلية .
    لا تنتظروا صلاحا واسقراراً في هذا البلد .

  13. با المناسبة موضوع مولانا نحنا مولانا الله عذوجل جيل ذمان أكان يعتقد في هؤلاء الناس ناس عاش ابو هاشم لاكن الجيل دا واعي شديد

  14. الشباب لهم الحق بان يطالبوا بالتغيير الجذري لان امثال هولاء عفا عليهم الدهر ولن يقدموا شئ للبلد بعد هذا العمر. اذا استمررنا بهذه العقلية الرجعية سنكون في مزبة التاريخ.

  15. دا زمن انتهي ولن ترجع عقارب الساعة للوراء ولن ينخدع الشعب السوداني مرة أخري لأحفاد ضابط استخبارات جاء الي السودان مع المحتلين في جلباب الطرق الصوفية

  16. الزواج دا ايه بقولو ليهو مولانا ؟ من اتولدنا نسمع اللقب دا لكن ماعارفين سببو ؟ مثلا وجدي صالح بدراستو للقانون، واخلاقو الطيبة وثقافتو الثرة وامانتو المشهودة وجسارتو المعهودة ووطنيتو التي لا يعلي عليها الي جانب انسانيتو بقولو ليهو يا استاذ ..دا بيقولو ليهو مولانا علي أي أساس.

  17. صادروا ممتلكات المرغني او اي اخر تدل علي رباطة و مجرمي النهب المسلح من نهب للحمير بدأو
    جنجويد حمتي التشاديين و مرتزقة غرب أفريقيا جايين ليكم يا علوج
    حتي عبيد البشير تعلموا الكتابه

  18. والله انا كنت قايل الميرغني ده مات زماااان ,بالله هو لسه حي؟!!
    الديناصورات دي ليه معمره كده؟ غريبه والله

  19. معقول لسه في ناس جارية وراء هؤلاء اللصوص تجار الدين المنافقين الذين يستغلون طيبة وسذاجة السودانيين .. الحمد لله شبابنا شفوت وكاشفين نومتهم .. قال سيدي قال عجبي

  20. أنا غايتوا كنت مفتكر بعد الثورة العظيمة التي قادها شباب السودان أن هذا الشعب تغير إلى الأبد ولم يعد مهتماً بالشخصيات وشيوخ القبائل والزعامات الطائفية ، ولكن يبدو أن إعتقادي كان خاطئاً فما رأيته في إستقبال الميرغني الطائفي وقبله إستقبال أيلا القبلي وما يفعله ترك في شرق السودان وغيره وغيره يدل بأن كثيراً من أفراد هذا الشعب رغم حصولهم على التعليم لازالو يمجدون بل ويخلقون لأنفسهم الزعامات أي زعامة ليعيشوا عبيداً لسادتهم أي كانوا .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى