شرطة غامبيا تلاحق فضل محمد خير
أعلنت السلطات بدولة غامبيا براءة”قسم الخالق بابكر”، من كلّ التهم الجنائية الموجهة ضدّه بخصوص اتّهامه بسرقة”10″ طائرات تتبع لشركة”ميد آفريكا أفيشن”.
وأعلنت أنّ رجل الأعمال السوداني”فضل محمد خير” قدّم مستندات مزوّرة في القضية، وأمرت مكتب”الإنتربول” في غامبيا بالقبض عليه.
وكشفت صحيفة اليوم التالي الصادرة، الخميس، عن أنّ السلطات الغامبية فتحت تحقيقات جنائية في القضية وتأكّد لها أنّ رجل الأعمال السوداني فضل محمد خير قدّم معلومات زائفة للموظفين الحكوميين في بلادها بما فيهم قوات الشرطة.
وشدّدت على القبض على فضل محمد خير بتعاون مكتب الإنتربول مع رصفائه في دولة الإمارات العربية المتحدة والمملكة العربية السعودية.
ونوّهت إلى أنّه يقيم في هذه البلدان، فيما أشارت صحيفة اليوم التالي إلى أنّه يقيم حاليًا في السودان، ونصحت الأطراف في القضية بتحويل الأمور المدنية إلى المحاكم في غامبيا، وأعلنت أنّ المسائل الجنائية المتعلّقة بالمستندات المزّورة التي قدّمها”فضل محمد خير” والاعتقال غير القانوني لـ”قسم الخالق بابكر” قيد التحقيق.
الكوز في اي مكان عبارة عن حراااااامي
لعنة الله تغشاهم
الله لابارك فيكم مد فى ايامكم يا كيزان السجم كيزان الرماد ولابارك فى الجاب الكوزنة السودان ان كان نبشتونا وشلتو حالنا لا أيدنا لا كراعنا ناس طيبين ومسالمين نخاف من الحرام منذ جدودنا الاوايل الذين أسسوا هذا البلد .. الواحد فيهم لو دخل فى معدته شئ شك فى حرمته يدخل يده حتى يستفرغه .. اسع جيتو أنتو سرقتو ماخليتو شى وكمان سرقتكم امتدت خارج الحدود .. فاضحننا خارج الحدود الله يفضحكم.. الله ينتقم من كان السبب .
كمان جابت ليها سرقة خارج السودان واشانة سمعة لانزه وانضف شعب في العالم يالكيزان!!!!!!! صحي الكوز كاءن ميؤوس منو.نودي وشنا وين حسع؟
اهم حاجه انو الاخ العزيز عبد الخالق انو طلع براااءه والله رحيم بعباااااده والكلاب الحرامي نشوف فيهم يوم يالله يا كريم يا قادر علي كل شيء ووصيه ل عبد الخالق بعد الأمور تكون تمام يا تكون قبلك في قامبيا أو تشوف بلد تطلب فيها حق اللجو والله يسهل عليك امورك لانو لو رجعت السودان اولااااد الحرام ديل حيودوك في داهيه وصيه لله اخوي عبد الخالق لا ترجع السودان نهاااااءي ولك مني الف تحيه