خالد السنابي
اقليم السودان الجغرافي الذي رسم حدوده الاستعمار البريطاني .الفرنسي , يشمل وادي النيل جنوب مصر ..دارفور.تشاد..النيجر.مالي. السنغال.
….كل من ينتمي لهذه الدول يحق له ان يكون سودانيا…!!!.
….المؤرخ الاغريقي الشهير هيروديت .كتب واصفا المنطقة التي تشمل (جزء كبير من مصر الحاليه والسودان واثيوبيا باثيوبيا) وتعني باللغة اليونانيه القديمه بلاد اصحاب البشره المحروقة…
….اوضح ذلك المؤرخ السوداني بروفسير احمد الياس قائلا :
….والي جانب هذا الاطلاق العام كان لاسم اثيوبيا عند اليونانيين معني خاص قصدوا به دولة السودان الحالية, فقد كانت لليونانيين ثم للبطالمه ثم للرومان علاقات مع مملكة كوش الثانيه في العصريين النبتي والمروي وكانوا يرجعون الي مملكة كوش الثانيه باسم اثيوبيا والي سكانها بالاثيوبيين اي السود او السودان, فقد ذكر هيروديت (Herodotus) ان المصريين يسكنون شمال اسوان والاثيوبيين يسكنون المناطق الواقعه جنوب اسوان…
زززما ذكرته اعلاه يوضح ان منطقة واتدي النيل والتي تشمل ((بلاد النوبه وكمت KEMIT او ما يعرف حاليا بمصر والتي استولي عليها الهكسوس والرومان والاغريق وغيروا التركيبة السكانيه فيها بعد ان دحروا وقضوا علي سكان تلك الديار الاصليين وهم الوشيين النوبيين وتم طردهم جنوبا ثناسل وتكاثر هولاء وكان نتاجهم هوسكان مصر الحاليين…)) والسودان الحالي ودولة اثيوبيا لا علاقة لهذه المنطقة الجغرافيه في التاريخ القديم بما اسماه المستعمر بلاد السودان..
… تم تقسيم منطقة السودان الي السودان الي السودان البريطاني والفرنسي .. تزامنا مع الهجمة الاستعماريه لنهب ثروات المنطقة التي فرض المستعمر فيها لغاته..
… تخلصت دول منطقة السودان من اسم السودان ,,عدا السودان ,,!! .
… سميت السنغال غلي نهر السنغال وووالنيجر علي نهر النيجر وتشاد علي نهر وبحيرة تشاد اما بلاد الحبشه (ABYSSINIA) كما كانت تعرف اصبحت اثيوبيا…
…واقي اسم السوودان لاصقا بنا بعد ان تخلصت منه كل دول السودان الجغرافي!!! .
…اما ان الاوان لتغيير اسم السودان ,,,ولنا خيارات عدة تشمل :
… جمهورية كوش
… جمهورية النيل.
….جمهورية النيليين.
… جمهورية وادي النيل ويطلق اسم كوشي او نيلي (نخب الشريت النيلي ,, مسمي الدارفوريين لنا) علي سكان المنطقه التي تشمل اللشماليه والوسط الشرق ام غربا وجنوبا ربما تشمل جزء من كردفان والنيل الازرق حسب رغبة سكان تلك المناطق .
اقسم بالله كنت اتكلم عن هذاالموضوع قبل قليل مع احدهم!!!
لكن اضف اقتراح لي ناس دارفور…وهومارايكم تنفصلومنناوعنناونخلي ليكم اسم السودان حلال عليكم وحنديكم خمسين الف جوال ذرة سنويآولمدة عشرة سنوات لحدي ماتحلوالدواس في تبشة
وكباية شاي وموتروتشوفوليكم شغلة!!!!ايه رايكككممم
كلمةاثيوبيا و كوش تعنيان بلاد السود و لم يتم تحديدهما بالسودان الحالي و اثيوبيا الجالية
كلمة السودان اطلقها العرب على البلاد التي تقع غرب البحر الاحمر و جنوب الصحراء الكبرى او جنوب مصر
نعم لتغيير اسم السودان لانه اسم منح لنا من المستعمر الوالد الغير الشرعي …وان الاوان ان نغيره … فقد اثبت انه اسمه عنصري .. وحظه سيئ …وبرضه نحن في حوجه تغيير العلم الشين ده …بواحد اكثر تعبيرا وتميزا
بمناسبه استقلالنا الحقيقي .. وولاده السودان الجديد 2023👌👌👌
اتفق مع الكاتب بأن كلمة السودان ليست إسماً بل صفة لبشرة السكان الذين يقطنون تلك الرقعة الجغرافية التي حددها في مقاله، وعليه يكون الأسواني سودانياً و نحن، من يسكن ما يسمى (السودان) حالياً، سودانيين، و الأحباش سودانيين و كذلك التشاديين و أهل النيجر و مالي و السنغال وكل سكان الدول جنوب الصحراء الذين يغلب عليهم اللون الأسود سودانيين.
و عليه لا بد من أن نبحث عن إسم حقيقي لهذه البلاد، و في نفس الوقت أرى أن ننتظر قليلاً حتى تتمزق هذه البلاد المنحوسة إلى عدة دويلات و كل دولة تختار ما يروق لها من الأسماء.
أن ننتظر قليلاً حتى تتمزق هذه البلاد المنحوسة إلى عدة دويلات
لن يحصل ابدا ما انت تتمناه
السودان فقط نحن سودانيين لا تغيير لاسم السودان ابدا
لييه ما نسميه الجمهورية البرهانية المسلحة
او جمهورية زنجستان البرهانية الشعبية العظمي ؟؟
البرهانيه طريقه صوفيه معروفه، ما فى داعى لزجها فى ما لا ناقه لها به ولا جمل
نسميهوا ( الحبشة ) اصلا كانت المنطقة كلها اسمها ارض الحبشة ونحن احباش والحضارة الحبشية هى الأقدم فى المنطقة ويجب أن نكون مع اثيوبيا دولة واحدة ودارفور تندمج مع تشاد فى دولة واحدة
حاجة قريبة فى الدنيا حبشى يطبل لحبشى !!!
على وزن اغنية القونة: حاجة قريبة فى الدنيا راجل يطبل للراجل !!!
و الله مصائب السودان من الاحباش الزيكم ديل و الموجودين بيناتنا و سارقين السنتنا!!
العميل الحبشى سيف العزل و اخوانه من ود العوض و مرواد الحقيقة و خالد السنابى و اشباهم ( ناس سودانى طافش) كل كتاباتهم تشجيع النبرة القبلية, الاساءة للقبائل السودانية, تشجيع العنف و التقاتل بين مكونات الشعب السودانى و الاساءة لكل ما يكتب عن التصالح و التشكيك فيه و الدعوات المستمرة لتقطيع الوطن الى جزيئات دائما ينادون: مرة بانفصال الشمال و مرة بفصل دارفور و اخرى اقليم الوسط !
كل ذلك خدمة لعيون مخابرات الامهرة لان عينهم على الشرق و كذلك النيل الازرق!
على حسب ما قرات في احدى المقالات خارج الراكوبة
انو السودان في اللغة النوبية معناها مخلوط
يعني بين بشرة بيضاء و بشرة سوداء
رايي الشخصي
لا اتفق معاك في الموضوع ده
لانو اسم السودان اترسخ في مخ كثير من السودانيين
ده رايي
و تحياتي
جنوب السودان برضو كان اترسخ ، وغنو فيهو و ليهو، وإشعار وكلام كتير ، لا تعول على ذلك يا صديقى ، فلا ثابت من كل هذا شىء،
هذا موضوع انصرافي، لكون المشكله ليست في اسم السودان بل في حاله .
يا اخو خلينا نتشطر على الأمور الانصرافيه دى(البردعه) ، اصلا الجاده ما بنقدر عليها ولا قدرنا من قبل ،
دا زي قصة الزول المشلخ … وهو جليل على جرم صاحبه … يحاول ان يتخلص من التشليخ على انه ليس بمجرما لكن لا مفر قد التصق بك الاسم فلا محاولة بعدها … مالمشكلة في اسم السودان … المشكلة في الفقر الذي يعيشه السودان فلو كان السودان بلدا متطورا مثل البلاد الاخرى … تجدهم يعتزو بالاسم.
يا سلطان ، خلينا نغير ، و الشلوخ بتروح لو دقيقه
السؤال ماذا نستفيد من تغيير الاسم؟ هل سيتغير حالنا للأفضل ام مجرد اسم جديد والسلام؟
انتو يا طير حكومة ما قادرين تسووها عاوزين تغيروا اسم السودان؟ كدا غير العلم بتاع القوميين العرب دا ولا عاوزين تسموه الجمهورية العربية المتحدة على وزن الامارات العربية المتحدة
وبعد تغيير الاسم سيضحك عليكم العرب …
وسوف تتوالي النكات والتحشيش والضقضقة علي بلادة وكسل السودانين ..
“السودانين غيروا اسم بلدهم ؟ ليش ؟ عشان الاسم القديم طويييل .. يتعبهم فى النطق ..
وليش ؟؟؟ عشان ما يقولون عليهم عبيد !!
وايش حصل …
والله يا ربع هم هم ..راحت عليهم برضهم لسه عبيد !!”
للخجلانين من قصة اسود وسودان وعامله ليه عقد وانفصام مزمن
ما رايكم يا مستلبين فى الاسم الجديد:
جمهورية كوزنستان الموزية الميليشياوية ..
وليحكمها الي الابد فلول بني كوز وقردة الموز وعبدة البوت والارادلةوالجنجويد ..
وهل إذا بقينا تحت رحمة حميتي وصعاليك دارفور وعنصرية صعاليك الفضاء الاسفيري من السادة المهمشين سنتخلص من بني كوز والحركات الإسلامية عليك ان تعرف ان حكومة الحركة الإسلامية البغيضة من اتي بها الكيزان الدارفوريون عديل كدة. هل تعلم ان ذلك نحن ذقنا المرارات من الدارفوريين ثلاث مرات الاولى عندما استولت الحركة الإسلامية البغيضة السلطة وتحكم فينا كيزان دارفور وكانوا هم جنود التعذيب وبيوت الاشباح. والمرة الثانية عندما ولجوا للمعارضة واستخدموا السلاح ضد مواطنيهم.
والمرة الثالثة عندما وقعوا نفاق جوبا ليبقى سيفا مسلطا علينا وعلينا ان ندفع من فقرنا المدقع 750 مليون دولار سنويا عبارة عن غرامة لجريمة لم نرتكبها.
فتقسيم الوطن افضل مائة مرة من العيش مع قوم يبغضوننا لهذا الحد.
يكفينا ان حميتي التشادي الحاقد الجاهل بسبب دارفور أصبح مجرد وجوده سبة لنا وعار علينا.
السودان غصبا عنك يا بليد، لو ما عاجبك الاسم اشرب البحر.لو فعلا عايز تغير اسم البلد لازم يكون في استفتاء. انا قايل التغيير ساااهل كدا، الظاهر خيالك المريض خلاك تحلم انك ممكن تغير اسم بلد فيهو اكتر من ٤٠ مليون بمجرد مقال.
هل تجرؤ على وصف الاستاذ السنابي بالغبي يبدو انك من الغباء بحيث لم تعرف معنى غبي حتى الان.
هذا ليس مقالا فحسب ايها الغبي هذا راي اصبح ينمو ويتبلور بشدة عندنا في الشمال وسنفصل دارفور من بلدنا وليس كل البلد دارفور بل كل البلد إلا دارفور. بعدين تغيير اسم السودان باستفتاء هل مملكة دارفور ستخوض هذا الاستفتاء حتى لو جرى استفتاء فلن تكون دارفور وجنوب النيل الازرق وجنوب كردفان جزء منه. السودان سكانه ليس 40 مليون ما تحسب مواطني دارفور الذين قمنا نحن اهل الشريط النيلي بتهميشهم وقتلهم وسحلهم.
سنفصل دارفور طال الزمن ام قصر، حتى لانكرر معهم اخطائنا السابقة.
اول حاجة امشي حل مشاكل البلد بعدين اتكلم عن تغيير اسم السودان ، الكاتب غبي بمعني الكلمة لانو يدعوا للعنصرية والعنصرية نتنة يا نتن ، السودان كان وسيظل موحد غصبا عنك وعن كاتب المقال الغبي . بدل التحدث عن تغيير اسم السودان من الافضل التحدث عن كيفية تخليص البلد من حكم العسكر والجنجويد. وشئ اخر، كون الجنجويد وبعض الحركات المسلحة خونة فذلك لا يعني ان كل من في دارفور تقف في صف هولاء المرتزقة، معظم موقعي الاتفاقية جاءوا من اجل مصالح شخصية او حزبية، والخيانة والعمالة في السياسة لا تخلو من جميع الاحزاب السودانية الا من رحم ربي، انظر مثلا للحزب الاتحادي الديموقراطي وغيره من احزاب العمالة كل همها ان تحكم وليس الا. فعشان كدا من الافضل نترك القضايا الانصرافية ونعمل علي مواجهة القضايا المصيرية ، فالحقد والكراهية لن تقود الي حل ابدا. انا سوداني واعتز بذلك، دارفور بلدي والشمالية اهلي والشرق احبابي وكل البلد في قلبي.