شهب ونيازك
كمال كرار
رغم أن لقب باشا وبك وبيه اقترنت بالأتراك والمصريين سواء أكانوا حاشية للملوك والأمراء أو تنابلة وكسارين تلج، إلا أن بلادنا شهدت باشوات وبهوات تطلق أسماؤهم على شوارع الخرطوم حتى الآن.. رغم أنهم نالوا لقبهم بسبب وفائهم للمستعمر وتنكرهم لبني جلدتهم .
مناسبة هذا الكلام أن باشوات زمان يخرجون اليوم في نسخة جديدة عنوانها التسوية واسم الدلع الاتفاق الإطاري، وإن كان القدماء يتلقون الأوامر من الباب العالي وهو السلطان التركي، فالجدد يتلقون نفس الأوامر من قصور السفراء الأجانب.. يالهم من عملاء ..
التسوية مع من ولأجل ماذا؟ هذا السؤال هو الحد الفاصل بين الثورة وأعدائها، بين المناضلين والخونة، بين الشهداء وبائعي الدم، بين الوطنيين والعملاء..
الباشوات الجدد يوقعون غدا علي عقود بيع الثورة للجنرالات وأصحاب العقالات، ومن قبلهم باع (ود علي) عثمان دقنة للأعداء، ولكن الثورة المستمرة التي روتها دماء الشهداء لن تباع، وستنتصر والحساب قادم ومصير الطغاة معروف.
وبالعودة لشوكت باشا فهو حرامي وانتهازي كما عرضه فيلم (دسوقي أفندي في المصيف)، وهو فيلم يجسد الصراع بين القديم والحديث، والشريف واللص، والوعي واللاوعي.. وبصراحة فإن المدعو شوكت باشا هو التسونجي بالكاكي أو البدلة والعمة والقفطان ..
يا أيها الثوار كونوا في الموعد…
لا تفاوض لا شراكة لا شرعية…
تحيا لاءات الثورة وتنتصر؛
وتسقط الخيانة والتسوية..
وأي كوز مالو؟
الميدان
الحذر من النسونجية اوجب واهم
كلام فارغ…. المأساة هي أن أمثالك يتحدثون باسم ما كان حزباً سياسياً عظيماً في تاريخ السودان
التخوين والعمالة صفه ونعت قبيح وتلطيخ لشرف الشخص ومذلة لعائلته ولا يجب أن تطلب عشوائية وبدون دليل تقدمه للقارئ والعاشر دون مسوغات ووثائق ويستق كاتبها المسائلة القانونية وصفة عدم المصداقية تسبقه
مرحبا بالحزب الشيوعي السوداني جناح (الفلول)
يا كمال كرار .. انتوا كحزب شيوعي ما بتقدروا تقعدوا مع الآخرين ديل او بصيغة اخرى الاحزاب دي ما بتقدر تقعد مع بعض و تتحاور و تتشاور وتصل لنقطة او حد ادنى من الاتفاق و توحيد كلمتها وترمي خلافاتها ورا وتصفى النية لمواجهة العسكر وحل هذا المعادلة (الصفرية) و تتحل البلد الحال الواقف ده ؟؟
هل دي مشكلة ؟ ورونا نحن المواطنين المساكين الجيعانين ديل عشان نقنع ونشوف لينا بلد تانية غير دي ده لو لقينا اصلاً .
و لو الامر ده مشكلة وصعب .. في شنو تلوموا العسكر او الانقلابيين و الفلول و الكيزان .
لمتين حنظل متنافرين كدا ولي وين وانتو شايفين الحل حيكون شنو ؟
اعتراض فقط ، تخوين فقط ، بيانات فقط ، مقالات وتسفيه فقط ، وهل ديل كلها بتأكل عيش وبتحل مشكلتنا العويصة دي ؟
ومنو الخطأ ومنو الصح ومنو الخاين ومنو الما خاين ووطني و حريص على البلد ؟
يا ناس يا احزاب يا عسكر يا سياسيين وقادة .. الناس حولنا – ما بنتكلم عن اوروبا – مشوا كتير لقدام و فاااااتوا و حلوا مشاكلهم بإتفاقهم وتفاهمهم و هم الآن ي طور الرفاهية في الوقت الذي لازالت بلادنا بلا ماء و كهرباء في هذا القرن !!!!!