*مانسينا مافيا السجائر
*لكن منتظرين صور بعض المواضيع
*فتصور؟
*حانعود لمافيا السجائر في السودان أخطر المافيات في العالم
*من بكره حانواصل
*المهم
*نحنا في السودان عندنا اتنين برهان
*ما استفدنا ولا من واحد فيهما
*لأننا ماختينا البرهان المناسب في الكرسي المناسب
*البرهان كالعادة ضيع السودان
*انتهى مننا
*مدغشقر اليادوبك بتتاتي
*طلاق تلاتة من قولة تيت
*لانو برهان المنتخب ماقاعد في الكرسي المناسب
*الدولار ماشي على ستمية
*لانو برهان السيادي ماقاعد في الكرسي المناسب
*نحنا نستفيد من البرهانين بوضع البرهان المناسب في الكرسي المناسب
*نجيب برهان السيادة ونختو في كرسي المدير الفني للمنتخب
*وبكده نضمن مرمانا مترس بحاويات لاتسمح للكرة بالعبور لمرمانا
*ويقف وقتها سيل هزائم المنتخب
*ونجيب برهان المنتخب نختو في كرسي السيادة
*وبكده نضمن انو أي مواطن يمكنه أن يمثل السودان أو يمثل بالسودان
*فالأمر سيان
*أسي موش برهان المنتخب أتاح فرصة المشاركة لكل من هب ودب طالما كان حاملاً للجواز السوداني؟
*يبقى خلاس حايتيح الفرصة لأي سوداني يبرطع في ردهات القصر زي ماداير طالما كان سوداني وخليك سوداني
*إذن
*لتتغير هزائم السودان السياسية والرياضية لانتصارات مدوية
*ماعلينا إلا نقلب البرهانين
*يوم نقلبهم ده يوم المنى
*الحكم الرابع موضوعو هين
*ماتغشكم القشرة دي
*المهم
*حانعود لمافيا السجائر
*بلد دولارها يتحدد كماً وكيفاً بشرق النيل
*وسعر برنجيها بتحدد في سوق أمدرمان مافي الشركة
*معقولة بس
*دي بلد؟
*قلت ليكم نستفيد من البرهانين ونقلبهم
*ماصدقتوني
*أها
*موضوع المخدرات حصل ليهو شنو؟؟؟
*الدولة عملت شنو؟؟؟
*سيبك من الدولة
*لجان المقاومة العليها الرك عملت شنو؟؟؟؟
*لا للمخدرات
*لا للاستهبالات
*لا لأي حجر يعرقل التحول الديمقراطي بالكامل
*أها
*نجي لي شمارات والي الخرتوم
*كان شفت ياوالينا
*طفح الكيل وفاض بينا
*كلو محلية لازم تبقى دولة
*وكلو حلة لازم تبقى ولاية في دولة
*وكلو بيت يبقى وزارة تقدم خدماتها لينا
*لاننا منكم قنعنا يا والينا
شمارات الكلب
ننساك كيف والكلب قال كلو بيت يبقى دولة وننتهي من القصة دي.
وإلى لقاء
الحراك السياسي
