المبعوثون الدوليون لوزير الخارجية: سنفرج عن العون التنموي والمساعدات بعد تكوين الحكومة المدنية
التقى السفير علي الصادق وزير الخارجية المكلف اليوم بالمبعوثين الخاصين لبريطانيا، المانيا، فرنسا، النرويج، الاتحاد الاوربي ونائب المبعوث الامريكي.
وقدم الوزير شرحا عن الاوضاع السياسية والاقتصادية بالبلاد والحوار السياسي الجاري حاليا بقيادة الآلية الثلاثية وضرورة اتفاق الاحزاب السياسية والمشاركين في العملية السياسية علي وثيقة تؤدي الى تكوين حكومة مدنية لمواصلة الانتقال الديمقراطي وإدارة البلاد الى حين اجراء الانتخابات العامة.
وتطرق الوزير الى حاجة المواطن السوداني لإستئناف العون التنموي والمساعدات الانسانية الغربية، وفتح منافذ التمويل العالمية في ظل التحديات الاقتصادية الراهنة.
وقال الوزير “لوكالة السودان للأنباء” إنه بحث مع المبعوثين موضوع الحوار الاستراتيجي بين السودان والدول الاوروبية، كما تطرق الى رغبة الحكومة السودانية في انهاء قرار مجلس الامن الدولي 1591 بشأن دارفور نظرا لتغير الاوضاع في دارفور من تاريخ إصدار القرار وحتى الآن بما في ذلك الوضع الانساني واوضاع حقوق الانسان.
وقدم الوزير شرحا عن دور السودان في ارساء دعائم الاستقرار الاقليمي من خلال رئاسته للايقاد واشرافه على تنفيذ اتفاقية السلام في جنوب السودان وبسط الامن والاستقرار على طول الحدود مع تشاد وافريقيا الوسطي وكذلك التفاوض الايجابي في الصومال واثيوبيا.
ومن جانبهم تحدث المبعوثون عن اهمية السودان في المنطقة وضرورة استعادة النظام الديمقراطي والحكم المدني والآمال التي تعقدها هذه الدول على السودان في محاربة الارهاب وتحقيق الاستقرار في الساحل والصحراء والقرن الافريقي .
وأكدوا انهم سيفرجون عن العون التنموي والمساعدات ويواصلون الحوار الاستراتيجي مع السودان مباشرة بعد تكوين الحكومة المدنية.
سونا
الجزرة والحمار –
صاح و الله الجزرة و الحمير فعلا.
الله يخيبكم يالسياسيين.. في شحدة أسوأ من كده.. ان شاء الله باسمكم وليس باسمنا.
ههههه قال شنو سوف سيفرجون عن العون التنموي والمساعدات مباشرة بعد تكوين الحكومة المدنية.) ديل كرور ساكت لامهم فولكر عشان يخوف بيهم البرهان وحميدتي ومافي واحد فيهم مهم من الستة مبعوثين ديل هل في واحد منهم وزير او شئ كبير في بلده وتلقي ذاتو دولتهم لم ترسلهم وارسلهم فولكر علي حساب الامم المتحدة وطائرة الامم المتحدة وهي من بتدفع ليهم تكاليف الرحلة هووووي ها ياالبرهان وحميدتي قولو ليهم نحن عاوزين وزارء يجو عشان نتفاهم معاهم مش كرور ماليهم كلمة او وزن واحسن تركزوا مع وزير الخارجي الروسي اكثر من الكرور ديل لانو مهم اكثر منهم واحتمال هم جاءوا في التوقيت دا عشان خاطر زيارة وزير روسي
والله صحي ست شاي..؟!.. مع تقديري واحترامي واعتذاري لستات الشاي الأصليين… هل سمعت يومآ بأن روسيا او الصين دعمت دوله حتى وقفت على رجليها..؟!
طبعا حيتم معايرتكم بالشحدة وكمان حيمرروا القرارات الهم عايزنها وحاترهنوا مقدرات البلد للخارج الفقر والعوز مش عيب وأسوأ من الوقوف عند الأبواب للشحدة عيب عليكم السودان دولة عزيزة وشعبها أبي ما تمرمطوا كرامتنا عشان تشحدوا القروش باسم الشهب السودان ثم تنهبوا القروش وتملوا بيها كروشكم وتمرقوا حساباتكم بالخارج نرفض الشحدة والاستجداء والذلة واليد الدنيا عيب البتعملوا فيهو ده ترهنوا البلد للخارج عشان يشحدكم ويديكم
أكاذيب ووعود وهمية هذه الدول تعاني اقتصاديا
نفس الكذب الفات بداية حكم قحت المركزي وبعد فشلهم
قام المغفلون برفع شعار صفري عدمي غبي وهو الجوع الجوع ولا الكيزان طبعا قحت المركزي بعد أن شبعت من المال الحرام رفعت هذا الشعار وجاع الشعب واستمروا فيه حتى آخر أيامهم لااعادهم الله ابدا
وهاهي نفس الجهات الغربية تروج لنفس الأكاذيب مجددا
مقابل تركها تنهب ثروات السودان مقابل تقديم تفاهات ووعود كذوبة كهذه
يحضرني هنا أكاذيب الفكي منقة حينما كان يصرح
بلايين جاية من امريكا ولم يصل منها قرش واحد والباقي
لبسوه كرفتتات وانفينتي على حساب الشعب
حلوة المدنية مش كدة
و بعد تكوين الحكومة المدنية. حيمرقوا ليهم بدريبات ثانية و في النهاية ما حنطلع منهم بقرش و لكن احتمال شوية ملاليم ما بتجيب حق الشحدة
تعليقات دليل وعي و وطنية ..لم نفقد الامل في شعبنا رغم الصوت العالي للعملاء و الجواسيس مزدوجي الجنسيات.
على الصادق لا يزال يكذب كعادته..الأوضاع فى دارفور آمنة..يا راجل يا افاك….هل تغيرت معانى اللغة….سبحان الله
ما تثق في كلام الكوز كله كذب في كذب ، والله تلحق تفك ليه مليم واحد تاني ما تشوف إلا الكوز البرهان منفذ وعد أبوه