تأسف “مبارك اردول” بخصوص ما تعرض له “علي عسكوري” في اجتماع المبعوثين الدوليين.
وقال أردول إن ما حدث لم يكن بالشكل الذي تم تداوله. وواصل .. الحقيقة تمت دعوتنا في التحالف الديموقراطي للعدالة الاجتماعية لهذا الاجتماع عبر السفير النرويجي السيد “اندريه ستينسن” يوم ثمانية فبراير الماضي ليكون اللقاء يوم التاسع من فبراير ٢٠٢٣م بمنزله بنمرة اثنين ضمن احزاب الحرية والتغيير- الكتلة الديموقراطية، وحقيقة نسبة لسفري الطويل من القاهرة حتى الكيب تاون لم تكن خدمة الاتصال متوفرة ونسبة لتاخري بالسفر وارهاقي بالعمل أيام ورشة القاهرة، وصلت مقر الاقامة ووصلت هاتفي بالإنترنت فوجدت الدعوة من السفير مباشرة.
وأضاف اردول قائلا: نسبة للتقسيم الداخلي المسبق في ملف العلاقات الخارجية بتولى الرفيق عسكوري ملف افريقيا واسيا وتكليفي المسبق بادارة ملف التواصل مع اوروبا وامريكا قررت تفويض الرفيقة عالية حسن ابونا نائب رئيس المكتب القيادي لحضور الاجتماع نيابة عني لما فيه من ميزات اضافية علينا، اولا لكونها امراة.
وزاد: كنت اعلم ان الوفد يخلو من الجندر وثانيا نريد تقديم وجوه غير مكرره غيري وغير الرفيق عسكوري في التحالف، وهذا كان الدافع الوحيد لا شي غيره، ولان الاتفاق المسبق بالتكليف في التحالف لم يتغير لم يخطر ببالي اخبار الرفيق عسكوري بتفويض الاستاذة عليا
وعليه انا اتحمل نتيجة خطائي بالاخطار كاملة.
واوضح اردول ان ما حدث مجرد سوء تنسيق منه ليس هناك يد لعسكوري ولا للسفير اندريه.
ياسيد ناس ماقادرين ينسقو مع بعض (وده حسب روايتهم هم) كيف يقدرو ينسقو بلد ويسوقو شعب كامل.
???????????????? اردول كضاب pic.twitter.com/0MdFW7quAj— ???????????????????? (@gVZih9JXVW0jazQ) February 11, 2023
اعتذر مبارك اردول للراي العام والربكة التي حدثت ، وخاصة لعضوية التحالف ولاحزاب الكتلة الديموقراطية للحرج الذي لحق بهم نتاج ذلك .
وجزم اردول بان النرويج دولة مهمة لايمكن نسيان جميلها الذي قدمته لهكو منذ ان كانو في الحركة الشعبية ايام الكفاح المسلح عبر دعمها لمفاوضات السلام في بيرغن استوك وتوقيع اتفاقية وقف اطلاق النار بجبال النوبة ودعمها الاتفاقية التي حفظت اهلنا من حرب الجهاد والابادة التي تعرضوا لها وايضا عبر لجنتهم المعنية بمراقبة وقف اطلاق النار بقيادة الجنرال ويلهامسون وفريق عمله ، وكذلك في مفاوضات سلام نيفاشا عبر الوزيرة هيلدا جونسون وذكر ايضا مؤتمر المانحين في اوسلو ٢٠٠٥م قدمت النرَويج والدنمارك مساعدات كبيرة في مشروع ازالة الالغام بمناطق الحرب
وجزم أردول بان هذة الاحداث العابرة لن تؤثر على علاقات تم بناؤها طيلة السنوات الماضية.
الرفيقه عاليه حسن أبونا لك التحيه و الإحترام و بعد.
الشعب السودانى كله يرفض عدم إعلامك و تجهيزك للقيام بمهام معقده و شاقه تخص مستقبل البلد و حكايه اردول نسى يجهزك و نضيف عليها إنو كان حايم بالجو و ما عندو خط دى ما بتحله بل بتوضح إنو بفتش لى كضب يغطى بيه المكشوف من فضيحه طرد عسكورى من خشم الباب.ياخى دى تحضيرات ما ممكن تتم فى آخر لحظه لنفترض إنو تلفونك اشتغل اها كان بيحصل شنو … تتصل بى عسكورى و تقول ليه يا فرده ماتمشى الإجتماع خلى بت أبونا تمشى … ده لعب كمبلت ساى
اردول واحد كاذب وماعندوا زمة ومفروض يقفل خشمة ومايدافع عن الغلط خلي صاحب القضية يتكلم ويقول الحقيقة وياخذو حقو من الاعتزار والانصاف وخلي العالم يسمع عن عنصرية السفراء انت قفل خمشك يا اردول مافي زول سالك يامنافق واذا انت رئيس الحزب مفروض تستقيل وتخلي واحد بطل مثل عسكوري يبقي الرئيس لانو لايخاف لاومو لائم مش مثلك يا اردول جبان ولاتهتم اذا طردوك لانو يبدوا انك ماعندك كرامة وانو مامشكلة عندك اذا اهناكو او طردوك
كلام الطير في الباقير
ورجغ ورجغ ورجغ
وما شرحت اي حاجة
هل عالية حضرت الاجتماع؟
هل دي أول مرة يتم طرد المتطفل عسكوري؟
برضو عالية لو جاءت كان طردوها
غايتو يا أردلة انت مفتكر السياسة دى غلاط بس؟
الرفيق والرفيقة
كمان على العليكم تسمون بعضكم بالرفيق
رفيقك وين ما تقول لى فى الجنة
والله انتم دنياكم نار واخرتكم نار
يا الرفيق اردول
الروس اصحاب اللحم والرأس تركوها لمان انتو تمسكتم بها
لعنة الله تغشاكم انفصال بي ي اردول
اعلان الجمهورية السنارية هو الحل
انتم ترفضون التوافق والتقارب مع اولاد بلدكم تسافرون للعدو المصرى الذى يحتل بلادكم ثم تهرولون على السفارات الأجنبية دون اى دعوة وتطردون وتقول انا السبب انت ذاتك لو مشيت السفارة النرويجية كنت طرد
دا مستوي زول عامل فيها دبلوماسي ومفكر استراتيجي..دا مستوي فهم يرقي ل مدير مدرسة خلي مدير شركة تعدين تحت يدو مليارات الاطنان والدولارات..دا مستوي زول عامل فيها سياسي..شنو انا كنت مسافر وجيت تعبان وكللفت فلانة وقالت بتمشي الاجتماع ونسيت اكلم عسكوري انو اختنا فلانة ماشة بدلك..ونسيت م كنت شاحن تلفوني لا كهربا لا نت..ياخ ارحمونا مستوي بسيط جدا لادارة روضة خلي دولة..السودان باي باي بالجد
احمد البلال الطيب من أعظم المعرسين السودانيين يعرف جيدا أساليب المعرسه والمنجكه والتسلق. يجب القبض عليه قبل اردول وعسكورى.
ناس همها فاضي الموضوع لا يقدم ولا ياخر.. ليهو حق البرهان يرقصكم كلكم عشرة بلدي.
دي ذكرتني الرفيقه الدادا ام عطيات بتاعة عادل امام في فيلم السفاره في العماره
يااااخ بالله قوم لف بلا رفيق بلا وهم معاك
ارزقيه عواطليه
ليكم يوم يا اولاد الهرمه
جربندية و سبهللية وفقدان مؤسسية قال نسيت قال ده مصير وطن دفع فيه الشباب الغالي و ليس الورش السياحية في فنادق ٥ نجوم و خمسة طويلة.