خليل محمد سليمان
“المكبش ما بكاتل” او “ما بقاتل” مثل سوداني ، من ثقافة اهلنا في البادية..
المعني..
الخروف لما يربطوا ليهو بيوضو بقولوا عليهو مَكبش ، او مخصي ، ما الإخصاء بتاعت التور هجم ديك! .
بالبلدي كدا “المخصي معناها الضكر “ الذكر” الما عندو حاجة” .
حميدتي يقصد كباشي ، والبرهان ، وبقية ما يسمون انفسهم بقادة القوات المسلحة، وما ادراك ما الصراع الذي اصبح علي قارعة الطريق..
المكبش او المخصي ما عندو حاجة يكاتل عشانها.
بمعني..
في عالم الحيوانات تتصارع الذكور ، لإثبات السيطرة ، والقيادة..
في عالم الخرفان تكون المعارك بالنطح حتي تنتهي المعركة بخسارة طرف بالموت ، او الهروب ، حيث تكون السيطرة للمنتصر ، ويبقى المهزوم كبقية قطيع النعاج ، لا يهش ، ولا ينش.
قلناها مليون مرة ، حميدتي عارف الرابطين بيضاتو منو ، والمخصي منو ، وانا عارف النعجة منو..
انواع التكبيش اثنين..
* تكبيش داخلي ، يعني زيتنا في بيتنا ، بالمصري زيتنا في دقيقنا ، يعني الجنجويد يربطوك بالحبال ، ويدقوك دق العيش مافي مكبش ، اقصد زول بسأل فيك..
* تكبيش خارجي ، ودا اخطر انواع التكبيش ، يعني ربطتو ما فيها نفس ، إلا تمشي كوبر ، تلحق المخلوع ، بعد داك نفتش تحت سريرك! .
كسرة..
لسان حال حميدتي “ شوفو ليكم حاجة تانية ناسكم ديل ما فوكم راجل..
قالها قبل كدا “لما تعملوا ليكم جيش تعالوا اتكلموا” .
حقيقة الراجل ما قصر .. الزمن داك كان حايم في الحراية!! .
كسرة ، ونص..
قبل كدة قال ليكم مافيكم زول كارب قاشو ، وما ادراك ما نميري ، لو ناسيين اذكركم! .
كسرة ، وتلاتة ارباع..
كضباشي الدعم السريع دا الح يدمجو منو؟ .
انت ، وبقية النعاج ، والمكبشين ، قادة سودان الغفلة ، والجيش ، كان إنتو رجال طلعوا إشارة قولوا فيها يُدمج الدعم السريع في الجيش!! .
اخيراً..
الكيزان اسيادكم بهدربوا 30 سنة في النهاية ذهب مشروعهم الحضاري الي احط منازل التاريخ.
كضباشي .. المشروع الحضاري قد قُبر ، لا يمكنك ان تنفخ فيه الروح ، فسادته ، وقادته في كوبر ، تجري تحتهم البلاعات ، والقاذورات .. اسأل فار الفحم..
قال ليك لا تعضي النعجة ، ولا تخلي النعجة تعضيك..
نأسف لهذا الشرح الذي كان لابد منه ، حتي نتعرف علي مقاصد ، ومعاني الرجل الاقوى في المسرح العبثي ، دولة المكبشين ، والمخصيين ، والمليشيات ، ولوردات الحرب..
انا ما قدمت حاجة من عندي ، أللهم شرحت ما قاله الرجل بكل شفافية ، وشيئ من الحياء!!! .
شكرا للشرح الوافي يا ساعتك خليل … دوب وقع لي كلام الجنجويدي ومدي الاستهانة والهوان الذي حاق بمراكيب عسكر الكيزان ..
فعلا المكبش ما بكاتل ؟؟!!
ومع استمرار مسلسل المطاعنات ما علينا الا الفرجة والاستمتاع بالعوة …
واخيرـ … نحن ابناء الشعب الصابر الصامد نطالب الطرفين بعدم ضبط النفس !!
حقائق مؤلمة
ما ذكرته يا سعادتك حقائق مؤلمة تحرق كل من رفع التمام من الصف او تشرف بالتخرج من مصنع الرجال و عرين الابطال
هل تسطيع قيادة الجيش دمج الدعم السريع بالعديل كده ما بالدس
يعني عينك فوقه و تركب فوقه
غايتو حكاية دمج الدعم السريع دى
زي قصة الفيران الاجتمعو وقالوا عايزين
فأر مقرم يشيل الجرس ده ويعلقو في رقبة الكديس المجننم
عشان يتضارو لمن يجي،، سيك سيك وعيك عيك كلم وافقو
في النهايه الاجتماع والهيصة طرشقت،، لانو ما في فأر ود مقنعة
يشيلو حيلو عشان يقابض في الكديس،،، ده حال فيران المؤسسة العسكرية
يا له من وصف (فيران المؤسسه العسكريه)
لماذا كل هذا التهاتر والالفاظ التي تعبر عن القبح يا أبناء المؤسسه العسكريه
أن الكيزان بئيسون اخرجوهم من المؤسسه حتى تبرأ جراحها وكفى
اتفق مع اخي محسن هادي ليس من الذوق وحسن الخلق ان ينزلق الناس الى التهاتر واستخدام الفاظ قبيحة ببضع ابناء المؤسسة العسكرية مهما اختلفنا معهم. وانا استغرب حقيقة ان يصدر هذا الكلام من الاستاذ خليل بوصفه ضابط سابق بالقوات المسلحة. مهما بلغ الاختلاف بين الناس لا يجب ان ينحدر لهذا المستوى. اقول هذا الكلام وانا من اشد المعارضين لحكم العسكر ويشهد الله على ما اقول بل وقدمت الكثير من المداخلات التي تؤكد كلامي لكني ارفض اسلوب “يونس محمود” الذي لا يشبهنا كسودانيين. نختلف ونتخاصم لكننا لا نفجر في الخصومة. هذا ليس من طبعنا كسودانيين مع كل احترامي للجميع.
الأعزاء, لم يصدر هذا الكلام من سعادتو خليل, بل تكرم بشرح وتوضيح كلام حميدتي رغم قساوته حتي عليه هو باعتباره ضابطا سابقا وأحد أبناء المؤسسة العسكرية, لعل هذه القسوة تحي بعض من ماتت قلوبهم. أدناه ما ختم به…
(نأسف لهذا الشرح الذي كان لابد منه ، حتي نتعرف علي مقاصد ، ومعاني الرجل الاقوى في المسرح العبثي ، دولة المكبشين ، والمخصيين ، والمليشيات ، ولوردات الحرب..
انا ما قدمت حاجة من عندي ، أللهم شرحت ما قاله الرجل بكل شفافية ، وشيئ من الحياء!!! )
حواء والدة . في الأرجل من قبيلة حميدتي كلها فكوا الكيزان بوريكم البيان بالعمل ثلاثين سنة ما قادرين تفرفروا . فعلا بلدن مافيها التمساح يقلد فيها الورل خلي حميدتي ما يلعب بالألفاظ عشان ما تجيهو صادة
القال ليك منو يا اغبش الثلاثين سنة ما في زول قادر يفرفر؟ مافي شعب في الدنيا واجه وقاوم واسقط الطغيان مثل الشعب السوداني. الجنوبيين كانوا رجال قاتلوا واخدوا حقهم بيدهم. وبقية رجال وشباب السودان قاتلوا في دارفور وجبال النوبة والانقسنا والنيل الازرق والشرق والشمالية وفي وسط السودان. الخطط الامنية اللي وضعتها حكومة المهووسين من بني كوز على الورق وطبقتها على الارض ابتداء من تكوين الدفاع الشعبي وحتى مقرات الامن الشامل في الاحياء كانت محكمة لدرجة يستحيل معها نظريا مواجهة النظام خليك عن مواجهته. بل الخطط الامنية والموارد اللي خصصت ليها كانت مهولة لدرجة حتى طالبان تتواضع امامها لكنه الشعب السوداني العظيم الجبار معلم الشعوب. مشكلتكم يا كيزان – الاغبش منكم وغير الاغبش – انكم واجهتوا شعب معلم انتوا ما بتشبهوه وافتكرتوا انكم قادرين على تدجين الشعب السودان وبلغ بيكم الوهم لدرجة تبجح معها الخسيس على عثمان محمد طه بأنكم جيتوا – لإعادة صياغة الشعب السوداني – فإذا بالشعب السودان يقلنكم درس لن تنسوه ويقذف بكم الى حيث تنتموا بحق – مزبلة التاريخ -. وان عدتم فحيكون الشعب السوداني العظيم ليكم بالمرصاد. قال ما حنسلمها الى لعيسى. اللي حتسلموها لعيسى هي كتابكم الملىء بجرائمكم وسرقاتكم وخساستكم على بني وطنكم وضعفكم وخواركم امام الغريب وما حلايب والفشقة ببعيد. لن اقول لك أبعد “الغبشة” من عينيك لان اعمى البصر والبصيرة لا فائدة منه. اما السودان الوطن فسوف ينهض بإذن الله اقرب مما تتصور وسيغدوا ماردا مهابا وعملاقا اقتصاديا يشار اليها بالبنان مهما حاولتوا عرقلته. وبالنسبة لكم فسوف تطاركم اللعنان الى يوم الدين. احسن تخليها مستورة يا … اغبش.
يخلو شكل الملكيين والجري ورا الجكس لمنو ؟
الدبابين موجودين ما نايمين قولوا لحميدتي اتقرع الموية الحار ما لعب قعوي
الدبابين موجودين ما نايمين قولوا لحميدتي اتقرع الموية الحار ما لعب قعوي
حرية سلام عدالة هههههههههه
أنشر التعليق