بعد الهجوم عليه بسبب إحياءه حفل (الفلنتاين) بالخرطوم .. مذيعة سودانية تدافع عن الفنان السوري سامو زين
الخرطوم / الراكوبة
دافعت المذيعة السودانية الريان الظاهر في صفحتها بالفيس بوك عن الفنان السوري سامو زين بعد الهجوم عليه بسبب إحياءه حفل عيد الحب بالخرطوم ومازال أهله تحت أنقاض الزلزال
:( بالنسبة للناس اللي بتقول في زلزال في سوريا مفروض سامو زين يعتذر ،طيب أنت عارف الإتفاق بينه وبين الجهة المنظمة للحفل على اليوم المحدد بكون تم قبل كم شهر، يعني الزمن داك مافي زول عارف ذاتو انو حيكون في زلزال،طيب عشان يلغي الحفل ده بكل بساطة مقترحكم الجميل عارف الترتيبات من تذاكر طيران وحجز فندقي ومقدم اخده من شهور أكيد ضخم ده بالنسبة للفنان، واصلت (بالنسبة للجهة المنظمة شركات راعية دفعت للحفل ده وكل المذكور أعلاه اتدفع للفنان،زائد الناس اللي قطعت تذاكر لازم كل زول ترجع ليهو تذكرته مع الإعتذار ،واكتر من كدة بكتير فلما تقدموا مقترح ياريت تنظروا للجوانب دي كلها، حيجيك زول يقول ليك في فنانين لغوا حفلاتهم ح اقول ليك في فنانين سوريين شغالين حفلات وبتبرعوا بقروشهم لصالح المتضررين ،هل في زول سألوا اذا كان حيتبرع ولا لا
أوضحت (ببساطة المزايدة على وطنية شخص أمر غريب مافي زول ما بحب وطنه ، أحمد طه سأل اردول انت مصري اكتر من المصريين ،اسه انا بقول ليكم انتو سوريين اكتر من السوريين وللأمانة شفنا حاجة مختلفة في الزيارة دايما بتفوت على الجهات اللي بتستجلب شخصيات من الخارج انه تمت استضافة الفنان في عدد من القنوات الفضائية وتعامل بكل احترام ومحبة .
اختتمت (اما البحاولوا يقللوا من قيمة الفنان،فبقول ليكم انتو ما سمعتو جزء مهم من الأ
كام جميل وكلام معقول وما نقدر نقول حاجه عنو وربنا يوفق الجميع
انت نسيتي أنت بلدك فيها زلزال أكثر من سوريا وتركيا ؟؟؟!!! وإنتي نسيتي أن بلدك بعد إنقلاب الشاويش ولجنته الأمنية الكيزانية السلب والنهب والقتل أصبح نهاراً جهاراً وأتحداك لو تقدري تطلعي الشارع وحتى لو جنب بيتكم ان ترجعي بأمان إذا ما كنتي خايفه على المواطن فخافي على الضيف السوري ممكن أي واحد من 9 طويلة التابعة للكيزان والبرهان وحميتي أو حركات الإرتزاق المصلح يغتاله فقط من أجل سرقة جواله!!! بالفم المليان البلد فااااااااااااااااااااااااالته وما فيها أمان تسمح للمواطن ينام مستأمن في فراشه.
استخدمت يديها لكشف عنقها وصدرها عاوزها تقول كلام مليان
هذا الجيل من المذيعات تربين فى مدارس ناس حسن فضل المولى والكيزان لما يعرف بخطة افساد البنات لتدمير السودان ودا فكر صهيونى ماسونى اخوانى عشان يعد لكم شباب يقبل بالتطبيع مع إسرائيل والله يا بنتئ نصيحة لوجه الله ان تبتعدى عن الإعلام وشرورة وتؤسسى بيت زوجية صالحة تربى فيه أبنائك بمال حلال ترعيهم صغار ليرعونك فى كبرك وهذا الشباب لن يكون معك للأبد وما قلتيه كلام عيب امك ما كانت لتقوله
المولى عز وجل قال في الاية 124 ( سورة طه ) :
( ومن أعرض عن ذكري فان له معيشة ضنكا ونحشره يوم القيامة أعمى ) .
اولا ما هي مؤهلها العلمي والمعرفي حتى تتناقش وترد وتدافع من اي منطقة في السودان اي سوداني معروف اصله من اي ولاية اي بنت ظهرت في القنوات السودانية طيلة عهد النظام الامني لا اعترف بها ظهروا مع اغاني اغاني