أكدعضو المجلس السيادي الفريق أول ركن ياسر العطا أن القوات المسلحة حريصة علي حماية الانتقال وتساند كل جهد حريص لتحقيق شعارات الشباب، مشيرا أنها تحمي الانتقال للوصول لانتخابات حرة ونزيهة يقول فيها شعبنا كلمته.
ودعا العطا في مناسبة زواج جماعي بقرية ودحامد بمحلية المتمة للمساواة بين أبناء الوطن الواحد وعدم التمييز، وقال” لابد أن نعتز بكل ولاية وكل قبيلة وكل إقليم في السودان”.
ولفت لضرورة وضع قانون رادع لكل من اراد التكسب السياسي باسم القبيلة.. وقال ان الإدارات الأهلية لهم حقوقهم كاملة في الترابية الاجتماعية،ومن أراد منهم أن يحقق هدفا سياسيا عليه أن يكون حزبا .وقال نحن في القوات المسلحة لن نسمح بانتهاك نسيج الدولة الاجتماعي.
الانتباهة
ياسر العطا ده واحد علق، يعني ماعارف الدعم السريع قام كيف؟ وعمله منو؟ ذي كانه صحى الصباح ولقى جيش عدده ٢٠٠,٠٠٠، اسمه الدعم السريع,
ياخ دي شنو الهرجلة والعواليق ده أي واحد لقى ليهو مكرفون في مناسبة طهور ولا عرس اتشعبط فيهو وقعد يحلقم ويصرح بلا جيشين بلا عواليق معاك ثم دي معلومة جديدة عليكم يعني هسه عرفتوا البلد فيها جيشين والكلام ده ما سليم حلولكم للمسألة دي شنو ؟ ولاّ راجين الناس يحلوها ليكم أو ربما منتظرين المسألة دي يحلها ليكم بله أو تتحل بمرور الزمن براها غايتو البقت على السودان الهامل ده ما بقت بلد ماشيه سااااي زي مركب على الله
يا ياسر العطا جريكم على قرى الجعلين مره في زواج جماعى مرة فى طهور ومرة فى واحدة ولدت وكله ماخرج من منطقة الجعلين دا أسموه تكسب نوعه شنو مو تكسب سياسى باسم القبيلة انت البرهان بتجهزوا فى قواعدكم للانتخابات لكن انتو فلول غير مسموح لهم يخوضوا الانتخابات
العشر قاملو شوك ياسر العطا دا مش كان رئيس لجنة تفكيك التمكين وزاق منها ؟