خليل محمد سليمان
بما إننا بصدد ورشة الإصلاح العسكري والامني بتنسيق الكوز المزوراتي الفريق الداروتي ، نريد تذكير المؤتمرين فقط،،
تصدق يا مؤمن إنو رئيس القضاء العسكري من نفس قبيلة رئيس الاركان ، فأصبح فرع القضاء العسكري عبارة عن مليشيا لهذه القبيلة بربطة معلم؟ .
يعني حرفياً فرع القضاء العسكري اصبح مليشيا تتبع لقبيلة بعينها ، هذه تركة الإنقاذ الثقيلة، حيث غابت الدولة ، وتلاشت تماماً ، ليبحث الجميع عن حواضن اخرى تمظهرت في التسابق القبلي ، والتمكين في نسخة جهنمية لعينة.
نلوم الجنجويد ، ونصفهم بالمليشيات القبلية .. الحقيقة اصبحت كل قبيلة تتمترس خلف وزارة ، او مؤسسة.
المؤسف عندما يصل هذا الصراع الي المؤسسة العسكرية فعلي الدنيا السلام..
كسرة..
كنا نعيب علي الإنقاذ حيث كل قبيلة سيطرت علي قطاع من الدولة .. فالتاريخ يعيد نفسه بصورة اقبح ، والعن..
كسرة ، ونص..
فرع القضاء من النبطشى البقدم الشاي الي المدير من قبيلة وااااااحدة..
وزارة المالية ، والمعادن ، والرعاية الإجتماعية من قبيلة وااااااحدة .. هسي في زول جاب سيرة مناوي ، وفكي جبرين ، وبخيتة!!! .
الشركة السودانية للمعادن من الخفير للمدير من قبيلة واااااحدة.
وزارة الداخلية ، من قبيلة واااااحدة .. ناس قنتو كيف إن شاء الله كويسين؟ .
كسرة ، وتلاتة ارباع..
صديقي الذي شارك في كتابة الكتاب الاسود .. نحتاج الي طبعة معدلة ، او نسخة جديدة .. رأيك مهم للغاية!!!
عندما يتحول اللصوص ، والمرتزقة ، والعملاء الي مركز بإسم الهامش ثق ان لعنة قد حلت بهذه البلاد ، واهلها.
دى مصيبه السودان الاولى القانون فوق الجميع اما اذا انحرف القضاء فالنتيجه ذى ما شايف يجيك حجر الطين ويجيك حجر العسل وناس يا جنا وغايتوا بلد مخلوق من العدم خليط رهيب دا نعمه اذا تم ادارته للكل مش لصالح (تتلالللتبلب) نعترف باننا سودانيين ذو ثقافه عربيه ليس عرب اقحاق زى ناس امريكا اللاتينيه ثقافه فقط بكل ثقه ي
ماسمعت ارجنتينى قال انا اسبانى اهو كلهم نهضوا وماشين قدام فى السودان الملامح واضحه انه افريقى يقول ليك انا عربى يمشى السعوديه يطلع عبد دا كلام حتى العرب الماصلين فى السوان وهم الرشايده يقولوا للسودانيين المواليد انا محسى ىاخى المصريين يقولك نوبى من اقصى السمال
شنو العقد النفسية دي يا اخوانا.. يعني انتو تقولوا عليهم حلب وترفضوا يقولوا عليكم عبيد.. فرقت شنو ما كلو صفة مقصود منها التقليل من الآخر لكن العارف عزو ما بتحرك فيهو شعرة.