الخارجية الأمريكية: إعلان وقف إطلاق النار في جميع أنحاء السودان لمدة 72 ساعة

الحقيقة هى أن الكيزان عندما استشعروا بأن البرهان وحميدتي سوف يوقعان علي اتفاق دمج الدعم السريع وبعدها يبدأ السياسيين في تشكيل الحكومة المدنية والتى ستقضي علي أحلامهم بالعودة الي السلطة وحماية ما نهبوه من مال الشعب السوداني، قاموا بتنسيق مع كيزان الجيش دون علم حتى مدير معهد الاستخبارات ورئيس هيئة الأركان والذين تم أسرهم من قبل الدعم السريع لأنهم كانوا في طريقهم الي مكاتبهم كيوم عمل معتاد وهذا يدل علي ان الكيزان قد بيتوا خراب السودان وكانوا يعتقدون بانهم سيقضوا علي الدعم السريع في أقل من ثمانية ساعات وتم الهجوم علي معسكر الدعم السريع في سوبا بواسطة كتائب الظل والدفاع الشعبي والامن الطلابي وغيرهم من كتائب الكيزان ولكن وجدوا الدعم السريع في جاهزية دون علمهم بالهجوم قاموا بصد الهجوم والقبض علي مليشيات الكيزان الذين يرتدون لبس الجيش وكانوا ظاهرين إنهم ما عساكر وبعدها انطلقت الشرارة، لذلك الكيزان عليهم اللعنة الي يوم الدين هم سبب هذا الخراب وليعلم الشعب السوداني أن الكيزان لابد من القضاء عليهم لأنهم إذا بقوا في السودان سوف لن تقوم للسودان قائمة الي يوم الدين، لذلك الناس ما تتخم ساكت الجيش فيه من الشرفاء ولكن الاغلبية كيزان يا جماعة ،ثلاثين عاما والكلية الحربية لايدخلها إلا كوز ،لذلك لاتناصروا الكيزان وقسما لو رجعوا للسلطة لترون النجوم في عز الظهر ولكن الشعب السوداني ليس جبان وسوف ندافع عن حربتنا حتى الموت ولن يعود الكيزان الحرامية مرة أخرى للسلطة وكل كوز ندوسو دوس.

طبيعى أن يفكر راعى أغنام بجكم السودان…
الخطأ شنو فى إنو حميدتى يفكر فى رئاسة السودان؟ عادى ومرحلة طبيعية يمر بها السودان لاننا شعب وقيادات وجيش وسياسيين من أغبى ماخلق الله على هذه الأرض. هل عندكم فكرة السودان فيه كم نهر؟ وكم من الأراضى الصالحة للزراعة؟ وكم من الموارد الأخرى التى إن وجدت فى أى دولة أخرى فى العالم لكانت تلك الدولة فى مصاف الدول العظمى. هل تعلمون السبب الحقيقى للهجرة من السودان؟ هو فقط للتنافس مع المغتربين والمهاجرين والدليل على كدا إنو معظم المهاجرين والمغتربين أحيانا برجعو السودان بدون خبرات بعد مايشتغلو تكاسة وغفرا وأشغال هامسية اخرى الغرض منها جمع المال السريع للعودة للسودان وبناء عمارة بعد الحصول على جنسية البلد.
الناس الإتعاقبو على حكم السودان سواء كانوا سياسيين ولا عسكريين هم فى النهاية سودانيين وما إستوردناهم من الدول المجاورة ولا نزلناهم من كواكب اخرى ياهم نفس سجم الرماد وماعندهم فرق من حميدتى غير انو عندهم شهادات جامعية من جامعاتنا العقيمة الهزيلة. لا حنتطور بعد سنه ولا بعد مية سنة طالما نحن فى مثل هذا العك. وبمناسبة العك وين الفريق القومى؟ لسه فى مرحلة الإحتكاك؟
السودان يجب تقسيمه الى دول قبلية وكل قبيلة يجب ان يكون عندها دولتها المنفصلة مع وجود محكمين دوليين لفصل النزاعات بين تلك الدول القبلية. نحن مابنتفق فى اى حاجة واى زول بيعتر نفسو هو الأفهم والأعلم لانو مابشوف حوله. ليه الدول من حولنا تنجح بموارد اقل بكثيييير من مواردنا؟ لانو الموضوع بسيط دا وزى ماقلت نحن فقط أغبياء واحيانا يمكن معالجة غباء افراد ولكن غباء دولة كاملة صعب جدا يتعالج.
الكلام الكتبتو دا زاتو غبى وطالع من زول غبى لانو سودانى.
كربكان