وفد القيادات السياسية والمهنية والمدنية السودانية باديس ابابا يلتقي ممثلي البعثات الدبلوماسية (صور)
عقد وفد القيادات السياسية والمدنية والمهنية السودانية المتواجد بالعاصمة الاثيوبية أديس أبابا نهار اليوم الأحد الموافق 9 يوليو 2023م، إجتماعاً ضم عدد من الدبلوماسيين المقيمين في اثيوبيا ، شمل ممثلي الولايات المتحدة الاميركية وبريطانيا وفرنسا وايطاليا والنرويج والسويد.
ناقش الاجتماع تطورات الأوضاع في السودان عقب اندلاع حرب 15 أبريل اللعينة ، واستعرض الجانب السوداني تدهور الوضع الأمني والانساني والاقتصادي والاجتماعي والسياسي في البلاد واتساع رقعة الحرب مع مخاطر انزلاقها لحرب اهلية شاملة، ومدى تأثيرها على المحيط الإقليمي.
وحث الوفد الممثلين الدبلوماسيين على دفع المجتمع الدولي لبذل مزيد من الجهد للتنسيق من أجل ايقاف معاناة السودانيين والسودانيات عبر المبادرات الدولية والاقليمية لوقف الحرب في السودان وتوفير السند الانساني لملايين المدنيين المتأثرين بالحرب.
هذا ويواصل الوفد لقاءاته بعدد من الفاعلين السودانيين والدوليين خلال الأيام القادمة من أجل دفع الجهود الرامية لوقف الحرب في السودان.
هذه الاجتماعات مع اشخاص لا يعبرون عن الواقع السوداني اجتماعيا و لا سياسيا و لا انتخابيا هو السبب في أزمة السودان منذ انقلاب الفاسد البشير و الامم المتحدة تريد أن يكون السودان في حالة حرب وعدم استقرار إختلاق كيانات هلامية ورقية و كرتونية الذي يجمعهم هو العمالة و الارتزاق.
لذلك فقدت الأمم المتحدة المصداقية تماما في السودان من حيث التاييد الشعبي تعتبر منظمة ذات مأرب سياسية له مجموعة من العملاء و المرتزقة الذين لا وجود لهم في الواقع السوداني.
الواقع السوداني يريد ايقاف الحرب وعودة الحياة الطبيعية باستثناء الكيزان الذين يريدون الانتقام من الشعب من خلال هذه الحرب
صحيح ان مجموعة الحرية والتغيير لديهم بعض الاخطاء في ادارة الملفات وانتقادنا لهم حق مكفول ولكن هناك فرق بين الاختلاف والمعاداة التي يمارسلها فلول النظام
الكيزان يريدون الحرب للتخلص من الدعم السريع واحراق كروت المدنيين ويتوهمون انهم قد يجدون القبول بعد ذلك ولكن هيهات
بقيادة الفاسد تاجر الحروب عميل الامارات ياسر عرمان هذا لا يمثلني
سبحان الله يعني عاجبك الحاصل من قتل ودمار !! يا أخي ما تركبوا راسكم في الآخر ما تلقوا ليكم إلا مترين تتواري فيها , ما شفت الجثث مرمية في الشوارع زي الدلاقين القديمة !! ولا ما شفت الموتي بيدفنوهم جنب أساسات البيوت , يا جماعة دي حرب حقيقة وللأسف لسع في بدايات الحرب الأهلية وفي الحروب كلو الموبقات بتحصل من القتل والإقتصاب الي (السبي ) والله ما عايز اذكرك بكره يمكن تكون (شاب ) صغير وما عندك تجربة عن الحروب بقولا ليك انا دفعة 79 في الجيش نزلت المعاش في 2003 وعارف ألم الفقد في ساحات القتال , ولو عندك ذرة من العقل إنك ترضي (بالجودية ) حتي لو قعدت مع (قاتل ابوك) مش عشانك عشان أولادك يوم تكون قاعد في (مخيمات) اللجوء وأنت بتشوف اولادك الصغار قدامك هناك حتحس وتعرف قيمة الأمن والأمان .
كسرة : الأمم والمتحدة عندها خيارات كثيرة جداً حتي الأن هم ماشين معاك بخيار الحوار , وكلامك عنهم ما بيفيد قضيتك في شي ولو الجيش بقيادة البرهان او الجنجويد بقيادة حميدتي تماطلوا ورفضوا خيار (السلمية ) وإنهاء الحرب , في خيارات تانية مؤلمة جداً وما أظن حيفيد اي كلام زي نوع كلامك .
كسرة تانية : لو في زول عنده عقل بين المتحاربين ما كان وصلنا الي هذه النقطة . وأهم حاجة بتقول الواقع السوداني ! الواقع السوداني بيقول : الجنوب (متمردين ) وحرب وفي النهاية تفاوض بكامل أسلحتهم وصلح مؤلم بالإنفصال . حركة تحرير السودان مناوي متمرد وحرب تفاوض وصلح ومساعد للرئيس (مساعد حلة . وغيره من الحركات الصغيرة .
حسن أحمد سعد بطل العباطه و أمشى شوف ليك مدرسه أو حتى خلوه إنبطح فيها و إتعلم شويه
لم يعد العالم الآن كما كان في السابق ، أي إضطرابات في أي بقعة في العالم يتأثر بها دول العالم بدرجات مختلفة فلم يعد الكلام المشروح الذي يردده البعض وإتهام الآخرين بالعمالة والإرتزاق مجدياً الآن ، العالم كله يتأثر بما يدور في السودان ومن حق كل سوداني فعل ما يمكن أن يؤدي إلى وقف الحرب والخروج من هذه الأزمة ، الآن ملايين السودانيين فقدو بيوتهم وأعمالهم ولا يجدون ثمن الخبز هذا الآن فتخيل لو إستمر هذا الحرب لشهور أو سنوات كما يريدها أهل بلبس ، لعن الله الكيزان أين ما حلو
انت يا سعد يا كوز كل من يعمل لحل اشكالات الحرب بالسودان هو عميل ومرتزق بس لانه مدني سياسي حزبي او مهني؟؟ نوعك دا هو الجايب للبلد الكوارث وغضب الله الحاصل اليوم… قوم لف وخلي الوطنيين الشرفاء يشتغلوا… لو كانوا عسكر هل تجرات تقول كلامك الفارغ دا؟؟ أخرس..!!!
شمل الاجتماع ممثلي الولايات المتحدة الاميركية وبريطانيا وفرنسا وايطاليا والنرويج والسويد . باي تفويض …من فوض هذه الجماعة ان تتحدث مع هؤلاء … الى متى تستغلون اسم الشعب و تتحدثون باسمه .
لما الرجال تتحرك ينبح الكوز لانه سيفقد امتيازات 1956م ولان الوفد فيهو ناس من “الهامش” إنت لو عندك رؤية أمشي أبقى مؤثر زيهم ما تقعد تكاكي……. لا للحرب يا بلاباس.
ومن فوض الشاويش البرهان ومن الذي منحه الشرعية ليكون على رئيس مجلس خياسة ومن فوضه بتعيين مالك عقار ليكون نائباً له الان كل العالم يعلم علم اليقين بأن البلد ماشه أم فكو والوزراء الموجودين حاليا كلهم من حركات الارتزاق المصلح ومكننكشين في المناصب كالقراد في جسم الكلب بحجة إتفاقية نفاق جوبا الكارثة وخاصة فكي جبرين وهو مخلوع من المنصب ويستحيل إزاحتهم إلا بمبيد حشري قوي وفعال وهذا يملكه الشعب و بدون حكومة ولا نظام أما نظام الاشباح الحالي لا يمثل إلا نفسه وكيزانه المعفنين اللصوص والقرار قرار الشعب .
والله العظيم البرهان فوضتو الحرية والتغيير البتبكي منو دي وانت عارف كويس
أي سوداني مفوض ليبحث عن مخرج لهذه الأزمة التي تسبب فيها الكيزان الملاعين
هذه القيادات السياسية لاتمثِّل الشعب السُّوداني المغلوب علَي أمرِه بل تمثٍِّل ذاتها ولم يفوضها الشعب السُّوداني لكي تتحدث بإسم السٌّودان .هؤلاء مرتزقة وسماسرة سياسة ولاعلاقة لهم بقضايا وهموم إنسان السُّودان. هؤلاء إشتراهم مجرم الحرب التشادي الغادر الجنجويدي القاتل الهالك _ حميدتي .
لامن عارف ان الشعب السوداني مغلوب علي أمره وأرتصي بناس بتقتل فيه وتشرد فيه وتدك بيوتو بالدانات والطائرات وتسرق عرباتو وتهجرو للأحباش والمصريين ويتزلوا مع الفلس والعوز فيهم اطفال وكبار السن ، فأحسن ترضي بناس تتدخل لوقف الحرب حتي لو كانو مؤجرين ، علي الأقل حتقعد في بلدك بكرامتك ، فلو إنت حاسي بأنك في أمان أو تكون خارج البلد علي الأقل حس بالناس المكتوية بالجنجويد والعسكر ، الدنيا دي يوم عليك ويوم ليك احسن حاجة لامن تكون ليك تعمل حاجة كويسة تفيدكم لامن الدنيا تقبل ، فهمت ! الكتابة سهلة والتخوين سهل ولكن كل شي مسطر فإتقي الله وكفي
المشكلة عندنا انو عندنا ناس كثير حول العالم سودانيين ومتعلمين رجال ونساء وعندهم اعلي الدرجات ومثقفين لكن جبنه وخوفيين و المشكلة انو ماعندهم الجراة والشجاعة الكافية عشان يعملوا مثل القحاتة يجتمعو مع بعض حتي لو افراد ويمشو يزور الدول ويدخلو قوة عين اي مفاوضيات ويتحدث باسم الشعب ماضرواي يكونو مفوضين من البرهان لالا لازم يشتغلو لوحدهم ويقولو للعالم في سودانين ضد القحاتة لازم يفعلوا كما القحاتة ويتحشروا لوحدهم في اي شئ يخص السودان ويخالفو القحاتة وين الناس دا وين الناشطين الواقفين مع الجيش يتلموا مع بعض ويمشوا يعملوا كدا مثل القحاتة بي الظبط لانو السودان سودان الجميع وليس ملك للقحاتة واي شخص ممكن يتحدث بي اسم الشعب ماضروري يكون حزب المهم انو يتحرك ويسمع العالم صوتو لانو قنوات اليوتوب ماكفاية لازم تتحرك وتذهب وتقول انك سوداني وامر الجيش والشعب يخصك يلي ياشباب جهزوا ورقكم ويلي الي اثيويبا طوالي يانحن يا القحاتة الملاعيين وماتنسو شيلو معاكم مفاريك
لو ان الجنجويد لم يدخلوا بيوت الناس كنت ايدت توقف الحرب فورا بالمفاوضات لكن الجنجويد خربوها تب ويصعب التحدث باسم الشعب الان..التحرك الجاد يجب أن يكون وسط الشعب اولا لكسبه لا لفرض الأمر عليه.