النيل الابيض: رشا حسن
منعت محليه القطينة في ولاية النيل الأبيض، بائعات الشاي من ممارسة العمل مساء في الأماكن العامة والأسواق وحدد لهن السادس مساء حدى اقصدى للعمل جاء ذلك بعد مقتل نظامي في القوات المسلحة على يد شرطي.
وتعود تفاصيل الحادثة إلى أن الشرطي أطلق النار بمسدسه صوب نظامي يتيع إلى القوات المسلحه، أثر مشاجرة شبت، السبت، في جلسة مع بائعة شاي بميدان سوق القطينة الكبير الأمر الذي عجل بوفاته في الحال.
ونص القرار الذي اطلع عليه “الراكوبة” بجانب منع بائعات الشاي من العمل مساء، حظر التجوال للنساء من السادس مساء وحدد للرجال العاشره مساء وحتي الخامسة صباحا بجانب الطوف الليلي للقوات المشتركة التي كونتها اللجنة الأمنية بالمحلية.
وقد عقدت اللجنه الأمنية بمحلية القطينه، في اليوم التالي للحادثة اجتماعا طارئ بخصوص الاحداث التي جرت بالمحلية بحضور المدير التنفيذي للمحليه ناصر الاغبش والعميدركن خالد محمد قائد اللواء 26 بالقطينه والعقيد شرطه خالد الفضل احمد مدير شرطة المحلية ومدير جهاز الامن الوطني حيث تناول الاجتماع مجريات الاحداث بالمنطقة وخلص الاجتماع بتكوين لجنه مشتركه من الاستخبارات و الشرطة العسكرية والجيش لتامين محلية القطينة.
هل المشكلة في بائعات الشاي أم في ذهنية منسوبي الاجهزة الامنية المريضة ؟
هل حل المشكلة بمنع بائعات الشاي من ممارسة عملهم أم بضبط سلوك منتسبي الاجهزة الامنية ؟
هل السودان سيكون بخير بوجود هذه الاجهزة القمعية والجنجويد أم بزوالها تماما ؟
جاء في الخبر وكأن بائعة الشاي هي التي فتنت بينهما . ولكن الحال المايل (لجيش ) السودان . دار حوار عميق بين الأثنين علي هذا السيناريو :
الشرطي : وين يا فردة
الجياشي : موجود أهو قدامك (إنتوا الوين)
الشرطي : نحن شرطة ما مقاتلين وانت المفروض تكون هناك
الجياشي : هناك وين ! إنت قاصد شنو
الشرطي : هناك مكان البل
الجياشي : بطل حقارة وشوف شغلك مع ستات الشاي ومكان الشربة
الشرطي : نحن شايفين شغلنا . ناس الشدرة بيسلموا عليك
وطوالي الاثنين عمروا السلاح
والغلطانة ست الشاي
غياب حكم القانون يجعل البلد مضحكة يديرها بلهاء من شاكلة تلكم اللجنة الأمنية!.
هسه ستات الشاى و حظر التجول علاقتهم شنو بالحادثة الفردية دى؟
زي زمان يكون بيع الشاي والقهوة بواسطة الرجال في الاسواق والاماكن العامة وتُمنع من بيعه النساء نشوف تاني الرمتالة والمكسرين قدام ستات الشاي حيمشوا وين ظاهرة بيع الشاي ظاهرة دخيلة على مجتمعنا ولم نراها الا في عهد الانقاذ كالحة الوجه كمن أتانا بها قبح الله وجوههم
الرزق الحلال ما عيب يا أخونا عاطف . بعدين ده ما موضوعنا
هذه البلاد سبب خرابها و انحاطط شعوبها ست الشاي، ستات الشاي وكر للجريمة من مخدرات و شراب و دعاااارة و إييييدز و قوااااادة و قوااالة و عطااالة، مرتادي ستات الشاي جميعهم من السااااقطين و الفاااااشلين و المعفنيييين.
والله لو مشكله البلد دى على حسب كلامك ستات الشاى طيب ليه الضرب بالانتونوف و الكلاشنكوف و التكسبر و الموت بالجمله نتمنى ليك نور العقل يا اخونا أنور
ماتضربو ستات الشاي المعذبنكم ديل بالسوخوي والدانات عشان ترتاحو.
خلاص الجنجوجيد غلبوكم،قبلّتو علي ستات الشاي؟!!!