مقالات وآراء

في رحاب الرحمن الرحيم أبوبكر سعد الله جابو

رندا عطية

يا ناس تعالوا الليلة اسندوني وعزوني في ابو بكر اخوي الصغير وولدي الكبير .. ابو بكر ود خالي سعد الله جابو استشهد بدانة
عليكم الله يا ناس ادعو ليهو ربنا يعوضه شبابه الجنة
يا جماعة انا غايتو الفيني كملت

الليلة وووب علي من فراقك يا ابوبكر

الليلة يا حليلك يا ابو بكر .. يا ابو بكر انا الدايراك تشيل عنقريبي وتسترني وتدفني وتشيل العزا فيني اشيل انا العزا فيك
الليلة يا حليلك يا ابو بكر يا الصغير وجاهل يا الدايرين نفرح بعرسك ونشتت ليك الضريرة ونربط ليك الحريرة ونجرتقك ونشوف وليداتك الليلة كفنوك
يا حليل ضحكتك وبسمتك يا ابو بكر
يا حليل طلتك وهلتك يا ابو بكر
يا حليل طيبتك يا ابو بكر
يا حليك حنانك ومحنتك يا ابو بكر
يا حليل هزاري وونستي معاك يا ابو بكر

يا حليل لمن اعدل ليك غطاك وانت نايم يا ابو بكر انا بخاف عليك من الهوا الليلة وين فايت مننا يا ابو بكر يا الهميم يا اللي بتنتر وبتقيف مع اهل الحلة في الفرح والكره
الليلة يا حليك يا ابو بكر يا الواقف معاي وساندني
يا حليلك يا ابو بكر يا نوارة بيتنا يا ولدي الكبير واخوي الصغير ياصاحبي الليلة كيف امسينا من دونك يا ابو بكر
الليلة ضهرنا اتقصا من بعدك يا ابو بكر
الليلة بيتنا ضلم من دونك يا ابو بكر
يا اخواني ابو بكر طيب طيب شدة ما هو طيب لمن درويش
يا حليلك يا ابو بكر يا الهدي ورضي
الليلة يا حليل قولة ابو بكر
الليلة يا حليل قولة بكري
الليلة يا حليل قولة ابو بكري
الليلة يا حليل قولة بكوري الكوري

ربنا يتقل قلبك يا ابو بكر ويثبتك عند السؤال ويوسع مرقدك ويسكنك الفردوس الاعلى من الجنة
يا ناس شحدتكم الله ادعو ليهو ادعو ل ابو بكر انه ربنا يعوضه شبابه الجنة
وادعو لينا الله بالثبات والصبر
لا حول ولا قوة إلا بالله
إنا لله وإنا اليه راجعون
اشهد ان لا اله إلا الله واشهد ان محمد رسول الله

رندا عطية

‫4 تعليقات

  1. اللهم ارحمه واغفر له واسكنه فسيح جناتك مع الصديقين والشهدءا والصالحين وحسن أولئك رفيقا وتقبله بقول حسن وعوض شبابه الجنة وصبر اهله عليه

  2. تقبله الله وأسكنه فسيح جناته مع الصديقين والشهداء و ألهم أهله الصبر الجميل. إنا لله وإنا إليه راجعون. ولا حول ولا قوة الا بالله.

زر الذهاب إلى الأعلى

انت تستخدم أداة تمنع ظهور الإعلانات

الرجاء تعطيل هذه الأداة، فذلك يساعدنا في الأستمرار في تقديم الخدمة ..