محمد الحسن محمد عثمان
لجنة تسيير نقابة المحامين ماهو موقفها مما يجرى فى الوطن ؟؟ وفى كل احداث السودان الحاليه كان لنقابة المحامين فى السودان دور كبير فى كل الاحداث فى الوطن والآن لجنة تسيير نقابة المحامين تمثل نقابة المحامين فاين هى مما يحدث ؟؟ ولماذا لا صوت لها ؟؟
الوطن يتمزق يانقابة المحامين وانتم تتفرجون !!
وحقيقه افتقدنا فاروق ابوعيسى وامين مكى مدنى ومشاوى وكمال الجزولى رحمهم الله وبقية العقد الفريد ارفعوا صوتكم وتحركوا وكونوا فاعلين فى مداواة جراح الوطن لا تصمتوا هذا ليس وقت الصمت والانزواء يانقابة المحامين واذا فعلتم سيحسبها ضدكم التاريخ وستكون هذه وصمه عار فى تاريخ نقابة المحامين التى لم تتعود الصمت والوطن يحترق ولا تكونوا كقياداتنا السياسيه وحركاتنا المسلحه الذين لا نسمع لهم صوت الا عندما تلوح المناصب فيصرخوا ويهرولوا نحو المناصب !!
يازول والله بقيت ماعندك موضوع… نقابة محاميين بتاعت الساعة كم؟
ات اظنك مغيب عن الحاصل… هي في الاصل لجنة تسيرية وبصفتك قاضي ستبق يفترض تكون ملم بالاحكام التي صدرت تجاهها…
ثم ثانيا اللجنة خلاص بح راحت مع الاطاري والدستور المؤقت من يوم الخامس عشر من ابريل ٢٠٢٣
ومنذ ذلك التاريخ لافي حكومة ولا نقابات ولا لجان ولا وزارات ولا مجلس سيادة ولا يحزنون ..فقط الان اصبح لدينا مجلسيي حرب . مجلس حرب القوات المسلحة ومجبس حرب قوات الدعم السريع وفي ناس بقولوا في واحد تالت وهو مجلس حرب الكيزان والفلول.
فبطل نداءات بالله عليك ونقطنا بي سكاتك كفاية نداءك وشكرك للامارات… والله استغرب كيف كنت سغال قاضي ز وربنا يعوض كل من وقف امامك شاكيا او مشكوا وحسابهم في رقبتك يوم الحساب عند القاضي الاعلي في علياءه
ياخي اكتب حاجة فيها ريحة وطعم الوطنية هداك الله … قالوا في المثل المتغطي بي امريكا عريان ..خليك ماسك في زييك السوداني شديد
– ادُلك على جماعة بسمع بيهم عنقاله زيك اسمها محامي الطوارئ !
– يا محمد الحسن ما تفهم غلط ما طواري الحفِر فعليك بيهم لو داير تقضي ليك غرض و الله يعين البشر عليكم .
يا زول نقابتكم من ما تربع على قيادتها ناس على قيلوب وعملو المؤتمر المزعوم داك والدستور وقالوا بأسم المحامين وجوا محامين كبار معاهم فى نفس اللجنة ناس استاذ يحى ونكروا قالو نحن ما سمعنا بالمؤتمر دة ولا بمخرجاته ولا شاركنا فيهو وفى ناس استقالو امنها ، عرفناها نقابة سداح مداح ، ياحليل ناس أمين مكى مدنى وفاروق اوعيسى قامات لهم وزن وسمعة وقيمة أما ديل ( خليها على الله )