هشام عباس
كما اكدنا سابقاً وراهنا على حدوثه وقلنا ما بعد الاختباء خلف الجيش واسم الجيش سيتحور الكيزان ويختبئون خلف المقاومة الشعبية وهذا ما حدث بالتفصيل وتابعنا بعد ما قنعوا من الجيش والبرهان كيف خرج كهنتهم من البيات الشتوي لينادوا بين الناس ان هبوا للمقاومة الشعبية وحمل السلاح ..
ولاننا نفهم جيداً مخططات الكيزان وخبرنا مؤامراتهم وقذارتهم طوال ال35 سنة الماضية من المهم ان نوضح الهدف من وراء الدعوة للمقاومة الشعبية .
الهدف من المقاومة الشعبية ليس كما يزينون بشعارات براقة تدغدغ العواطف وتشعل حماس الجهلاء والسُذّج ..
عندما تنظر للاسلوب المتبع في الدعوات وهو اسلوب يحمل الطابع الجهوي وعندما تنظر لطريقة التسليح ونشر السلاح وتفهم انه تسليح فوضوي وعندما تجد ان من يتسيد المشهد الشعبوي هم انفسهم ستدرك ان ما يجري هو جر البلاد الى فوضى شاملة بعد فشل مخطط الحرب التي اعتقدوا انها نزهة ساعات ويعودون للسلطة .
اسلوب الفوضى اسلوب اتبعه النظام على مدار سنوات طويلة في اغلب مناطق دارفور وكانت تقوم على خلق فتنة بين المكونات وتسهيل وصول السلاح لكل المكونات في نفس الوقت حيث فوضى السلاح وكل طرف يحصد الطرف الاخر والنتيجة ارض محروقة بيد ابناءها والفاعل ينعم في قصره .
التعجل في تنفيذ المخطط كما تابعنا في ولاية نهر النيل وشرق السودان عبر خادمهم ترك سببه قطع الطريق على البرهان قبل لقاءه المرتقب بحميدتي ووضعه امام الامر الواقع حيث يصبح توقيع البرهان ان حدث حبر على ورق وتكون الامور خرجت عن السيطرة .
احراق شامل للوطن بات الخيار الوحيد والاخير المتبقي للكيزان بعد الفشل والهزيمة والانكسار في الحرب وبعد ان فشل الجيش واتضح ان البرهان اقل من ان يبر بقسمه امام اسامة عبد الله باعادة الكيزان الى الحكم من الباب الخلفي .
المهم :
مخططهم شيطاني لكن سيفشلون وينكسرون مرة اخري ويقتلعون من ارض السودان اقتلاعاً
تسليح المواطنين .. دي الطلقة الأخيرة عند الكيزان ….. عملوا كل شيء …. عطلوا الفترة الانتقالية …. عملوا انقلاب أكتوبر … عملوا الحرب الأن … والأن يقومون بنشر الفوضه بعد الهزايم الكبيرة للمليشيا بتاعتهم .. والتي تسمى جيش مجازاً ..
من الذي ينشر الفوضي ولايه الجزيره استبيحت بالكامل وانا من الجزيره الدعم السريع جاء قريتنا لنهب السيارات قتل خمسه مدنين غير الجرحي كرهما للكيزان مايخلينا نجرم حتي في حق الدفاع عن النفس انا مواطن بسيط الدعم هجمني في بيتي في قريتى ماذا افعل اظل خانع ولا اقاوم هل لو قاومت ابقي كوز للاسف الموضوع الان طلع من السيطره بممارسات الدعم السريع اللا انسانيه الموضوع بقي مساله بقاء ولاعلاقه للكيزان بالامر الشعب حس بالخطر وما حيستسلم حيقاوم ويادوب الناس وعت للحاصل بعد الفاس وقع في الراس ولاعزاء للمخذلين
حقيقي استغرب في مقالك أياً كانت تبريراته نحن مع الكيزان إذا كان الوطن سيعود وهم أفضل السيئين من الجنجويد الرباطة والقحاطة ماذا تريد ياكاتب المقال وكل من يستنكر تسليح المواطنين للدفاع عن عرضهم وشرفهم طالما الجيش كله خونة وعملاء..؟!!! البرهان عبارة عن عميل وكل من معه من الرتب الكبيرة هم عملاء وقد أثبت الواقع هذه الحقيقة منذ بداية هذه الحرب فماذا تريد من المواطنين ..هل ينتظروا وصول الرباطة الجنجويد وإحتلالهم وترويعهم وإغتصاب حرائرهم دون أي مقاومة أو دفاع عن نفسهم وعرضهم ..؟!! أم يدافعوا عن شرفهم ووجودهم ووطنهم ..؟!! والله إني استغرب من نوعية هؤلاء الكٌتاب (اليوتيوبر) اللايفاتية ومن في شاكلتهم وحسب الله ونعم الوكيل فيكم.
يلعن ميتيك ياهشام عشان انت بعت ارضك ومرقت اهلك من البلد اصبح لايهمك شئ ياشعب الشمال لاتسمعوا لزول الاهبل دا وابقو يد وحدة واحرقوا العدو (ويرنقجنا يا نووبة )وبعدين يعني شنو تسليح فوضوي وانت عاوزو شنو وهل لما يكون في حرب انت عاوز يختاروا بين الناس مثلا دا يسلحوا ودا لا يعني ما لازم يكون فوضوي ولكل الناس بدون فرز واعقل يا ود عباس باالله عليك والقحاتة لما يعقلوا ويتوبوا بيقولوا كلام كويس واكيد العالم سوف يسمع ليهم لانو كلامهم بيكون منظم شوف صحبك القحااتي صاحب قضية ومبدا نفك السودان دا طوبه طوبة لانو بتاع دولة 56 شوفوا الان دكتور محمد جلال هاشم بيقول شنو قال ليكم انو التاريخ بيقول للشعب كل زول يحمل السلاح الان وفورا والبيسمعوا كلام القحاتة يسمعوا كلام الزول دا ويتسلح بي السلاح لكي يحرر البلاد من المجرميين يلي اسرعوا يا قحاتة الماشال يشيل سلاح هلموا بنا للحرب ياقوم لمحاربة الكفار هلموا و اسمعوا كلام دكتور محمد جلال هاشم https://www.youtube.com/watch?v=gYyKuDeD-KM
انتو لسة في حدوتة الكيزان يا هبل انتو ما تفهموا
دايرننا ننتظر النهب المسلح
انت يا هشام عباس عندك فوبيا كيزان يعني اخير ناس الجنجا يغتصبوك وايغتصبوا اهلك ؟
لعنة الله عليك وعلى كل القحاتة
الكيزان و البلابسة و قصيري النظر يرون ان في المقاومة الشعبية المسلحة خلاص من الحرب و الجنجويد و لكن بالعكس هي بداية النهاية لوطن أسمه السودان و دخول الحرب الأهلية و الفوضى و الصوملة التي تأخد وقت طويل جدا حتى تنتهي و لن تنتهي تماما الا بتقسيم السودان الي دويلات صغيرة و معزولة ، دعوة التسليح الشعبي هي أخر كروت الأفعى الكيزانية و يجب على الناس التصدي لها.
#الحركة_الاسلامية_تنظيم_ارهابي
يا ابا ذر عايز الشعب ينتظر لغاية ما جماعتكم ينتهو منهم ؟ دا فهمك ؟
المقاومة الشعبية ضرورة ملحة وان تاخرت كثيرا وكان دخولل الجنجا المغفلين لمدني هزيمة لهم كبيرة وصحت الناس من خدغة قاصدين الكيزان والفلول وبنجيب ليكم الديمقراطية وكل ما دخلةو منطة بجيبوا ليهم البلاوي
حسنا فعلا الجيش عندما انسحب من مدني حتى يوقع اتباع الجهلاء الاغبياء من دخول المدبينة والنتيجة قومة شعبية
بعد كدة الجيش والشعب والجنجا والقحتا الى جهنم
الجهلاء مثل كاتب هذا المقال لا يعرفون الى اين تتجه بوصلة المزاج الشعبي الان. انا كنت من كارهي الكيزان ولكن زال هذا الكره لانو التضح لنا انهم يقفون معنا الان وانتم غير الشتايم والعمالة ما عندكم حاجة. ياخي اقسم بالله العظيم اعداد لا حصر لها من الاجانب بلهجات مختلفة ولغات مختلفة يغزون البلاد وينهبوها بلا رحمة ويدمروها تدمير كاملا شاملا وانت عندك اسهال اسمه الكيزان.
اي بلد فيها ناس يغذوا لغة الكراهية ما حاتمشي لي قدام، لأن من تكرهه هذا مواطن زيك له نفس الحقوق ونفس الواجبات وما دما انت تحيك المؤامرات ضده فهو حتما يحيك المؤامرات ضدك لحماية نفسه. وبذلك يتضرر الوطن بينما انتم خارج البلاد ولا يهمكم النتائج. صحيح التسليح امر فيه خطورة كبيرة وصحيح ان الشباب التابعين للتنظيمات السياسية سيتسلحوا وبالتالي نكون دخلنا مرحلة مختلفة تماما للاسف الشديد.
انتم خلقتم هذا الواقع
الكيزان الوهم بدل ما تنتقدوا الكاتب وعاملينها شتيمه في اهل الكاتب ودي قمه البطاله ورونا موقعكم وين وسط المستحمرين (اقصد المستنفرين) وبطلو حنك سوشيال.فالحين للنضم والكتابه وفي الحرابه نعاااام..اسألو السمبريه بتاع البراء يا عفن السوشيال.
كاتب المقال بدعم لا للحرب و منطقو سليم لان وقت حامل السلاح وداعم الحرب يهرب من ارض المعركه البتضررو وبدفعو تمن العنتريات الغبيه الضعفاء والمرضي والاطفال والنساء.
يعني افهم من كده انو مطلوب من الشعب الا يقاوم وكلو مدينة وقرية تنتظر دورها لدخول الدعامة ولا شنو.
بصراحة هذا الكاتب الغشامة والعوارة ظاهرة في وجه!
يا خليتة انت لما يدخل الجنجويدي البيت عادي قول ليك عايزين البنت دي تمشي معانا وانت اعزل وهو مسلح تقول ليه خلاص سوقها؟
ما حصل في قرى الجزيرة الوادعة الامنة لم يظهر للعلن الا انذر اليسير منه.
ولما زوجتي تقول لي ليه اديتم بنتك وليه ما سلحت نفسك عشان تدافع عن عرضك اقول ليهم في كاتب عرور اسمه مين هشام قال التسليح دا حق كيزان عشان كدا نبتعد منه؟
والله خليتة بحق
الكاتب يبدو انه بعيد وما حاسس بي حسس الناس ولا بالفواجع الموجعة التي حلت بهم. ولسه ماسك لي في الكيزان
ان اشك ان الجهة التي تدفع لهم تقول ليهم قولوا كدا
ياخي انا مواطن بسيط في حالي مالي ومال كيزان ومال شيطان، الناس ديل ينهبونا وكل الملايين اللي نزحت من منازلها وبأر جلها عشرا ت الساعات ومنهم من وقع ميتا من المرض والتعب سببه خوفهم على اعراضهم.
تجي تقول الكيزان والكيزان والكيزان!
انت مجنون ولا شنو