لو في زول سألك توصف ليهو الزول السفيه.. قول ليهو السوداني يجسد المعنى الحقيقي للسفاهة..
آيّ والله..
تصدق يا مؤمن السودان عندو عشرة الف جندي في اليمن حتي الآن؟
تصدق يا مؤمن السودان عندو سرب طيارات مقاتلة في اليمن.. العجب السرب الوحيد الذي نمتلكه، و يعمل بكفاءة؟
الجيش اعلن التعبئة العامة، ثم الإستنفار، و مدن السودان، و قراه تستباح من قبل الجنجويد، و نساءنا سبايا، وصلن اسواق النخاسة في مالي، و النيجر، و تشاد، و افريقيا الوسطى، و البقية بين نار النزوح، و رمضاء اللجوء، و ما ادراك ما الإغتصاب..
كل مدن السودان مهددة، تعيش في حالة هلع، و خوف؟
دي سفاهة، ولا انا غلطان؟
كسرة..
الايام ح تثبت ليكم ان وجود هذه القيادة لأي ثانية هي خسارة كبييرة للسودان و سندفع فاتورتها لأجيال قادمة..
اخيرا..
ما ينط واحد يقول لي دي ما مسؤوليتنا ديل الكيزان الورطونا في القصة دي..
لا يا الحبيب انا و انت و هو، و هي.. كلنا استسلمنا للضعف، و الهوان، و منتظرين نفس العميل، و المتواطئ .. اللص، و السمسار.. ان يقودنا الي إنتصار..
عارفين عشرة الف مقاتل، و سرب طيارات مقاتلة بكفاءة جيدة ماذا يعني؟
هاكم دي..
البرهان ح يحرر الاذاعة، و مدني.. و دا كل طموحه، و الباقي استعدوا للمواسير بعد الضجيج..و تموهو خيال..
لو انا بقيت حي ارفعوا الوسطى في وجهي، و إن مت فتبولوا علي قبري..
المكتولة ما بسمع الصياح يا استاذ خليل وعقيدة الكيزان ( يا فيها يا نطفيها. ( والاستاذ محمود حذز منهم قائلا الاخوان المسلمون سيدخلون البلاد فى فتنة تنتهى فيما بينهم( كيزان / جنجويد
الاخ سعاتو خليل تحيه طيبه اعرف انك لا ترد علي التعليقات لكن ياعزيزي سلاح الطيران وحده لا يحسم اي معركه من بديهيات الحروب وشي معروف الان المساله ليست الجنود المتواجدين في اليمن المساله التخبط والعشوائيه التي تدار بها المعركه انا اسف لكن كل المقترحات التي قدمتها من بدايه الحرب مثل الطيران يفرض طوق علي مداخل ومخارج العاصمه وقطع الامداد والمقترح الاخر التحرك نحو العاصمه كل يوم 100متر سوف تتحرر العاصمه المقترحات جميعها لا تودي الي اي حل مع كامل الاحترام الحرب يا اخي اخرها تفاوض البرهان والاخوان يريدون تحسين موقف علي الارض فقط لكي لا يملي الدعم شروطه القاسيه وهي ابعاد الجيش من السياسه وستنهار الامبراطوريه الاقتصاديه للجيش في حاله انتصرت المدنيه اصل الحكايه لايريد العسكر حكم مدني وساقول لك بكل اسف الديمقراطيه غرزت في طين العسكر تقبل مروري وفائق الاحترام
/ تحسين موقف علي الارض فقط لكي لا يملي الدعم شروطه القاسيه/
يا اخي ليهم عشرة شهور و لسع ما قادرين يحسنوا مواقفهم و حتى في امدرمان قل لي ما هي المناطق العسكرية التي استعادوها في الاسبوعين الاخيرين ؟
البرهان لايستطيع احضار الجنود من اليمن لانو بيخاف من السعودية تقلب عليه والسعودية ماممكن تقدر تتخلي عن الجنود ديل خلاص ديل مملوكين للسعودية وعبيد ليهاومفروض يعطوا الجنسية السعودية طيب ولكن لو واحد فيهم كان عندوا نخوة ورجولة فعلا كان يلم عفشو ويرجع مهم كان حتي لو تمرد علي السعودية ويكون جميل لو اتفقوا كلهم مع بعض وتمردوا وقالوا للسعودية عاوزين نرجع نحمي بلدنا وحتي لو تم سجنهم او قتلهم ولكنهم خونة شايفين الحاصل وماعاوزين يرجعوا وعارفين انو البرهان لايستطيع ان يطلب من محمد سلمان يرجع الجنود مابيقدر لانو زول جبان ومفروض علي الاقل ينادي الجنود عن طريق القنوات ان يرجعوا من اليمن فورا ولايشتغل بي ابن سليمان دا او الامارات ومفروض البرهان يرسل زول يشتري سلاح من الحوثي ذاتو كماان طالما السعوديةودول الخليج او الدول الافريقيا ترفض تعطي سلاح للبرهان شوف عدوءك واشتري منو
البرهان واركان حربه هم الضمانة الوحيدة لاستقرار السودان بما اظهروه من حنكة وحكمة فوتت على قوى الشر احتلال السودان ورغم تفوق الدعم السريع باعتباره كان مشاة الجيش السوداني وانه كان متواجدا في مفاصل الدولة وكل مقار الجيش استطاع الجيش بقيادة البرهان واركان حربه افشال المخطط الخارجي والداخلي العنصري القبلي لله درهم
نحن كشعب السوداني وانا متاكد ان كلامي كلام90 % منه ه>ا رايه وهو ان يبستمر البرهان وومن معه في حكم السودان لمدة لا تقل عن 10سنوات على الاقل والديمقراطية لا تصلح للسودان واستقراره وتنميته