اطلع رئيس مجلس السيادة الإنتقالي القائد العام للقوات المسلحة الفريق أول ركن عبدالفتاح البرهان على سير الآداء بمشروع الجزيرة والاستعدادات الجارية للموسم الزراعي.
جاء ذلك لدى لقائه بمكتبه اليوم، محافظ مشروع الجزيرة، إبراهيم مصطفى علي، والذي أوضح في تصريح صحفي، أن رئيس المجلس السيادي إطمأن على الجهود التي تبذلها إدارة المشروع من أجل إنجاح الموسم الزراعي الصيفي.
وأبان أن الفريق أول ركن البرهان وجه كل الأجهزة المختصة بدعم المشروع حتى يضطلع بدوره في تحقيق الأمن الغذائي لأهل السودان، ووعد بزيارة قريبة للمشروع وإفتتاح العروة الصيفية.
وقال محافظ مشروع الجزيرة إن رئيس مجلس السيادة أكد خلال اللقاء أيضا أن تحرير ولاية الجزيرة بات قريباً ووعد بنهضة زراعية شاملة في كافة أنحاء المشروع.
ليته ينتقل من وسط حرسه الشخصي وقصوره – ويمشي يعزي مواطن الجزيرة في شهداء النفس والعرض والمال – موت بالجملة يومي – وبعلم وموافقة البرهان ومن معه في اللجنة الأمنية – نزيف بلا توقف
قبل الخروج
هل يعلم هذا المحافظ وكذلك البرهان ما حدث لمحصول الشتاء 2023 حصاد القمح ؟ هل يعلمون أين ذهبت محاصيل صيف 23 ؟ هل يعلمون أن المجاعة دخلت كل بيوت أهل الجزيرة ؟؟ قال زراعة واستعدادات ..
أغرب خبر في هذا العام
لا شيء غير الموت و النهب و السلب في الجزيرة. لا كلام عن ضحايا و لا كلام عن تعويضات. يكون البرهان عاوز جنود الدعم السريع يزرعوا ولا شنو
والله كلام غريب .. !! ياجماعة مش قالوا الدعم السريع محتل الجزيرة ؟؟ وللا الجزيرة براها ومشروع الجزيرة براهو .. ياجماعة الناس ديل قاعدين يستهبلو أم هم مجانين أم نحن المجانين أم الحاصل ده شنو .. ؟؟ ما الذى يجرى ؟؟ أين هى الجزيرة .. ؟؟ والمشروع زاتو وينو ؟؟ يا اخوانا برضو فى مشروع ( تحت التربيزة .. ؟ ) والله الشعب السودانى ده لو فضل منو زول حيكون مصاب بالزهايمر وكل أمراض العقل والامراض النفسية ولاحول ولاقوة إلا بالله .
برهان مسؤول عن مشروع الجزيرة اما إنسان الجزيرة لا شأن للبرهان به هذا الرجل لا يستحى يا جماعة الجنجويد شردوا مواطن الجزيرة عن بكرة ابيه وانت لم تطلع بسير اداءه جاى حسى تطلع على سير اداء المشروع وانت شايف الجنجويد قلعوا القمح بعد حصاده من المزارع حمرة عين بل نهبوا كل المحاصيل التى بمخازن المزارعين وانت عايز تطلع على سير الاداء عشان المزارع يزرع والجنجويد يشيلوا المحصول حمرة عين استحى على دمك يا برهان لا احسب ان تكون بك قطرة دم وبعدين انت يا برهان السجم مشروع الجزيرة رئاسته فى بركات انت بتقدر تدخلها عليك الله انت عملت شنو لم الجنجويد شفشفوا المشروع حتى معامل اكثار البذور بهيئة البحوث الزراعية لم تسلم منهم أطفال الجزيرة تم أسرهم وطلب فدية ليشتروا حريتهم كنت وين وين انت كنت جاى تطلع على سير الاداء فى بورتسودان يا نايم فى العسل انت عليك الله بطل هبل لو عايز تزرع مشروع الجزيرة شوف ليك طريقة شراكه مع كيل عشان بعدين اطلعك بى قد القفه وقت الحصاد وانا شايف وكيل نيابتك نيابة السجم دى مطلع أمر قبض بحق كيل وجلحه وقجه الجماعة ديل قاعدين ما فيهم زول هارب من ميدان المعركة متلك انت وانت لو راجل امش اقبض على كيل خليهو وكيل نيابة العدم حقك دا هداك كيكل قاعد فى مكتب وآليك المفحط زيك امش اقبض عليهو لو راجل انت فاكروا رئيس حزب المؤتمر السودانى فرعية القرشى والا الاستاذ الشهيد احمد الخير كيكل السم القدر غداكم عرف من اين ياكل كتفكم كيزان هوايات الله ما خاتى عليكم لم سلط عليكم من يؤدبكم كيزان قليلين ادب
* كيكل *كيكل
يا مثبت العقل في النافوخ ؟؟؟
كدي ورينا أداءك إنت شنو
ديك الجنجويد محتلين المشروع وناهبنه ومروعين ناسه
إنت دورك شنو في محاربة الجنجا واخراجهم من المشروع عشان المشروع يشتغل
والله كملتو الهبالة والعبط والأستهبال
لعنكم الله يا كيزان السجم
خليها الجزيرة ، انت اقدر يابرهان ادخل القصر الجمهورى ، الناس دى بتكتب اى كلام فاضى ، قال يطمئن على سير الاداء فى الجزية ، لو فيك ذرة انسانية حقو تسمع الاداء الحقيقى للجنجويد فى الجزيرة من قتل ونهب واغتصاب واجتياح للقرى الآمنة ، دة الاداء وانت ولا عليك ، انت وياسر العطا الكضاب ( قال فى العيد سوف ندخل مدنى ) اما الكضباشى الكبير يكفى كذبه من اول ايام ( حدس ما جدس )