أين انتم من السودان ياعرب والسودان يتمزق؟

بالله عليك ، بالله عليك ، روح أقيف قدام المراية وعاين لنفسك جيدآ ، إنت أو أنا أو الرزيقات والعطاوة أو الجعليين أو العبابدة أو ناس النيل الأزرق بنشبه العرب في شنو؟ نحن شعب موهوم فاقد هوية وفاقد بوصلة. من يومين تم نشر نتائج دراسة بحثية تمت في جامعة أوكسفورد خلصت إلى كل جينات البشر الحاليين على كوكب الأرض ترجع أصولها الجينية إلى السودان. ومع ذلك متمسكين بالعروبة ياوهم ومحمد بن زايد بيدمر في السودان ويصب البنزين على نار الحرب والناس تموت زي الجراد ، دي فائدة العرب للسودان.

نحن أفارقة و جدودنا أفارقة و لو العرب اتنكروا لعروبتنا و همشونا نحن زاتنا مستغنين عنهم و عندنا أصول نرجع ليها . ما دايرين منهم أي حاجة ، و كوننا نعتبر نفسنا عرب دا وفاء لثقافتنا و ديننا بس ، و السودان زاتو فيه المسيحيين و فيه الناس الما بعرفوا عربي ، و جنوب السودان -البنعتبره جزء مننا و طرف مبتور – بشهد على التنوع الثقافي في البلد الكبير المقسم . نحن الما دايرنا ما دايرنه ، و الشايفنا حاجة صغيرة ما بنشوفه أساساً ، و الحمد لله عندنا البغنينا و البكفينا من الموارد ، و حربنا دي حقتنا بنحلها برانا ولا محتاجين ليهم و لا لتدخلاتهم ، يلا برا لمة .

الواحد كان ممكن يعمل نايم لو قلت عاصفة الحزم شوية معقولة لانها حرب سياسية في المقام الاول.
لكن كونك شايف دفاعك عن الاقصى و مسرى النبي صلى الله عليه وسلم حاجة انت عملتها تفضلاً منك عشان خاطر عيون العرب ولتزم يردوا ليك الجميل تبقى انت المشكلة الاولى الي لازم نشوف ليها حل بعداك نشوف مشكلة العرب.
ثانيا طبيعي الانظار تتجه لفلسطين لسببين رئيسيين الاول مكتوب في اول اية من سورة الاسراء، هي ارض مباركة وذكرت في القران في كم موضع على انها مباركة فبالتالي اوجد الله تعالى فيها الديانات الثلاث الاكبر في العالم وجعل القدس مهد لها ،ميلاد المسيح وكنيسة القيامة، معجزة الاسراء بالنبي محمد صلى الله عليه وسلم، و هيكل اليهود لذاك من الطبيعي ان تتجه الانظار اليها من كل حدب وصوب في العالم.
السبب الثاني هو انهم يواجهون حرب ابادة ابشع وافظع من ما نواجهه في السودان بدون مقارنة اساسا، الجنجويد والجيش يمتلكون مضادات ارضية و حتى الجنجويد حديث التأسيس مقارنة بحماس مثلا يملك اسلحة يستطيع من خلالها اسقاط طائرات الجيش، اما حماس وفصائل المقاومة فلا يملكون ربع تسليح الحيش والجنجويد ورغم ذلك يواجهون جيش كان افتراضيا انه ضمن اقوى 5 جيوش في العالم.
نأتي لسبب مهم، و هو ان الشعوب لاتعرف كقا مايجري في السودان، فوجدت كل حكومات العالم انه لا يوجد داعي لتبرير شيء لشعوبهم لانهم لايعلمون مايحدث ، فباتت الرواية المنتشرة انه نائب الحيش ورئيسه ويلا مع السلامة.
للاسف مقالك مليء بافكار وخيارات غريبة لا تشبهنا كمسلمين سودانيين قلوبنا الان صحيح في بلادنا ًو اهلنا، لكن الاقصى لنا ، وارواحنا هناك مع ابطال القطاع المحاصرين.
نسال الله انا ينصرنا واياهم نصرا عزيزا ساحقا وان يجنبنا دعاة الفتنة والشقاق بين الاخوة في الاسلام.