أخبار السودان

البرهان يرسل عقار إلى كمبالا للقاء موسفيني

إستقبل الرئيس اليوغندي يوري موسيفيني بالعاصمة كمبالا اليوم مرسال قائد الجيش السوداني، مالك عقار اير، للرئيس اليوغندي، يوري موسفيني.

وأوضح وكيل وزارة الخارجية المكلف السفير حسين الأمين الفاضل في تصريح صحفي ان عقار نقل للرئيس اليوغندي رسالة من البرهان تتعلق بتطورات الأوضاع بالسودان وقرار مجلس الأمن الاخير المتعلق بمدينة الفاشر والذي طالب فيه قوات الدعم السريع بكل وضوح بفك الحصار عن مدينة الفاشر.

وقال أن عقار اطلع الرئيس اليوغندي على موقف السودان مما يجري على الساحة الدولية والإقليمية والمنابر المطروحة وعلى رأسها منبر جدة وانه على الدول الداعمة للتمرد وقف دعمها  لتحقيق السلام في السودان حتى يتحقق الاستقرار في المنطقة.

وكان عقار قد وصل صباح اليوم إلى العاصمة اليوغندية كمبالا يرافقه وكيل وزارة الخارجية السفير حسين الأمين الفاضل.

سونا

‫9 تعليقات

    1. والله لو انا كان عندي سلطة مالك عقار ده الدكان ما برسله ليه
      بعدين هو صدق انه الرجل الثاني في الدولة. سبحان الله

  1. ( وانه على الدول الداعمة للتمرد وقف دعمها )
    يعني عقار رسلوه عشان يقول لموسيفيني أوقف دعمك لحميدتي

    ما هذه العبقرية ؟؟
    يعني انتم يتهددوا الراجل جو بلده ؟ أكيد رده العملي في الحالة دي حيكون عكسي الا اذا اديتوه ضحاكات

  2. منو القال للبرهان إنت رئيس شرعي ومجلسك الإنقلابي المسخرة شرعي ويستحق الدعم ؟

    ومنو القال للبرهان أن مليشيات الكيزان و حركات النهب المسلح و 9 طويلة الحليفة له هي كيانات شرعية تستحق الدعم؟

    ومنو القال للبرهان أن إدخال روسيا وفاغنر والحرس الثوري الإيراني والحوثيين زحزب الله اللبناني إلى ساحل البحر الأحمر الغربي وشرق أفرقيا ومنطقة منظمة الإيغاد هو عمل شىرعي يستحق الدعم ؟

    وهذا المراسلة الإضينة المفاجأة العجوز الأكول مالك أكار إير لا بيستحي لا بيخجل ؟ بقى زول أهبل ماعنده رأي ولا شخصية ؟ وسايب اابرهان والفلول يهبلوا بيهو بالطريقة دي؟
    إنت حكايتك شنو يا أكار؟ بقيت شغال مع الفلول بي بطنك ؟

  3. الهزائم والعلقات التي ياخذونها علي رؤوسهم كل يوم من الاشاوس خلي البرهان وكيزانه ومخابراته يفقدوا بوصلتهم وما عارفين يسووا شنو… قالوا احسن نخلي الخرتيت الطبل الاجوف ابو كرش دا يمشي يحرض لينا الافارقه ضد الدعامه وهم ما عارفين ان الافارقه فاهمين كل شيء وزيارات الخرتيت لا تغير في سياساتهم شيء… الكيزان في ورطة الكلاب السعرانه المحاصره من كل النواحي وتقذف بالحجاره وهي تنبح ولا تدري كيف تخارج نفسها.

  4. الجماعة ديل بفنجطوا يفتشوا ليهم في دولة تقبلهم كلاجئين يبدو أنه الامور ماشة في طريق وقف الحرب وبحنسوا في الدول تاويهم.

  5. الببارى الجداد بوديهو الكوشا اخر الزمن الرفيق الساقط مالك عقار ترك النضال وبقى مرسال للكيزان وسبحان الله رسلوهو روسيا وادوهو رساله الى بوتن وبوتن قال ليهو روح يا شيخ انا ما فاضى ليك وقام سلم الرساله إلى لافروف وما معروف لافروف وصل الرسالة واللا رماها فى اقرب سلة نفايات 🗑 هو اصلوا البرسلوهو ما عندو كرامة جاء راجع قاموا تانى رسلوهو يوغندا زولنا دا رايح ليهو الدرب جماعة الاتحاد الافريقى ديل انت قلت عارف مواقفهم منك ماش تسو عندهم شنو شكل البرهان مستمتع لانه لقى ليهو زول ارسلوا يا برهان جون قرنق قال ليك مالك عقار دا لو رسلو اكتل دابى بجيك الدابى مشربك فى كرعينو والله جون قرنق دا قال الحقيقة دى قبل كم سنه والبرهان السطحى دا لسه شغال برسل فيهو والطيور على أشكالها تقع بس اعمل حسابك ما ترسلو اكتل ليك دابى عشان اجيك الدابى مشربك فى كرعينو اقوم اعضيهو واجى اعضيك انت

  6. البرهان أثبت إنه طيش في السياسة والتاريخ زؤ ما هو طيش الدفعة في الكلية الحربية بشهادة العميد بحري صلاح ( دولار) كرار.

    إنت يا البرهان ما جايب خبر عن عداء الرئيس اليوغندي موسيفيني للكيزان بسبب مساعدتهم لقوات جيش الرب اليوغندية المتمردة عليه في شمال يوغندا قبل توقيع إتفاقية نيفاشا وفصل الجنوب؟

    ومرسل الدلاهة النائب بتاعك ده عشان يقنع موسيفيني بدعمك والفلول ويرجعوا الكيزان تاني يحكموا الءودان ؟
    ههههههههههه. شي مضحك فعلا.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

انت تستخدم أداة تمنع ظهور الإعلانات

الرجاء تعطيل هذه الأداة، فذلك يساعدنا في الأستمرار في تقديم الخدمة ..