ياشعب سودانى السودان كله مهمش والشماليه نفسها مهمشه وحتى منطقة عمر البشير او الترابى او هذا البرهان كلها مهمشه وليفهم الجميع ان الاخوان المسلمين (الكيزان) ليس عنصريين ليتهم كانوا عنصريين لنهضوا ببعض المناطق فى السودان (مناطقهم) ولكن الكيزان منحازين فقط لاخوانهم الكيزان فالترابى وعمر البشير واسامه عبدالله وامين حسن عمر لم يقدموا اى خدمات لمناطقهم فهم أنانين ويقدموان لأنفسهم فقط ولاخوانهم فى التنظيم وهناك من قياداتهم من اقرب الأقربين لنا ولم يقدموا اى خدمه لوطنهم الصغير او اقرباؤهم اللصيقين الكيزان قدموا لأنفسهم ولاخوانهم فى التنظيم فقط فمتى يفهم ذلك اخواننا المهمشين فى دارفور وفى كردفان وغيرها ؟؟ ويفهم ذلك الشعب السودانى ؟ وعندما يهاجم الآن بعض الجهلاء ابناء الشمال على اساس ان الكيزان قدموا لابناء الشمال فهم يظلمون اخوانهم فى الوطن فهم لم يقدموا للشمال شيئاً والشمال قدم له ابناؤه المغتربين واقولها لكم أنا عندى قريب جداً من قياداتهم واتذكر ذهبنا له فى مناسبة بكاء وفى البكاء دائماً يجلس الأقرباء اللصيقين مع بعضهم ليخففوا عن بعضهم ولكن قريبنا هذا كان يجلس مع كيزانه وتفهمت ذلك فهم اقرب اليه من اسرته وهكذا رباهم شيخهم الترابى .
Omdurman [email protected]
كلام صحيح
مش كدا كله مهمش والشماليه نفسها مهمشه فعلا كلامك صحيح ياودالشيخ والشمالية خاصة لافيها شوراع او جوامع او مستشفيات او مدارس او مواصلات او حتي مراكب كويسة للعبور كلها خلاء لاكهرباء لا موية نظيفة لا حمامات لا اسواق غير سوق واحد في يوم معين ولا شئ كدا حتي اطباء مافيها فقط تمرجي قاعد عامل فيها دكتور والناس تصدق والشمالية دي ذي ماخلقها ربنا كدا ماعملوا فيها ولا شئ غير طريق الشريان دا الوحيد الساعد شوية وابناء الشمالية طماعيين ولا بيهتموا بي البلد لو كانوا اتبرعوا كويسة كانوا صلحوا البلد دي لاهم تركوا الشمالية وهاجروا وبنوا واشتروا وعملوا عمارات في العاصمة وشوية شوية لما يموت كل الكبار القاعدين فيها لاقدر الله سوف تفض الشمالية من الناس لانوا كل الصغار هاجر وسكن الخرطوم يلي ياحكومة دا الوقت المناسبة لعمل كميات من السدود والخزانات سد كجبار وغيروا لحفظ المياة وتوليد الكهرباء المجاااان وتصليح الشمالية يلي اما الكيزان ديل ناس الله ساي هبل درويش مابيعرفوا عنصرية او حقد اوحسد
كلامك تريلون فى المائة صاح ، وما قلته عن الشمالية هو الذى جعلها القوة الوازنة للسودان ومحتمعاته ، فلو لاها لما وجد هذا السودان ولذهب مع ريح الحروب الأهلية
القاتلة للدول.