توعد وزير العدل السوداني، معاوية عثمان محمد خير، اليوم الأحد، قوات الدعم السريع بملاحقتها عبر المحافل والمحاكم الدولية.
ونقلت وكالة الأنباء السودانية «سونا» أن تصريحات وزير العدل جاءت خلال لقاء جمعه بوالي كسلا المكلف اللواء ركن معاش الصادق محمد لازرق ضمن برنامج زيارته للولاية برفقة وكيل الوزارة هويدا علي عوض الكريم.
وأوضح الوزير السوداني أن الوزارة عكفت على مراجعة وتعديل كافة التشريعات التي صدرت مؤخرا حتى تتواءم مع المرحلة المقبلة.
كما تم خلال اللقاء مناقشة الجوانب المتعلقة باللجان الفرعية المنتظمة في الولايات المتعلقة بالاتجار بالبشر ومتابعة سير القضايا الدولية.
وتأتي خطط وزارة العدل السودانية لملاحقة الدعم السريع في المحافل الدولية بعدما دعا قائد قوات الدعم السريع، محمد حمدان دقلو «حميدتي»، مجلس الأمن الدولي إلى تعليق عضوية السودان في الأمم المتحدة، مبررا ذلك بـ«عدم وجود حكومة شرعية في السودان بعد انقلاب 25 أكتوبر»، على حد زعمه.
تمام امشي محكمة العدل او المحكمة الجنائية الدولية وقول ليهم عاوزين نرفع قضية ضد الدعم السريع ح يقولوا ليك كويس … سلمنا في الاول المطلوبين للعدالة الدولية وبعدين نشوف موضوع الدعم السريع ده
وزير الظلم وليس العدل …اولا سلم احمد هارون والبقية للمحكمة الدولية وبعدين افتح بلاغ في الدعم السريع .هههههه🤣🤣🤣🤣🤪🤪😘🤪🤪انت قايل الشعب والعالم ديل هبل زيك .ياكوز مصدي
سلموا في الأول المجرمين المطلوبين للعدالة الدولية ( ود الهدية و أب ريالة وأحمد هارون والجنجويدي الأصلؤ موسى هلال) وبعدين إشتكوا الدعم السريع.
وزير العدل إنت في الأصل دارس قانون . وما معقول إنك تكون ما فاهم الكلام ده. لكن واضح إنك قاعد في وزارتك عاطل ما عندك شغلة تقضيها .
ياخي أعمل زي مني أركو مناوي . جيب شاي وقهوة وتمر وترمس وفول حاجات وتسالي و دوم وتمر أشغل بيهم وقتك.
كدا أول حاجة إلتزم بقرارات العدالة الدولية وسلم قتلة الشعب وناهبي ثرواته المطلوبين للمحكمة الدولية بعدين أفتح بلاغك في الدعامة
الله يفتح راسك بركة الله يا وزير الظلم والفساد .. وين هي العدالة في السودان عشان نعمل ليها وزير عدل !
بعدبن ما تنسى في مجرمين مطلوبين أشد فسقاً وإجراماً من الشيطان نفسه سيبك من حميدتي وفي بلاغات مفتوحة ضدهم وصدر أمر القبض عليهم سلموهم للمحكمة الدولية وتعال إتكلم عن مليشيا الدعم السريع
الدعم السريع ما زال يداوسكم وينتصر عليكم في ارض السودان تودوه المحكمة الدولية؟
كدا اولا انتصروا عليه وافتحوا مطار الخرطوم عشان طياراتكم البتمشي لاهاي تشتكي الدعم السريع تطير منه
برضه الشعب السوداني حيفتح بلاغات ضد انتهاكات الجيش والدعم السريع والحركة الإسلامية والمؤتمر الوطني في محكمة العدل الدولية وحمدوك ماسك الجبادة ومنتظر عشان ما يفلت قرقور.