نضال عبدالوهاب
كثيرين ممن نعرفهم في “المجال” والمجال هو الإسم المُتعارف عندنا لمن يشتغلون أو يُمارسون العمل السياسِي العام ، أو حتي البعض ممن لا تعرفهم أشخاصاً ولكن تقرأ لهم يقومون بالإحتفاء بكل ماهو (جنجويدي) أو يتبع لمليشيا الدعم السريع أو قيادتها المُجرمة ، سواء أن كانت تصريحات ، أو حتي إنتصارات عسكرية علي الطرف المُتحارب الآخر وهو الجيش ومليشياته ، ويظنون ويعتقدون أن هذا نصراً علي (الكيزان) ، العدو الأساسي والحقيقي للشعب السُوداني ، وأنهم بهذا الفعل الإحتفائي يُساهمون في تعرية أو كشف أو حتي هزيمة ودحر هؤلاء (الكيزان) ومن معهم من جنرالات الجيش أمثال المُجرم البرهان وغيرهم في قيادته ، ظللنا نُشاهد ونري هذا بشكل يومي ومن العديدون منهم ، سواء كانوا قيادات سياسِية وفاعلين أو عضوية لأحزاب مُحددة وكيانات أو حتي سفراء سابقين أومثقفين وكُتاب وناشطين سياسِين ، وكانت آخر هذه الدعومات والإشادات هو الإحتفاء بتصريحات المُجرم “حميدتي” فيما يخص مفاوضات جنيف الحالية ، نفس هؤلاء اللذين يقدمون المدح والإشادات بحميدتي ومليشيا الدعم السريع ظلوا وطوال مرحلة الحرب يقومون بالإدانات “الخجولة” لجميع إنتهاكاتها ، بل ظلّ بعضهم يقوم بعمليات “التبرير” وخلق الأعذار لها في كثير من جرائمها وإعتداءاتها علي المُدن والقُري والمدنيين العُزّل والمُساهمة في إبادتهم وتهجيّرهم وتشرّيدهم ، الواضح والذي لا يحتاج لأي “فهامّة” أو “درس عصُر” أن جميّع هؤلاء سواء أحزاب وكيانات سياسِية أو قيادات بها أو عضوية لأحزاب مُحددة أو بقية المُحتفيّن والمُشيديّن والمُبررين للمليشيا وقيادتها وسلوكها ، من حيث يدروا أو لايدروا ظلوا يُشكلوا لها الغطاء والشرعية السياسِية والتي مكنتها من الإستمرار في هذه الحرب وبالتالي إستمرار الحرب نفسها وشرعنتها ، في حيّن أن الموقف الصحيح هو نزع الشرعية السياسِية من طرفي الحرب ، وإن ظلّ “الكيزان” والمؤتمر الوطني يُمارسون إعطاء مظلة الغطاء السياسِي والشرعية للجيش ومليشياته ، فبالمُقابل فإن هؤلاء القيادات المدنية والكيانات والأحزاب والأشخاص من الضفة الأخري ظلوا يلعبون ذات الدور الذي يلعلبه الكيزان والمؤتمر الوطني والإسلاميون طوال فترة الحرب الحالية وأصبح الأمر كأنه “مُباراة” مابين “الكيزان” الغطاء السياسِي وداعمي الجيش ومليشياته ، ومابيّن كتلة المدنيّن الموالين للمليشيا ويشكلون غطاءها السياسِي ، وكلا الطرفيّن في تقديري هم من يُساهمون في إستمرار الحرب وليس إيقافها؟؟ .
أي حديث لمن يُعطي الشرعية أو الغطاء السياسِي لطرفي الحرب عن وقف الحرب هو حديث لايسنده الواقع ولا المنطق ، وأي إرتباط بالمصالح نحو طرفي الحرب هو يُمثل في تقديري إبتعاد عن مصالح الشعب الحقيقية في وقف الحرب ووقف مُعاناة السُودانيّن ، وإستطالة لأمّد الحرب…
أُعيّد وأُكرر أن الموقف الصحيح والذي يذهب لإتجاه وقف حقيقي للحرب يتمثل في نزع أي شرعية أو غطاء سياسِي لطرفي الحرب ، وإعتبارهما معاً يقومون بدور إجرامي ضد البلد وضد شعبها من خلال هذه الحرب ومن خلال كافة الإنتهاكات والجرائم التي حدثت ولاتزال تحدث فيها وأن أول الطريق لوقفها يكون بنزع أي شرعية أو غطاء سياسِي لطرفيها وبغير أي تردد أو محاولات تبرير أو ربط بالمصالح معهما.
يا جذري ياوهم شرعية طرفي الحرب تعال انزعها انت، موش انتو الجذريين قلتوا عاوزين تجذروا الكيزان الارهابيين والدعم السريع المجرمين جذر وقعدتو طول الوقت تهاجموا في الحرية والتغيير وتخونوا فيهم وتفشلوا اى خطوة يقوموا بها يا جذريين يا مواهيم!
انتو الجذريين والله العظيم والله العظيم ماعندكم حاجة غير الكلام والنضمي والحنجرة في الفارغة والمقدودة، ياااخي بقصر نظركم وعبطكم ومثاليتكم الزائدة وتصرفاتكم الصبيانية بقيتوا اكبر داعم لتنظيم الكيزان الارهابي علي مر العصور، غير شق الصف والنضمي الكتير ماعندكم حاجة، وفي النهاية تطلعوا بقد القفة بعد تكونوا شوشتو علي القوى السياسية المدنية الديمقراطية وسهلتوا الامر لعصابة الكيزان الارهابيين الانجاس لاستلام البلد، عملتوها مرتين يا جذريين مرة في التمانينيات قعدتو تهاجموا حكومة الصادق المهدي وتسخنوا النقابات لغاية ماسقطت ومرة مع حكومة حمدوك قعدتو تمارسوا في هبلكم وعبطكم ومثاليتكم الزائدة وعايزين كل شئ يمشي علي مزاجكم وبكيفكم.
الجذريين شقاقين الصفوف عاوزين الكيزان يفصلوا ناسهم من الجيش والشرطة والامن والمخابرات وعايزينهم يفصلوا القضاة الكيزان ويفكفكوا النيابة الكيزانية ويفصلوا جميع عضويتهم من كل اجهزة الدولة وبعدين يحاكموا انفسهم ويدوا انفسهم اعدامات ومؤابدات ويمشو ينفذوا العقوبات علي انفسهم ثم يعلنوا ليهم الدولة المدنية الديمقراطية ويرجعوا كل المنهوبات والمسروقات وكمان يعتذروا عن جرائمهم العديدة الرهيبة البشعة في حق الشعوب السودانية واخرها جريمة اشعال حرب الكيزان الدايرة الان !!!! موش بقول ليك انتو جذريين مواهيم !! ماعندكم حاجة غير شق الصف واحلام العصافير والورجغة الفارغة.
لو فرضنا ان الهالك الترابي لو جابوه وختوه في راس حزبكم الوهم دا تفتكر هل كان حيتصرف كتصرفكم دا؟ ولا كان حيقرا الواقع ويجمع صف القوى السياسية ويتمسكن لغاية مايتمكن؟؟ طبعا تمكينكم ليس كتمكين الكيزان الارهابيين انا بقول فرضا لو زول زى الهالك الترابي كان جذري كان حيعمل ويتصرف نفس تصرفاتكم الصبيانية دى ويقعد يشق الصفوف ويتعامل بمثالية بلهاء اوردتكم موارد التهلكة يا شيوعي؟)
يا اخي انتو الجذريين ديل عليكم الله بطلوا الكلام الكتير شبعنا من كلامكم اللى ما بيودى ولا بيجيب وامشوا اتوحدوا مع قحت وتقدم وخليكم من الحنجرة والحلقمة والورجغة الفارغة، هديبيييييك سفينة (تنسيقية تقدم المباركة) تسع من الحبايب الف .. بس خلو المثالية الفارغة والكلام الكتير وادمانكم لشق الصف وادمانكم للفشل.
الحزب الشيوعي تم انشائه سنة ١٩٤٥م وشوفو نهايته الان شنو وشوفوا وصل لوين ؟ بقي عبارة عن يافطة في بيت مؤجر وناسو عبارة عن ظاهرة صوتية وبس، ودا كلو بسبب عدم قرايتهم للواقع وعيشهم في ارض الاحلام احلام العصافير احلام العصر الناتجة من النومة الطوييييلة.
يا جذري كلم ناسك المواهيم وخلو الكلام الفارغ دا وامشوا اتوحدوا مع قوى الثورة المدنية الديمقراطية ضد الكيزان الارهابيين.
نسيت اسال الجذري نضال التالي:
١. دا منو الحينزع شرعية جيش الكيزان الارهابي وشرعية مليشيا الدعم السريع؟؟؟؟
٢. كيف تنزع هذه الشرعية؟؟
٣. وكيف يتم اعتبار طرفي الحرب مجرمين؟ ودا منو الحيعمل كدا؟؟ ومتين ؟؟ ووين حيتم الكلام دا؟؟
لو قدرت تجاوب علي الاسىئلة دى بدقة ومن غير لولوة تكون انت كجذري علي حق وصاح مليون المية وكلنا غلطانين والجذريين بس الصاح، لكن لو ماقدرت علي اجاباتها بدقة تكون جذري وهم سااااااي.
والسلام ختام يا جذري.
فكره غير موفقه و كالعاده إنحصر التفكير فى الفعل و تناسى او غاب عنه التفكير فى رد الفعل …. ياخى كيف بيكون الحال فى بلد حدادى مدادى منزوع الشرعيه ؟
يوهمون أنفسهم بالتقدمية وهم مجموعة خبلاء يطلبون المستحيل السلام والذى وافق على اجراءته الدعم السريع سوف يؤدي إلى قيام دوله مدنية يبعد فيها العساكر عن الحكم كما ينص عليه حتى قانون الجيش السوداني الاخير.
أليس هذا كل ماتطلبه
الشيوعي السوداني بأمريكا بعدما يئس من البلبسة تحول لبطة 🦆 سلام لكن بطة عرجاء نسبة للتشوهات الفكرية المتأصلة
بالله لو محمد إبراهيم نقد كان لسع حي كنا حنسمع ونشوف سخف الجذريين وهبل الستالينيين المكنكشين على قيادة هذا الحزب؟
عليك الله الخطيب الدلاهة ده هل له من إسمه حظ؟.
عليك الله في حزب شيوعي (طبيعي) في العالم يخوِّن أحزاب سياسية على إختلاف في السياسات الإقتصادية ويطالب بإسقاط حكومة الثورة لأنها لم تتفذ سياسة حشد الموارد متساوية في ذات الموقف العدمي مع الكيزان؟.
أما أتاك خبر تحالف أحزاب اليسار والوسط الفرنسيين لإسقاط اليمين المتطرف في فرنسا؟
ياخي انتو جيتو من ياتو خرابة؟