“الدعم السريع” تمنع تصدير “التمباك” من دارفور إلى شمال السودان

الآن فقط سيثور الشباب السوداني مدمني التمباك ويجعلوا السودان غريت اقين.

خبر عاجل….
خبر عاجل……
خبر عاجل ……..

هل يعلم الجميع ان هناك بديل فعال وربما يكون اقوي من ود عماري الاصلي ذاتو
هذا فضلا علي نظافته وخلوه من القاذورات والعفانات التي تضاف لتخمير التمباك
قبل طحنه في الطواحين وكلها بلاوي كانت اسبابا رئيسيه في كل سرطانات الفم التي
انتشرت سنوات طويله قبل الحرب دا غير انو البديل مقبول اجتماعيا ولو قام احدكم بابتلاعه
بالخطأ فلا ضررعلي الاطلاق وليس له اي تأثيرات جانبيه والشي اللطيف في الموضوع انك ستعتاد
علي هذا البديل بسرعه شديده لن تتجاوز ال ثلاث ايام بعدها لو جابوا ليكا تمباك من بتاع الحقه
من عند مرسي الفاشر او من عند نوري بتاع السوق العربي او اي تمباك اخر مهما كانت شهرته اقسم لكم قسما مسؤول عنه امامكم وامام رب العزه وعن تجربه شخصيه البديل رائع رائع رائع رائع.
والاهما من دا كوووووووووولو ان البديل تقريبا مجاني نعم مجاني ولا يكلف شيئا علي الاطلاق بل كلنا تقريبا نقوم بالتخلص منه في احواض غسيل العده ولن يكون له بندا بتاع مصروفات في ميزانيتنا الخربانه اصلا بسبب ظروف البلد وظروفنا …

طيب ماهو هذا البديل لانو شايف الناس بقي ماعندها صبر ودايره تعرف ماهو .!!!!!!!!!!
البديل ياساده يااحبتي ياأبناء وبنات وطني الغاليين والاعزاء هو (تفل الشاهي) ساء اكان شاهي ابو غزالتين او ليبتون او كابوس او تاج محل اي شاهي ينفع ويفضل ان يكون شاهي ناعم والشاي الاخضر برضو ينفع ويفضل ان لايكون صفق يكون ناعم .

طريقة التجهيز والتحضير :
الطريقه سهله وبسيطه جدا ولا تحتاج عناء
بعد ماتشربوا الشاهي وتتكيفوا اجمعوا التفل المتبقي في الكبابي في كبايه كبيره ثم زيدوها مويه واتركوها بضع دقايق ثم قومو بتصفيه المويه بهدوه حتي لايهرب الشاهي الناعم بمصفاة ناعمه
ثم اتركوه يجف قليلا قبل حفظه في علبه او حقه بتاعة تمباك ويفضل ان يكون رطبا قليلا يعني مايكون جاف شديد عشان تعرف تمسك السفه بايدك قبل ماتختها في خشمك .
3 يوم بس او ممكن تزيد قليلا وستنسي كل تنابيك الفاشر مهما كنت مدمنا .
بلا ود عماري الاصلي بلا لو مافاطر ماتخاطر بلا وارد دارفور بلا لمه ووساخه ساكت كنا اسري لها عقود وعقود وعقود وعقود .!!!!!
عليكم الله ماتنسوني من الدعاء والسلام ختام احبتي بنات وابناء بلادي الغاليين