سيد أحمد الشايقي
يا ملطشةَ بلدا وقع ما سَمَّ بين حفنة وحوشا ضاريه مصاصة دماء لا دين ولا اخلاق ولا وازع ضمير لا انتماء طرفين قتال داعش عديل ضِبّيح وسِلّيخ في الخلق بيع واغتصاب سرقه موارد بالنهار لاخوف من الله ولا بلا وناس البلد متشتتين بين ديل وديل أشباه بشر مقطوعه من حق الحيا ومُنْبَتّه من سبل المعاش والعاصمه محرقة البلد جثثا مكدسه في الشوارع للكلاب وتشاركن فيها النسور وتعافي ريحتن الصبار والحي هناك بالصدفه حي يمشي ويقع بالجوع وبالمرض العضال كوليرا وملاريا وجوع وذل وطفلا يتيم قاعدلو فوق كومة رماد مستني امو تَصَحِي موتها تسندو لو كان بي حُضن يحميهو من غدر الزمان أحسنلو من مويه وأكل أحسنلو من دِفئ البيوت العامره بالحب والحنان والشفع الروضه الملاعب والحيا ، وياحليلو سارح ومنتظر طوق النجاة في لجة البلد الخطر. أما القدر وكتين يصيب لاب يفرز الطفل الصغير لا شيخ مسن لا شاب مُعَمّرْ بالحياة وقبل الممات ييداك مصبرلو الصقر وشلة كلاب متحاوطه في قوز الرماد يتمَطقِن غير اصطفافات الخوازيق الجنود الماب يفرزو طفل برئ او حرمة الله في العباد . والمؤسف المؤسف شديد واحد بليد قاعد ينوني مع الضبابين والبعوض الجيش كبس بل بل وبس والجيش خلاص فك اللجام وطلع حفر بالابري بالزرديي بالطوريي بالقونات وباللايفات وبي هبل الكلام الماب يودي ولاب يجيب. ونسمع ضجيج خبر انتصاراتاً وهم. عاهات بلدنا دقون ضلال سارقانا بسم الدين سنين وبسم الكرامه المهدره في قارعِة طرق الفساد قادو البلد للمحرقه وبسم الوطن يا اكبر اعداء الوطن نُصَّاب شِراك الدين هنا وفي تركيا الكهنوت مجوس ، حيث الليالي المُتعَبه من فَرْط معصية الدقون الدَّاعِره وتئن خلاعه فجور وفِسق وتنوء بحمل اوزار وطن بي اكملو والدين عبايتو معلقه جمب المصاحف والسبح للذكري خلوهن هنا أو قد يكونن في الحفظ لي احدي غارات التتار
ماساة بلدنا مغيبين بل اغبياء ولما الغضب كان سلمي كان وين انتو يا سجم الرماد وكتين هزم كل البنادق وحيدها وسواك انسان محترم لا شردك لا هجرك ترقد تنوم وتقوم بخير وتباشر اعباء الحياة لا شنّف اضنيك صوت ضجيج الحرب لا مدفع وهاون وانتينوف لا صوت رعاع لا قولو باع. واسع مشتت في البلاد وبره البلاد وبرضك تسبح بسم من ذبح الوطن؟ ونحر كرامتك ومرمطه وخلاكَ لاجئ في ديار الغير حقير لا تسوي شي لا لاقي ترجع لا تعيش وبرضك تنوني مع الضبابين والبعوض بل بل وبس. بلبس كتير خليها عاد التنتصر ، خليها تبنيلك بلد وترجعك ، خليها تبقالك تميمةَ فال وخير تسندبها الحُلم الخيال ، معقوله يا بلبوس تباري الخانو وطنك وشردوك تصطف مع انجاس البشر؟ هل تمتلك فيلا وقصر في تركيا؟ وحساب بنوك ملياري مفتوح في دبي؟ وتجارتك العابره الحدود شيتا بواخر وطائرات تهريب دهب ومخدرات؟ وكمين عقارات فندقيه مأجره ما بين دبي والقاهره؟ واولادك الملس الغلاد ومدغلبين فى الحفظ والصون لا حرب لا بشتنه ومُسَجلين في ارقي جامعات في الوجود ومدارسن من كامبيردج وأدنبره لا فيها سورة النازعات لا فيها قل هو الله احد لا فيها حتي البسمله ، ورعايه طبيه وعنايه مكثفه ، وين انت من ديل مفترض والمتلك انت يَزِحُو من كلب البنيه يخافو تنقلو المرض ، دايرنك انت تكون هناك حطب الحروبات العبث ، يستنفروك ويغفلوك ويخدروك بالدين وبي خطب الحماس ، بل أقنعوك بي انو ايران الملالي هي الصديق وعَدوك اخوك انو الامارات العدو ، يا زايد الخير استريح شر البلية ما يغيظ علي انو طهران البريئةَ إحتوت آلاف مؤلفه من ضحايا الحرب لا تأشيره لا تكشيره لا فحص الجواز وفتحت جسور جويه قدمت الطعام والادويه بدل السلاح ، ايران بقت رمز السلام وقُم المقدسة تالتة القبل الحرام وبعد الحرب حجك هناك وما تنسي يا بلبوس تشد رحلك كمان للكرملين
استحلفك بالله فييق ياخي انت واقود الحرب قواتها دباباتها مدفعها هاونا وبنزينها دمك وقوت عيالك يا فقير فالعروة الوثقي السلام والسلم شرعة ربنا الاسمو السلام .
لله درك يا أخى احمد الشايقي كلام رجل وكلام عقل ولكن مشكلة الشعب السوداني مع احترامى للقلة شعب مغيب وساذج اغلبه رجرجه ودهماء يضحك عليهم هؤلاء الانجاس بالله شوف حرامى الجيوب الكلب المرتزق عبد القروش قال في الكوز الافاك الكلب ابراهيم محمود حامد مالم يقله مالك في الخمر تفتكر شعب بهذه السطحية ممكن يبنى دولة وقال الفريق شيبة ضرار قال فريق قال وهو الابتدائي ماكمله هذه جميعها من مخازى الكيزان الملاعين ولكن الديسمبريون وراكم وراكم وداعمين للدعم السريع الى أن يقطعوا دابر اخر كوز من هذه الأرض الطيبة ونحن وراكم مهما طال الزمن يا أنتم يا نحن علي هذه الأرض لأنكم لاتستحقونها.