بدرالدين محمد
وليك يا حب كتير احباب
وليك يا شوق اطنان اشواق
حبيبنا الحب
كبرنا عليهو واتربينا
مشينا في نيله
مع الاصحاب
مع الاحباب
مع الاقراب
وفي ريحة دعاشه اتمشينا
حبنا حب كبير بالحيل
حب للساقية
للوديان
وموية النيل
حب للخضرة
حب للنضرة
حب لتباين الالوان
حب لنمولي
حب لحلفا
حب لفاشر السلطان
حب لتلودي
حب لكلوقي
حب لعطبرة وتوتيل
وحب بالحيل لبورتسودان
حبنا حب شجر للموية
حبنا حب زهر للشمس
عشان ما تكبر الاشجار
وعشان ما تشرق الالوان
حبنا حب كبير بالحيل
حبنا ما هو حب اتنين
حبنا حب
وحب الحب
ونبع الحب
حبنا حب وطن كامل
وطن شامل
وطن سودان
