د. الفاتح خضر رحمة
همالة بلدنا تصحى تلقى حرب عادي رصاص يطاير والناس تعيش الحدث مباشرة ولا مهتمة ومتعايشة مع جوء الدمار والقتل ودوي المدافع والسحل والقتل والنهب والكتاحة قايمة ، والناس دايشين من جحر لخور والأمور ماشة لكن البحير فينا رغم المحن والاحن والخطوب مسالك بعض التافهين في بلد بلا وجيع في عز أزماتها وكوارثها تحصل تجار الحرب تبيع كل شئ وتشترى كل شئ من الإغاثة للناس المنكوبة حتى الأموال المنهوبة والمسروقة والحكومة عادي نائمة لا بتهش ولا بتكش كل مسوؤل يبرطع في المال العام كانوا تكية يتامى شغال يغرف بقرف وينهب بفهم وهاك يا سفر يجوب العالم متلحف الدولار والفنادق من زقاق لزقاق ما يخلي محل بلا فائدة ولا تحصيل غرض المهم أن كديسة ولدت في جحر في لندن تلقاهوا هب وسافر يحضر الولادة حتى السفر بلا ضوابط ما البلد هاملة والحكومة خاملة والعتب في شنوا إذا من أول طلقة بتلقى وزير داخليه هرب وقدم لجوء خائف من شنوا ويموت ليه ما الضأن الموجود دا يموت براهوا عشان يرجع ويحتفل بالطقة والاستقبال كانوا ما عمل شئ وناس عفى الله عم سلف ما يدوك الدرب ويومين ثلاثة تنتهي الشغلة ويموت الشغل وممنوع تسال ما البلد بايظة من كبارا وحال البلد ماشي امفكوا لا مسوؤل عندوا ضمير بيصحى على وجع الغلابة ولا الدولة قايمة بالواجب المهم اي زول ياكل عيشوا والمواطن محتار من شغل كتيح الغبار دا بقى ما فاهم الحاصل شنوا بعاين في شغل الكفار دا ومتعجب من التناقض الحاصل وشايف كل شئ من نهب وسرقة حتى الترضيات السجمانة وعادى في تكية اليتامى دي تلقى المسؤول متمرد الصباح والعصر حكومة المهم الخمشة وتسمع عاد لحضن الوطن والوطن حضنوا في السهلة مفروش يلم كل نطيحة ومتردية بلا حساب جريمة بقدر ما يكرم بغنيمة ، في كل بلاد الدنيا في الحروب والأزمات والكوارث تهب الدولة بطاقمها وتقف في صف مواطنها تسنده في كل محنة وتكون له معين الا عندنا ما تصدق تلقى فرصة حتى تهب الدولة وتتهيا في نهب المواطن وتزيد في اهوال مصيبته وتتكسب من خلف المواطن المتازم والمنكوب فالمواطن في عرف الدولة وسيلة حلب وغنيمة للسرقة تغذي بصافي لبنها خزينته المنهوبة وترفد اشداق اللصوص بلبن سائغ للتافهين ، ولازال المواطن في غي أوهامه يهتف للصوص وناهبي خيراته وزمرة المنتفعين ويمجد في الاوباش.
الرمة الكوز الفاقد التربوي عامل فيها مناضل وبيشتم الحكومة الكلام دا تقولوا لزول ما عندو هديدة ههههههه
بعيدا من اي شيء اكثر حاجه مؤلمة محزنه ومهينة بحق وحقيقه لمن تشوف اطراف الحرب الدائرة اليوم من دول الاقليم خاصة العربية التي تتدخل في السودان عبر التافهين الساقطين من ابنائه على مر عقود سؤال اتمنى الاجابة من اي سوداني حر سوداني حر ود رجال بغض النظر عن انتمائه الحزبي او القبلي او المناطقي المهم سوداني عزيز النفس ……… متى اخر مسؤول عرب رفيع زار السودان مسؤول عربي امير او ملك ؟؟؟؟؟؟؟؟؟؟ لذلك انا لا احترم اي سياسي مثقف ناشط سوداني معقول نحن نكون ونضع انفسنا في هذا الذل والهوان متى نحترم انفسنا وكيف يقدرنا الاخرين اذا كان كل خمسة شلة حرامية تتقذفهم مخابرات الاقليم ضابط مدني ناشط صحفي رجل اعمال الى متى ؟؟؟؟؟ اراضينا يتم بيعها في سوق النخاسة مواردنا عيالنا كل شيء مستباح واول من هاجر لاوربا امركا السودانيين ليه ما يربطونا بعلاقة دغري مع اوربا امركا ليه السودان يخاطب امركا اوربا العالم عبر دول لا تاريخيا لا اي امكانية بشرية موارد تصل حجمنا هل نحن احترمنا وطنا واهلنا حتى يحترمنا الاخرين من وضعنا بهذا الذل والهوان
عابد و كاتب المقال خلونا من علمكم التقيل و انكم عارفين البير و غطاها. فذلكة سودانيين الاصلية، و الحقيقة واحدة و هي انو اخيب و اكتر جيس باطل مر في تاريخ البشرية.
هذا الكوز المتلون لمن يوجه حديثه. هذا المنافق لماذا لا يسمي الاشياء بمسمياتها. استحي يا دكتور زمن الغفلة والفساد زمن الكيزان تجار الدين والمخدرات والدرجات العلمية والوهمية تجار الاغاثات التي تتباكي عليها الان كذبا وتضليلا.
تنتهي الشغلة … ويموت الشغل … البلد ماشية أم فكو… بالله عليكم الله دا مستوى شخص يجمل درجة علمية ولا سمسار في دلالة السيارات ولا وموقف كركر (كالحمار يحمل أسفارا ) !؟ يا أهل الراكوبة أرحمونا ليس كل من هب ودب يصلح أن يكتب مقال .