الشعر
عشان خاطر عيون اطفالنا ما تضوق الهزيمة

بدر الدين محمد
نحن نغني
وتاني ندندن
نكتب غنية
ونرسم منية
وليها نلحن
نطرب دنيا
وكون متمحن
نسكت آهة
ودمعة تانن
عشان افراحنا
تعيش معمورة
وعشان احزاننا
تطير مغيورة
وعشان اجيالنا
تعيش مستورة
وعشان ما خطانا
تكون ميسورة
وعشان ما نسكت
الغام الخطب السميمة
وعشان خاطرنا
وعشان خاطر الكلمة الرحيمة
وعشان خاطر عيون اطفالنا
ما تضوق الهزيمة