بدر الدين محمد
صادتني بالنظرات ومعانيها
بنبل الريدة والاحساس
بصدق الكلمة والاخلاص
بجمال طيفها وهي بيتها
صادتني دون الناس
لقت قلبي بدون حرّاس
مُقفل وخالي ليهو سنين
تكنه كانه راجيها
وجات الليلة يا الاحباب
فرّحت قلبي بالآمال
بنت قصراً لحابيها
وطرت من السعادة فرح
ولقيت بالي في بالها سرح
كتبنا اشعار وغنينا
وشربت معاها شاهيها
رقص قلبي في الخاطر
وباح بسره للعشاق
وقال يا ناس انا المشتاق
لحبيبة قلبي وناديها
وبنادي عليها كل ما اقوم
وبسال عنها الصحيان
وحتى النوم
بحبها ياخي حب بالكوم
وليها نهائي مافيش لوم
وقبل ما انوم
بدندن بوح اغانيها
