بدر الدين محمد
قلت اسرح في النهار
مع طيف حبيبتي
واهدي ليها الأمنيات
اجمل احاسيس الغرام
واصدق مشاعر الانسجام
وارسل ليها في الخاطر سلام
يشعل شموع الاغنيات
اصلوا الحبيب مغرم بطيفها
وبنسج خيوط اللقياء بيها
في كل مكان
وبدندن غناوي الريد معاها
وببني ليها في الشعر ابيات
حبيبتي اصلها جد عطوفة
ورائعة زي روعة حروفها
مكسية بتوب العفاف
وزارعة في الزول امنيات
بتعلم اصول الريد لاسراب الحمام
وبتنده النيل في كل ثانية
وقت تغني الحان الغرام
وبتهدي للعالم محبة
في مظلات الغمام
وبتنمي في الناس المحنة
وبتنشر في الكون السلام
وبتعلم الجيل الثبات
شفتوا كيف الحب يكون
صادق شعور
مخلص وفي
يتهادى ما بين السطور
ويناغم جيتار الحبيب
ينتشي وتطرب عروقه
ويهدي للناس ابتسام
وتتمحي الآهات ويتبدد الم
وقت تغوص في الاغنيات
