بدر الدين محمد
لمًا الكر حمى
الناس فرّزت كيمانا
القايلنهم نضاف
طلعت قلوب وسخانة
يا درب الصراط
ما زل فيك موطانا
وسوسة القلوب
اللاوزت طلقانا
عشمانين سلام
يبني البلد وحيطانا
يرتّق للجروح
السايلة ليها زمانا
لكن البلاد
تبعت درب سيطانا
ونص الخلوق
طلعت قلوبا جبانا
عشمانين شنو
في ناس تزيد في يتاما
تلاتة دهور دمار
ولسع تمد سيطانا
لكن زي مين طين
بجي العكار يهتف دانة
كمان من طين بجي الرواق
وبجوا الناس البسدوا الخانة
قلنا سلام وحب للكل
غنوا حرب وحيوا الدانة
محتارين في خيارهم
اصلنا اخوان من بطن الا البطن بطرانه
ويا سوداننا عيش
فوق المدائن قامة
مهما طال الليل
صباحك بهل بغمامه
ويرجع عهد تاريخك
وتكون في وش الزمن شامة
وينهل كون من علمك
وتطعم كون من حرثك وتكون بين الدول قامة
