البرهان يصدر قرار بتفريغ الخرطوم من التشكيلات العسكرية

نعم عليك الله كل القوات المشتركة دي طلعوها من المدن الامنة بقي ماعندهم غير المشاكل مع الجيش وعاوز يضع راسو براس الجيش ويبقي لينا حميرتي الجديد ودا كلام مرفوض ورسلوهم لمناطق القتال ماعاوزين حكاية حميرتي تتكرر تاني وماعاوزين يكون في غير الجيش وبس وخاصة في كل الدوائر الحكومية والاذاعه والتلفزيون خلاص الحمدلله خلصنا من حميرتي والمليشة وتاني خلاص كلوا يطلع بره

البرهان يصدر قرارات لا ينفذها أحد . مجرد فرقعة إعلامية . هل يستطيع هذا التافه طرد مليشيات الكيزان و الامن من الخرطوم ولا ديل تبع هيئة الأركان . البرهان عمدة و هالي أطيان

تكرار المكرر والعمل بنفس السياسة العقيمة استبدال مليشيات بمليشيات يعني قريب ده حنسمع باشتباكات مسلحة داخل المدن بين حركات دارفور والجيش مافي فايدة نفس العقلية المعطوبة التي انتجت الجنجويظ الان ضخمت حركات دارفور حتى اصبحت بعبعا تخشاه الدولة والحكومة هو البرهان ما قدر يمنع تعيبن وزراء الحركات المسلحة وفرضوا وزراءهم بالقوة والتهديد هل يستطيع اخراج قوات الحركات المسلحة ؟ بعنل ليهو شنو يحنسهم مثلا ؟ اها قالوا ما بنطلع من الخرطوم الحركات تعتمد على كروت الضغط ومن ضمنها التهديد بالتبشيع بالمواطن فلن تترك كرت الضغط الذي تحتمي به وتبتز عبره لتذهب وتقعد في الصحراء بلا كرت حماية معناتها تعالوا بي طياراتكم وافجخونا لحركات دارفور في الجنجويد اكبر عبره هذا الوطن نكبته في البرهان والكيزان

كيف يعني الخرطوم دي حقت ابو منو؟ وبعدين زي ما قال حميدتي، تأكلني لحم وترميني عظم؟ تعالوا حرروا الجزيرة تعالوا حرروا المصفى تعالوا احموا القضارف ونهر النيل وعندما نقوم بكل ذلك وتحسبوا انكم قد ارتحتم من الجنجويد تقول لينا اطلعوا بره !!! كيف نعطلع بره، من حقنا نتواجد في كل شبر من السودان ولن نطلع إلا بام قدومن عفن.